[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Kāṭhakagṛhyasūtra](https://indike.org/pramana/in.vedanga.kalpa.grhya.kathaka) › [Kathakagrihyasutrabhashya](https://indike.org/pramana/in.vedanga.kalpa.grhya.kathaka!devapala) › 36 # Kathakagrihyasutra 36 Kāṭhakagṛhyasūtrabhāṣya 36 - **Language:** Sanskrit ### [36.1](https://indike.org/pramana/in.vedanga.kalpa.grhya.kathaka!devapala.36.1) sūryāyā ārṣam| māntravarṇikī devatā| he patni ahaṃ te tava hastau gṛhṇāmi| kimartham| suprajāstvāya lokyaputrasiddhaye| tvaṃ ca mayā patyā bhartrā satā jaradaṣṭiryathāsaḥ bhavasi, tathā bhūyāḥ jarājarjaritadehā bhūyāḥ asamaye bhavatyāḥ pramayo mā bhūdityarthaḥ| amutra pakṣe jarayā dṛṣṭirupakṣayo yasyāḥ sā jaradaṣṭiḥ| tvā tvāṃ bhagādayaścatvāro devā adurdattavantaḥ gārhapatyāya gārhapatyārtham| ### [36.2](https://indike.org/pramana/in.vedanga.kalpa.grhya.kathaka!devapala.36.2) he pūṣan āditya asyāḥ priyāyāstāṃ śivatamāṃ matiṃ ā īrayasva prerayasva tanuṃ vā| yasyāṃ satyāmadhikaraṇabhūtāyāṃ bījaṃ reto manuṣyā vapanti kṣipanti| yā no'smānuśatī kāmayamānā satī ūrū viśrayāte vividhaṃ kṛtvā śrayāte samarpayati vitatayati vātmīyāvūrū| vayamapi yasyāmuśantaḥ kāmayamānāḥ santaḥ praharāma prakṣipāma śepaṃ prajananam, anyonyamāvayoḥ prītirastvityarthaḥ| tathāhyayamupakāro bhavati - ### [36.3](https://indike.org/pramana/in.vedanga.kalpa.grhya.kathaka!devapala.36.3) iyaṃ kanyā pūrvaṃ somasya sambandhinyāsīt| sa somo bhuktvemāṃ gandharvāyāādadat dadau, gandharvo'gnaye| agnirmahyaṃ samprati dadātu| na kevalamimāṃ yāvatā rayiṃ dhanaṃ putrāṃścāgnirmahyaṃ dadātu agnirimāṃ kanyāṃ mahyaṃ datvā putradhanasamṛddhāṃ karotvityarthaḥ| etamevārthaṃ caturthyarcā prapañcayati - ### [36.4](https://indike.org/pramana/in.vedanga.kalpa.grhya.kathaka!devapala.36.4) he kanye tvāṃ somaḥ prathamo vivide patistava babhūva prathamaḥ| tata uttaro dvitīyaḥ gandharvo vivide| tṛtīyo'gniste patistava patirbabhūva| turīyaścaturtho'haṃ manuṣyajo mānuṣyaḥ samprati bhavāmi | 18 || ### [36.19](https://indike.org/pramana/in.vedanga.kalpa.grhya.kathaka!devapala.36.19) gīyanta iti gāthāḥ viśiṣṭā eva ṛcaḥ| ata eva kāstā ityapekṣāyāṃ, sarasvati predamavetyanuvākamāha atrānuvāke yāḥ sthitāstā evetyarthaḥ| dvyantarasvarayuktāsu ca kāsucidṛkṣu gāthāśabdo rūḍhaḥ| yathoktam - 'chandogā bahvṛcāścaiva tathā vājasaneyinaḥ| uccanīcasvaraṃ prāhuḥ sa vai gāyika ucyate||' iti| ayaṃ samudāya pick - tato'nantaraṃ sarasvatītyanuvākaparicchinnā gāthā gururvaraṃ vācayati bhāṇayati| eke punarmanyante ubhāvapi kanyāvarau gāthā gururvācayati| kiṃ sarvadā| netyāha, yadi pṛthaktantramiti| atrāyamabhiprāyaḥ - vivāhodvāhau hi bhinne karmaṇī| kanyāsaṃskāro vivāhaḥ| varasaṃskāra udvāhaḥ| tatra yadi deśakālakartraikyāttantreṇetikartavyatā, tadā sakṛdekaṃ varameva bhāṇayati gāthāḥ svādhyāyiko guruḥ, yadi tu deśakālaikye'pi kanyāvarayorevādhikṛtatvādṛtvijo dakṣiṇayā krītatvāt kartṛbhedāttantrabhedastadobhāvapi vācayitavyau iti| ## Linked texts (1) - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.25.22) — Laugākṣi, Sanskrit --- Source: [https://indike.org/pramana/in.vedanga.kalpa.grhya.kathaka!devapala.36](https://indike.org/pramana/in.vedanga.kalpa.grhya.kathaka!devapala.36) · Pramāṇa