Kathakagrihyasutra 61.11.6

61.11.6

kaścidvyācaṣṭe - ghreyaṃ peyaṃ ca dṛśyaṃ ca spṛśyaṃ śrotavyameva| mantavyamatha boddhavyaṃ tāḥ sapta samidho matāḥ|| cakṣurnāsā ca jihvā ca tvak śrotraṃ caiva pañcamam| mano buddhiśca saptaitā jihvā vaiśvānarārciṣaḥ|| saptarṣayaḥ - śīrṣajāḥ prāṇāḥ prāṇādyāḥ pañcakarmendriyavargo buddhīndriyavargaśceti saptarṣayaḥ| sapta dhāmāni sthānāni priyāṇi, te tu sapta lokā mahāvyāhṛtivācyā yogasāre vyākhyātāḥ| sapta hotrā hotāra ṛtvigviśeṣastānanuvidvān jānan| etāste tava he agne sapta yonayaḥ kāraṇāni| tāstā āpṛṇasva santarpaya ghṛtena svāhā suhutamastu| ādhyātmikajyotiirapekṣaṃ caitat| prajāpataye svāhā suhutamastu| || ityagnyādhānasarasvatī paripūrṇā|| || iti ṣaṭcatvāriṃśī kāṇḍikā| 46 ||