Kathakagrihyasutra 57.9.10
Kāṭhakagṛhyasūtrabhāṣya 57.9.10
- Language
- Sanskrit
57.9.10
nakṣaviye prakāśe tattvāloke jñāna ityarthaḥ | vidyut atiśayena dyotamānā ajñānābhrapaṭalamapasārayantya ityarthaḥ | viśvaṃ sarvaṃ vāsayati viśvāvasustaṃ gandharvamādityaṃ sasadhre gacchanta yūyamapi he ṛtvija iti protsāhanā| tābhyo vratāhutibhyo namo'stu mahāprabhāvābhyaḥ| tāścāsmān mṛḍayantu sukhayantu, tathā śarma sukhaṃ yacchantu| punarabhidhānaṃ niratiśayamuktisukhārtham| yaṃ vayaṃ dviṣmo yaścāsmāndveṣṭi, taṃ vayamāsāmāhutīnāṃ jambhe sthāne vahnau dadmaḥ kṣipāmaḥ|