Kathakagrihyasutra 48: atha pañcatriṃśī kāṇḍikā
Kāṭhakagṛhyasūtrabhāṣya 48
- Language
- Sanskrit
atha pañcatriṃśī kāṇḍikā
48.1
bālaṃkasūtikayoḥ rakṣārthā aśaucakāle'mī homāḥ, ataśca dṛṣṭārthā eva| phalīkaraṇaṃ kambukāḥ, tairmiśritānsarṣapāndarvyā daśāhaṃ yāvat sāyaṃprātarjuhuyāt ṣaṇḍa ityādicaturbhirmantraiḥ |
iha sūtikāsthānācchaṇḍādayo naśyantu palāyantāmiti samudāyarthaḥ| ṣaṇḍādayaḥ piśācānāṃ saṃjñāḥ| ekaiko mantrasaṃbandhaḥ| ṣaṇḍa itaḥ sthānānnaśyatu, evaṃ markaḥ, upavītaḥ, tauṇḍuleyaḥ, ulūkhalaśvapalo naśyatāmitaḥ| svāhā suhutamastu |
48.2
anena prakāracatuṣṭayena daśāhaṃ juhuyāt aśaucakālaṃ yāvajjuhuyādityarthaḥ
48.4
haryakṣaṇa ityādayaḥ saṃjñāḥ| keśinī nāma rākṣasī| tathā śvalominī, kacā, kaucā, apakāśinītyetānyapi rākṣasīviśeṣanāmāni |
Linked texts (1)
- Kāṭhakagṛhyasūtra — Laugākṣi, Sanskrit