[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Kāṭhakagṛhyasūtra](https://indike.org/pramana/in.vedanga.kalpa.grhya.kathaka) › [Kathakagrihyasutrabhashya](https://indike.org/pramana/in.vedanga.kalpa.grhya.kathaka!devapala) › 46 # Kathakagrihyasutra 46: atha trayastriṃśī kāṇḍikā Kāṭhakagṛhyasūtrabhāṣya 46 - **Language:** Sanskrit ### atha trayastriṃśī kāṇḍikā ### [46.1](https://indike.org/pramana/in.vedanga.kalpa.grhya.kathaka!devapala.46.1) anantaraṃ soṣyantīsavanaṃ nāma dṛṣṭārthaṃ karmocyate | yaugikīyaṃ saṃjñā| sūyate'neneti savanaṃ sukhaprasavaṃ karma| soṣyamāṇāyā āsannaprasavāyāḥ savanaṃ soṣyantīsavanam| ### [46.2](https://indike.org/pramana/in.vedanga.kalpa.grhya.kathaka!devapala.46.2) vijaniṣyamāṇāyā āsannaprasavāyāḥ adbhiḥ sravantaṃ pāṇiṃ śirasyādhāya hṛdayaṃ yāvadabhimṛśet| bharttā atra karttā, tadasannidhāvāptaḥ kaściddevarādiḥ | mantramāha - ### [46.3](https://indike.org/pramana/in.vedanga.kalpa.grhya.kathaka!devapala.46.3) anena mantreṇābhimṛśet| tathā sati kṣiprameva sukhena prasūyate iti dṛṣṭārthatāmasya karmaṇa āha|| yathā pratyakṣo vāyurayaṃ vegavāhī pavate dhāvati, yathāvā samudra ejati kampate, evaṃ te tava garbha ejatu tūrṇa prajāyatāṃ, jarāyuṇā garbhāśayena saha avapadyatāṃ nirgacchatu| ## Linked texts (1) - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.33.1) — Laugākṣi, Sanskrit --- Source: [https://indike.org/pramana/in.vedanga.kalpa.grhya.kathaka!devapala.46](https://indike.org/pramana/in.vedanga.kalpa.grhya.kathaka!devapala.46) · Pramāṇa