[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Kāṭhakagṛhyasūtra](https://indike.org/pramana/in.vedanga.kalpa.grhya.kathaka) › [Kathakagrihyasutrabhashya](https://indike.org/pramana/in.vedanga.kalpa.grhya.kathaka!devapala) › 53.2 # Kathakagrihyasutra 53.2 Kāṭhakagṛhyasūtrabhāṣya 53.2 - **Language:** Sanskrit ### [53.2](https://indike.org/pramana/in.vedanga.kalpa.grhya.kathaka!devapala.53.2) sarvāṇi haviṣyānnāni miśrīkṛtya, āyurdā deva iti, ghṛtapratīka iti ca dvābhyāṃ hutvā annapate annasyeti mantreṇa kumāramannaṃ prāśayet || he agne gavyaṃ goprabhavamamṛtamamṛtatvakāri, cāru utkṛṣṭaṃ, ghṛtaṃ piban imaṃ bālaṃ jarasaṃ naya vṛddhatvaṃ prāpaya| ka iva kam| piteva putram| he deva dyotamāna āyurdā āyuṣo dātā tvaṃ, ato jarasaṃ jarāṃ vṛṇāno vardhayan ghṛtaṃ ca vasāna ācchādayan vitaran ghṛtapṛṣṭhaḥ san hūyamānenoparivartinā ghṛtena yuktaḥ san jarasaṃ nayemam| triṣṭup| āgneyī| ghṛtaṃ pratikāyati āhvayati yaḥ, sa ghṛtapṛṣṭho vyākhyātaḥ| ghṛtasya ā samantāt havanaṃ homo yatra, sa ghṛtāhavanaḥ| tathā ghṛtamasyāgnerdhāma gṛham| yatastvamevaṃbhūto'gnirato he bhagavan deva agne ghṛtapruṣo ghṛtakaṇāḥ harito'śvā iva tvāṃ vahantu prāpnuvantu āpyāyantvityarthaḥ| tvaṃ ca ghṛtaṃ piban he deva devān yaja pūjaya prīṇīhi| agnidvāreṇa hi devānāṃ tṛptirbhavati| he annapate somarāja ‘somo vā oṣadhīnāṃ rājā’ iti śruteḥ annasya no dehi annamasmabhyaṃ prayaccha, anamīvasya śuṣmiṇaḥ, amīvo rogastadrahitaṃ, śuṣmaṃ sukhaṃ sukhakāri| pradātāraṃ pratāriṣaḥ prakarṣeṇa tāraya saṃsārasāgarakleśamapasārayāsya| ūrjamannaṃ balaṃ ca no'smākaṃ dehi dvipade catuṣpade ca gavā'śvādike| - [Previous: 52.4](https://indike.org/pramana/in.vedanga.kalpa.grhya.kathaka!devapala.52.4) - [Next: 54.1](https://indike.org/pramana/in.vedanga.kalpa.grhya.kathaka!devapala.54.1) - [Up: 53](https://indike.org/pramana/in.vedanga.kalpa.grhya.kathaka!devapala.53) ## Linked texts (1) - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.39.2) — Laugākṣi, Sanskrit --- Source: [https://indike.org/pramana/in.vedanga.kalpa.grhya.kathaka!devapala.53.2](https://indike.org/pramana/in.vedanga.kalpa.grhya.kathaka!devapala.53.2) · Pramāṇa