[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Kāṭhakagṛhyasūtra](https://indike.org/pramana/in.vedanga.kalpa.grhya.kathaka) › [Kathakagrihyasutrabhashya](https://indike.org/pramana/in.vedanga.kalpa.grhya.kathaka!devapala) › 40.2 # Kathakagrihyasutra 40.2 Kāṭhakagṛhyasūtrabhāṣya 40.2 - **Language:** Sanskrit ### [40.2](https://indike.org/pramana/in.vedanga.kalpa.grhya.kathaka!devapala.40.2) aviśeṣābhidhānādyasminkasmiṃścidrathāṅge viśīrṇe ślathe rathe ya ṛta ityādikāmaindrīṃ bṛhatīṃ japatītyarthaḥ | he ratha yastvaṃ jatrubhyo granthibhyo bandhanebhyaḥ ṛte vinā abhiśriṣaḥ viśīrṇo vināśaṃ prāptaḥ purā pūrvamevātṛdaḥ ātardanādahiṃsita eva naṣṭa ityarthaḥ, taṃ tvā maghavā punaḥ niṣkartā sandhiṃ sandhīyata iti sandhistaṃ niḥśeṣeṇa punaḥ kariṣyatītyarthaḥ | sahi sandhātā sandhānaśīlaḥ | kīdṛśaṃ sandhīyamānaṃ tvāṃ kariṣyati | avihrutamkuṭilagatiyogyam | kīdṛśo maghavā | purūvasuḥ bahudhanaḥ | ciditi pādapūraṇo nipātaḥ | - [Previous: 40.1](https://indike.org/pramana/in.vedanga.kalpa.grhya.kathaka!devapala.40.1) - [Next: 40.3](https://indike.org/pramana/in.vedanga.kalpa.grhya.kathaka!devapala.40.3) - [Up: 40](https://indike.org/pramana/in.vedanga.kalpa.grhya.kathaka!devapala.40) ## Linked texts (1) - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.27.2) — Laugākṣi, Sanskrit --- Source: [https://indike.org/pramana/in.vedanga.kalpa.grhya.kathaka!devapala.40.2](https://indike.org/pramana/in.vedanga.kalpa.grhya.kathaka!devapala.40.2) · Pramāṇa