Kathakagrihyasutra 94.p1

Kāṭhakagṛhyasūtrabhāṣya 94.p1

Language: Sanskrit

94.p1

uktaṃ sarvaśrāddhānāmaṣṭakāvikāratvam | tatra yāni pañcamyādau putrakāmādiśrāddhāni loke prasiddhāni, yāni ca nāndīmukhaprabhṛtīni vivāhopanayanatīrthayātrāviśeṣaprāptividvadvaradvijottamagṛhāgamanādinimittāni viśvajidadhikaraṇanayakalpitasvargaphalakāni, tāni prathamāṣṭamīprakārāṇi| yāni tvabhaṇitanimittānyevānantarakathitasvarūpāṇi medodhṛtakulyādipitṛtarpaṇādyarthārthavādabalena māṃsaviśeṣasādhyāni, tāni dvitīyamāṃsāṣṭakāvikāratvena gamyante| yāni tu piṇḍānvāhāryaśabdavācyāni amāvasyādvādaśīsaṃkrāntyādinimittakāni uktanayena svargaphalakāni nityāni ca homāgniṣṭomanidarśanena, tāni ca māṃsāṣṭakāvikāratvena pratīyante| tadetadbhedatrayaṃ krameṇa bhaṇati-

Previous: 93.10
Next: 94.1
Up: 94

Linked texts (1)

Kāṭhakagṛhyasūtra — Laugākṣi, Sanskrit