[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Manavagrihyasutra](https://indike.org/pramana/in.vedanga.kalpa.grhya.manava) › 1.22 # Manavagrihyasutra 1.22: dvāviṃśaḥ khaṇḍaḥ Mānavagṛhyasūtra 1.22 - **Language:** Sanskrit ## Contents - [1.22.1](https://indike.org/pramana/in.vedanga.kalpa.grhya.manava.1.22.1) — 2 parts - [1.22.2](https://indike.org/pramana/in.vedanga.kalpa.grhya.manava.1.22.2) — 3 parts - [1.22.4](https://indike.org/pramana/in.vedanga.kalpa.grhya.manava.1.22.4) — 1 part - [1.22.6](https://indike.org/pramana/in.vedanga.kalpa.grhya.manava.1.22.6) — 2 parts - [1.22.9](https://indike.org/pramana/in.vedanga.kalpa.grhya.manava.1.22.9) — 2 parts - [1.22.10](https://indike.org/pramana/in.vedanga.kalpa.grhya.manava.1.22.10) — 4 parts - [1.22.11](https://indike.org/pramana/in.vedanga.kalpa.grhya.manava.1.22.11) — 2 parts - [1.22.16](https://indike.org/pramana/in.vedanga.kalpa.grhya.manava.1.22.16) — 2 parts - [1.22.21](https://indike.org/pramana/in.vedanga.kalpa.grhya.manava.1.22.21) — 2 parts ### dvāviṃśaḥ khaṇḍaḥ ### [1.22.1](https://indike.org/pramana/in.vedanga.kalpa.grhya.manava.1.22.1) saptame navame vopāyanam // ### [1.22.1.p1](https://indike.org/pramana/in.vedanga.kalpa.grhya.manava.1.22.1.p1) āgantrā samaganmahi prathamamartiṃ yuyotu naḥ / ### [1.22.1.p2](https://indike.org/pramana/in.vedanga.kalpa.grhya.manava.1.22.1.p2) ariṣṭāḥ saṃcaremahi svasti caratā diśaḥ / svastyāgṛhebhyaḥ // ### [1.22.2](https://indike.org/pramana/in.vedanga.kalpa.grhya.manava.1.22.2) ityuptakeśena snātenāktenābhyaktenālaṃkṛtena yajñopavītinā sametya japati // ### [1.22.2.p1](https://indike.org/pramana/in.vedanga.kalpa.grhya.manava.1.22.2.p1) athāsmai vāsaḥ prayacchati-- ### [1.22.2.p2](https://indike.org/pramana/in.vedanga.kalpa.grhya.manava.1.22.2.p2) yā akṛntanyā atanvanyā āvanyā avāharan yāścāgnyā devyo 'ntānabhito 'bhito 'tatananta ### [1.22.2.p3](https://indike.org/pramana/in.vedanga.kalpa.grhya.manava.1.22.2.p3) tāstvā devyo jarase saṃvyayantvāyuṣmannidaṃ paridhatsva vāsaḥ // ### [1.22.3](https://indike.org/pramana/in.vedanga.kalpa.grhya.manava.1.22.3) ityahataṃ vāsaḥparidhāpyānvārabhyādhārāvājyabhāgau hutvā-yaśeṣe dadhyānīya dadhikrāvṇo akāriṣamiti dadhi triḥ prāśnāti // ### [1.22.4](https://indike.org/pramana/in.vedanga.kalpa.grhya.manava.1.22.4) ko nāmāsītyāha // ### [1.22.4.p1](https://indike.org/pramana/in.vedanga.kalpa.grhya.manava.1.22.4.p1) nāmadheye prokte ''devasya tvā savituḥ prasave 'śvinorbāhubhyāṃ pūṣṇo hastābhyāṃ hastaṃ gṛhṇāmyasāviti hastaṃ gṛhṇannāma gṛhṇāti prāṅmukhasya pratyaṅmukha ūrdhvastiṣṭhannāsīnasya dakṣiṇamuttānaṃ dakṣiṇena nīcārīktamariktena savitā te hastamagrahīdāsāvagnirācāryastava devasavitareṣate brahmacārī tvaṃ gopāya samāvṛtat / kasya brahmacāryasi / prāṇasya brahmacāryasi / kastvā kamupanayate / kāya tvā paridadāmi / kasmai tvā paridadāmi / ### [1.22.5](https://indike.org/pramana/in.vedanga.kalpa.grhya.manava.1.22.5) tasmai tvā paridadāmi / bhagāya tvā paridadāmyaryamṇe tvā paridadāmi savitre tvā paridadāmi sarasvatyai tvā paridadāmīndrāgnibhyāṃ tvā paridadāmi viśvebhyastvā devebhyaḥ paridadāmisarvebhyastvā devebhyaḥ paridadāmīti paridadāti // ### [1.22.6](https://indike.org/pramana/in.vedanga.kalpa.grhya.manava.1.22.6) brahmaṇogranthirasi sa te mā visrasaditi hṛdayadeśamārabhya japati / prāṇānāṃgranthirasīti prāṇadeśam // ### [1.22.6.p1](https://indike.org/pramana/in.vedanga.kalpa.grhya.manava.1.22.6.p1) ṛtasya goptrī tapasastarutrī ghnatī rakṣaḥ sahamānā arātīḥ ### [1.22.6.p2](https://indike.org/pramana/in.vedanga.kalpa.grhya.manava.1.22.6.p2) sānaḥsamagantamabhiparyyehi bhadre dharttāraste subhage mekhale māriṣāma // ### [1.22.7](https://indike.org/pramana/in.vedanga.kalpa.grhya.manava.1.22.7) iti mauñjīṃ pṛthivīṃ triguṇāṃ mekhalāmādatte // ### [1.22.8](https://indike.org/pramana/in.vedanga.kalpa.grhya.manava.1.22.8) yuvāsuvāsā iti mekhalāṃ pradakṣiṇaṃ triḥ parivyayati // ### [1.22.9](https://indike.org/pramana/in.vedanga.kalpa.grhya.manava.1.22.9) puṃsa strīngranthīnbadhnāti // ### [1.22.9.p1](https://indike.org/pramana/in.vedanga.kalpa.grhya.manava.1.22.9.p1) iyaṃ duruktātparibādhamānā varṇaṃ purāṇaṃ punatīma āgāt prāṇāpānābhyāṃ balamābhajantī śivādevī subhage mekhale māriṣāma / iti tasyāṃ parivītāyāṃ japati-- ### [1.22.9.p2](https://indike.org/pramana/in.vedanga.kalpa.grhya.manava.1.22.9.p2) mama vrate te hṛdayaṃ dadhātu mama cittamanucittaṃ te astu mama vācamekavrato juṣasva bṛhaspatiṣṭvā niyunaktu mahyam // ### [1.22.10](https://indike.org/pramana/in.vedanga.kalpa.grhya.manava.1.22.10) iti // ### [1.22.10.p1](https://indike.org/pramana/in.vedanga.kalpa.grhya.manava.1.22.10.p1) yajñiyasya vṛkṣasya daṇḍaṃ pradāya kṛṣṇājinaṃ cādityamupasthāpayati- adhvanāmadhvapate śraiṣṭhyasya svastyasyādhvanaḥ pāramaśīya / ### [1.22.10.p2](https://indike.org/pramana/in.vedanga.kalpa.grhya.manava.1.22.10.p2) taccakṣurdevahitaṃ purastācchukramuccarat // ### [1.22.10.p3](https://indike.org/pramana/in.vedanga.kalpa.grhya.manava.1.22.10.p3) paśyema śaradaḥ śataṃ jīvema śaradaḥ śatam / śṛṇuyāma śaradaḥ śataṃ prabravāma śaradaḥ śatam / adīnāḥ syāma śaradaḥ śataṃ bhūyaśca śaradaḥ śatāt // ### [1.22.10.p4](https://indike.org/pramana/in.vedanga.kalpa.grhya.manava.1.22.10.p4) yā medhāpsaraḥsu gandharveṣu ca yanmanaḥ / daivī yā mānuṣī medhā sā māmāviśatāmihaiva // ### [1.22.11](https://indike.org/pramana/in.vedanga.kalpa.grhya.manava.1.22.11) iti // ### [1.22.11.p1](https://indike.org/pramana/in.vedanga.kalpa.grhya.manava.1.22.11.p1) abhidakṣiṇamānīyāgneḥ paścāt-- ### [1.22.11.p2](https://indike.org/pramana/in.vedanga.kalpa.grhya.manava.1.22.11.p2) ehyaśmānamātiṣṭhāśmeva tvaṃ sthiro bhava / kṛṇvantu viśve devā āyuṣṭe śaradaḥ śatam // ### [1.22.12](https://indike.org/pramana/in.vedanga.kalpa.grhya.manava.1.22.12) iti dakṣiṇena pādenāśmānamāsthāpayati // ### [1.22.13](https://indike.org/pramana/in.vedanga.kalpa.grhya.manava.1.22.13) paścādagnermahadupastīrya sūpasthalaṃ kṛtvā prāṅāsīnaḥ pratyaṅṅāsīnāyānuvācayati gāyatrīṃ sāvitrimapi hyeke triṣṭubhamapi hyeke jagatīmomityapatkā vyāhṛtibhiśca // ### [1.22.14](https://indike.org/pramana/in.vedanga.kalpa.grhya.manava.1.22.14) tāṃ triravagṛhṇīyāttāṃ dviravakṛtya tāṃ-sakṛtsamasyet pādaśor'dharcaśaḥ sarvāmantena // ### [1.22.15](https://indike.org/pramana/in.vedanga.kalpa.grhya.manava.1.22.15) yattisṛṇāṃ prātaranvāha yad dvayoryadekasyāḥ saṃ vatsare dvādaśāhe ṣaḍahe tryahe vā tasmātsadyo 'nūcyeti śrutiḥ // ### [1.22.16](https://indike.org/pramana/in.vedanga.kalpa.grhya.manava.1.22.16) varaṃ kartre dadāti kāṃsyaṃ vasanaṃ ca // ### [1.22.16.p1](https://indike.org/pramana/in.vedanga.kalpa.grhya.manava.1.22.16.p1) yasya tu medhākāmaḥ syātpalāśaṃ navanītenābhyājya tasya cchāyāyāṃ vācayet-suśravaḥ suśravā asi / yathā tvaṃ suśravaḥsuśravā asi evaṃ māṃ suśravaḥ sauśravaṃ kuru // ### [1.22.16.p2](https://indike.org/pramana/in.vedanga.kalpa.grhya.manava.1.22.16.p2) yathā tvaṃ devānāṃ nidhipo asi evamahaṃ manuṣyāṇāṃ vedānāṃ nidhipo bhūyāsam // ### [1.22.17](https://indike.org/pramana/in.vedanga.kalpa.grhya.manava.1.22.17) iti // ### [1.22.18](https://indike.org/pramana/in.vedanga.kalpa.grhya.manava.1.22.18) a-teha vā ayameṣāṃ vedānāmekaṃ dvau trīn sarvānveti yamevaṃvidvāṃsamupanayatīti śrutiḥ // ### [1.22.19](https://indike.org/pramana/in.vedanga.kalpa.grhya.manava.1.22.19) vyākhyātaṃ brahmacaryam // ### [1.22.20](https://indike.org/pramana/in.vedanga.kalpa.grhya.manava.1.22.20) atha bhaikṣaṃ carate mātaramevāgre yāścānyāḥ suhṛdo yāvatyo vā sannihitāḥ syuḥ // ### [1.22.21](https://indike.org/pramana/in.vedanga.kalpa.grhya.manava.1.22.21) ācāryāya bhaikṣamupakalpayate tenānujñāte bhuñjīteti śrutiḥ // ### [1.22.21.p1](https://indike.org/pramana/in.vedanga.kalpa.grhya.manava.1.22.21.p1) iti dvāviṃśaḥ khaṇḍaḥ // ### [1.22.21.p2](https://indike.org/pramana/in.vedanga.kalpa.grhya.manava.1.22.21.p2) trayoviṃśaḥ khaṇḍaḥ ## Linked texts (3) - [Vārāhagṛhyasūtra (another edition)](https://indike.org/pramana/in.vedanga.kalpa.grhya.varaha*alt.7.1) — Sanskrit - [Pāraskaragṛhyasūtra](https://indike.org/pramana/in.vedanga.kalpa.grhya.paraskara.2.3.6) — Pāraskara, Sanskrit - [Kāṭhakagṛhyasūtra](https://indike.org/pramana/in.vedanga.kalpa.grhya.kathaka.41.8) — Laugākṣi, Sanskrit --- Source: [https://indike.org/pramana/in.vedanga.kalpa.grhya.manava.1.22](https://indike.org/pramana/in.vedanga.kalpa.grhya.manava.1.22) · Pramāṇa