Kathakagrihyasutra 38
Kāṭhakagṛhyasūtrabhāṣya 38
- Language
- Sanskrit
38.1
he vadhu uttamamutkṛṣṭaṃ gṛhaṃ sucaritaṃ vā ārohantī, pṛtanyataḥ pṛtanāṃ senāmicchataḥ śatrūn vyasyantīva kṣipantīva, patyurbharturmūrddhānamadhiroha tasya svaguṇagaṇena mānyā bhavetyarthaḥ, tathā prajayā putrapautrādikayā viśeṣeṇa rājamānā bhava|
38.2
he indra mīḍhvaḥ miha secane sektaḥ, garbhagrahaṇākhyāyā reta:sthiterindraprasādāyattatvādevaṃ sambodhanam, imāṃ vadhūṃ suputrāṃ saubhāgyayuktāṃ ca kuru| daśā'syāṃ putrānādhehi vidhehi ekādaśaṃ patiṃ sampādaya|
38.3
he vadhu samrājñī śvaśure tvaṃ samrājñī mānanīyatamā samyagrājamānā bhava, tathā śvaśrvāṃ nanāndari ca bharturbhaginyāmevamadhidevṛṣu devareṣu|
sajātāḥ bāndhavaparijanaprabhṛtayaḥ| devṝṇāṃ, 'chandasyubhayathā' (6.4.5) iti hrasvaḥ, madhyadeśe tu dīrghaḥ paṭhyate, devarāṇām| sarvaṃ gṛhagataṃ tavāyattamastvityarthaḥ| ata ūrdhvaṃ tvaṃ no agna ityāditantraparisamāptiḥ| atra bhartṛgṛhagamanāvasare madhuparkakāṇḍikā paṭhyate| sā ca snātakaprakaraṇe vyākhyāsyate|
44|| || iti jālandharīyajayapuravāstavyabhaṭṭopendrasūnuharipālaputradevapālaviracite samantrakāṭhagṛhyabhāṣye vivāhaprakaraṇaṃ samāptam|| || iti pañcaviṃśī kāṇḍikā|
25||
Linked texts (1)
- Kāṭhakagṛhyasūtra — Laugākṣi, Sanskrit