[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Kāṭhakagṛhyasūtra](https://indike.org/pramana/in.vedanga.kalpa.grhya.kathaka) › [Kathakagrihyasutrabhashya](https://indike.org/pramana/in.vedanga.kalpa.grhya.kathaka!devapala) › 52.4 # Kathakagrihyasutra 52.4 Kāṭhakagṛhyasūtrabhāṣya 52.4 - **Language:** Sanskrit ### [52.4](https://indike.org/pramana/in.vedanga.kalpa.grhya.kathaka!devapala.52.4) navo nava ityanena mantreṇa candramasaḥ upasthānaṃ kartavyam | prakāśa ādarśo dakṣiṇā dātavyā| candramā dīrghamāyuḥ pratirate pratiratu dadātu, tathā prajāṃ putrādikāmamṛtamamaraṇadharmakatvaṃ saubhagatvaṃ saubhāgyaṃ lokapriyatvam | dvirāyurgrahaṇamatiśayārtham | sa hi pratipadādāmamṛtāt parabrahmaṇo jāyamāno vardhate pratidinam | auṇādiko'siḥpratyayaḥ | pūjitasya caturthapuruṣārthasya dhātā vidhātā bhavati | payobhiśca bhūyaḥ punaḥpunarbahukṛtvo vā payaḥ kṣīraṃ, garbhaḥ, garbhān devatā yajñoddeśyāḥ pinvamāna oṣadhyādyāpyāyanamukhena poṣayaṃścandro duḥkhabhayarahitamamṛtatvaṃ me karotu | he soma āpyāyasva vardhayāsmān | vṛṣṇyaṃ sektṛtvamāpyāyakatvaṃ te tava viśvataḥ sarvataḥ sametu samāgacchatu| kiṃca vājasyānnasya saṅgathe sambandhanimittaṃ bhava|| he soma te tava payāṃsi saṃyantu tvayā saṃgacchantām| vājā vājāni annāni ca saṃgacchantām| vṛṣṇyāni ca āpyāyakatvāni tvayā saṃgacchantām| kīdṛśasya tava| abhimātiṣāhaḥ saṅgrāmāṇāṃ prasoḍhurabhibhavituḥ| he soma asmābhirāpyāyamāno haviṣā amṛtatvāya bhava svargāyetyarthaḥ| śravāṃsi cānnānyuttamāni dehi yajñopayogīni| ayaṃ candramāḥ pratipadādau vardhamāno navo navo bhavati| ahnāṃ dinānāmuṣasāṃ ca rajanyantānāmagrametyāgacchati ketuścihnabhūtaḥ pratipadādikālasya sūcakatvāt| kiṃca bhāgaṃ devebhyo dadātyamṛtamayatvādamṛtasya ca dīrghamāyuḥ pratirate| iti candradarśanam| - [Previous: 52.1](https://indike.org/pramana/in.vedanga.kalpa.grhya.kathaka!devapala.52.1) - [Next: 53.2](https://indike.org/pramana/in.vedanga.kalpa.grhya.kathaka!devapala.53.2) - [Up: 52](https://indike.org/pramana/in.vedanga.kalpa.grhya.kathaka!devapala.52) ## Linked texts (1) - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.38.1) — Laugākṣi, Sanskrit --- Source: [https://indike.org/pramana/in.vedanga.kalpa.grhya.kathaka!devapala.52.4](https://indike.org/pramana/in.vedanga.kalpa.grhya.kathaka!devapala.52.4) · Pramāṇa