[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Manavagrihyasutra](https://indike.org/pramana/in.vedanga.kalpa.grhya.manava) › 1.23 # Manavagrihyasutra 1.23: trayoviṃśaḥ khaṇḍaḥ Mānavagṛhyasūtra 1.23 - **Language:** Sanskrit ## Contents - [1.23.27](https://indike.org/pramana/in.vedanga.kalpa.grhya.manava.1.23.27) — 40 parts ### trayoviṃśaḥ khaṇḍaḥ ### [1.23.1](https://indike.org/pramana/in.vedanga.kalpa.grhya.manava.1.23.1) atha dīkṣā cāturhaitukī saṃvatsaram // ### [1.23.2](https://indike.org/pramana/in.vedanga.kalpa.grhya.manava.1.23.2) caturhotṝnsvakarmaṇo juhuyāt saha ṣaḍḍhotrā saptahotāram // ### [1.23.3](https://indike.org/pramana/in.vedanga.kalpa.grhya.manava.1.23.3) antato vrataṃ pradāyādito dvāvanuvākāvanuvācayet // ### [1.23.4](https://indike.org/pramana/in.vedanga.kalpa.grhya.manava.1.23.4) evamevoddīkṣāṃ juhuyāt // ### [1.23\_2](https://indike.org/pramana/in.vedanga.kalpa.grhya.manava.1.23_2) atha dīkṣāgnikīdvādaśarātram // ### [1.23.6](https://indike.org/pramana/in.vedanga.kalpa.grhya.manava.1.23.6) yuñjānaḥ prathamaṃ mana itiyaṣṭau hutvākūtamagniṃ prayuñjaṃ svāheti ṣaḍ juhoti viśvodevasya neturiti saptamīm // ### [1.23.7](https://indike.org/pramana/in.vedanga.kalpa.grhya.manava.1.23.7) vrataṃ pradāyāditoṣaṣṭāvanuvākānanuvācayet // ### [1.23.8](https://indike.org/pramana/in.vedanga.kalpa.grhya.manava.1.23.8) triṣavaṇamudakamāharet triṃstrīnkumbhān // ### [1.23.9](https://indike.org/pramana/in.vedanga.kalpa.grhya.manava.1.23.9) ekena vāsasāntarhitāyāṃ bhūmau śayīta bhasmani karīṣe sikatāsu vā // ### [1.23.10](https://indike.org/pramana/in.vedanga.kalpa.grhya.manava.1.23.10) nodakamabhyaveyāt // ### [1.23.11](https://indike.org/pramana/in.vedanga.kalpa.grhya.manava.1.23.11) samāpte ghṛtavatāpūpeneṣṭvā vātsaṃ prāvacayet // ### [1.23.12](https://indike.org/pramana/in.vedanga.kalpa.grhya.manava.1.23.12) tato ghṛtavadbhirapūpairbrāhmaṇān bhojayet // ### [1.23.13](https://indike.org/pramana/in.vedanga.kalpa.grhya.manava.1.23.13) evamevoddīkṣāṃ juhuyāt // ### [1.23.14](https://indike.org/pramana/in.vedanga.kalpa.grhya.manava.1.23.14) atha dīkṣāśvamedhikī hvāhaśarātram // ### [1.23.15](https://indike.org/pramana/in.vedanga.kalpa.grhya.manava.1.23.15) vaitasamidhmamupasamādhāya navamenānuvākena hutvā ṣaṣṭhenopasthāpya vrataṃ pradāyādita ekaviṃśatyanuvākānanuvācayet // ### [1.23.16](https://indike.org/pramana/in.vedanga.kalpa.grhya.manava.1.23.16) triṣavaṇamaśvasyaghāsamāharet trīṃ strīnpulān // ### [1.23.17](https://indike.org/pramana/in.vedanga.kalpa.grhya.manava.1.23.17) ekena vāsasānantarhitāyāṃ bhūmau śayīta bhasmani karīṣe sikatāsu vā // ### [1.23.18](https://indike.org/pramana/in.vedanga.kalpa.grhya.manava.1.23.18) yā oṣadhayaḥsamānyāyanti punantu mā pitaro 'gnermanvā iti caturbhiranuvākairapobhimantrya snānamācaret // ### [1.23.19](https://indike.org/pramana/in.vedanga.kalpa.grhya.manava.1.23.19) evamevoddīkṣāṃ juhuyāt // ### [1.23.20](https://indike.org/pramana/in.vedanga.kalpa.grhya.manava.1.23.20) śādaṃ dadbhiriti caturdaśānuvākānanuvācayet // ### [1.23.21](https://indike.org/pramana/in.vedanga.kalpa.grhya.manava.1.23.21) rahasyamadhyeṣyamāṇaḥ pravargyam // ### [1.23.22](https://indike.org/pramana/in.vedanga.kalpa.grhya.manava.1.23.22) ādeśe yathā purastādvyākhyātam // ### [1.23.23](https://indike.org/pramana/in.vedanga.kalpa.grhya.manava.1.23.23) āditaḥ pañcaviṃśatyanuvākānanuvācayet // ### [1.23.24](https://indike.org/pramana/in.vedanga.kalpa.grhya.manava.1.23.24) traividyasamupanayanena vyākhyātam // ### [1.23.25](https://indike.org/pramana/in.vedanga.kalpa.grhya.manava.1.23.25) āditastrīnanuvākānanuvācayet // ### [1.23.26](https://indike.org/pramana/in.vedanga.kalpa.grhya.manava.1.23.26) vyākhyātāni vratāni vyākhyātāni vratāni // ### [1.23.27](https://indike.org/pramana/in.vedanga.kalpa.grhya.manava.1.23.27) uduttamaṃ varuṇapāśamiti mekhalāmunmuñcati // ### [1.23.27.p1](https://indike.org/pramana/in.vedanga.kalpa.grhya.manava.1.23.27.p1) iti maitrāyaṇīyamānavagṛhye trayoviṃśaḥ khaṇḍaḥ prathamaḥ puruṣaḥ samāptaḥ // ### [1.23.27.p2](https://indike.org/pramana/in.vedanga.kalpa.grhya.manava.1.23.27.p2) (saptame navame vopāyanam //1// ### [1.23.27.p3](https://indike.org/pramana/in.vedanga.kalpa.grhya.manava.1.23.27.p3) āgantrā samaganmahī prathamamarttiṃ yuyotu naḥ / ariṣṭāḥ saṃceramahi svasti caratādiśaḥ / svastyāgrahebhyaḥ // ### [1.23.27.p4](https://indike.org/pramana/in.vedanga.kalpa.grhya.manava.1.23.27.p4) ityuptakeśena snātenāktenābhyaktenālaṃkṛtena yajñopavītināsametya japati // 1-22--2) (athāsmaivāsaḥ prayacchati- ### [1.23.27.p5](https://indike.org/pramana/in.vedanga.kalpa.grhya.manava.1.23.27.p5) yā akṛntanyā atanvanyā āvanyā avāharan / ### [1.23.27.p6](https://indike.org/pramana/in.vedanga.kalpa.grhya.manava.1.23.27.p6) yāśca gnā devyo 'ntānabhito 'tatananta // ### [1.23.27.p7](https://indike.org/pramana/in.vedanga.kalpa.grhya.manava.1.23.27.p7) tāsvā devyo jarame saṃ vyayantvāyuṣmānidaṃ paridhatsva vāsaḥ // ### [1.23.27.p8](https://indike.org/pramana/in.vedanga.kalpa.grhya.manava.1.23.27.p8) ityahataṃ vāsaḥ //)// ### [1.23.27.p9](https://indike.org/pramana/in.vedanga.kalpa.grhya.manava.1.23.27.p9) (pu. 1-22- 6-7-8-9) ### [1.23.27.p10](https://indike.org/pramana/in.vedanga.kalpa.grhya.manava.1.23.27.p10) (iyaṃ duruktātparibādhamānā varṇaṃ purāṇaṃ punatīma āgāt / prāṇāpānābhyāṃ balamābhajantī śivā devī subhage mekhale māriṣāma // ### [1.23.27.p11](https://indike.org/pramana/in.vedanga.kalpa.grhya.manava.1.23.27.p11) iti tasyāṃ parivītāyāṃ japati-- ### [1.23.27.p12](https://indike.org/pramana/in.vedanga.kalpa.grhya.manava.1.23.27.p12) mama vrate te hṛdayaṃ dadhātu mama cittamanucittaṃ te astu ### [1.23.27.p13](https://indike.org/pramana/in.vedanga.kalpa.grhya.manava.1.23.27.p13) mama vācamekakavrato juṣasva bṛhaspatiṣṭvā niyunaktu mahyam // ### [1.23.27.p14](https://indike.org/pramana/in.vedanga.kalpa.grhya.manava.1.23.27.p14) iti //10// ### [1.23.27.p15](https://indike.org/pramana/in.vedanga.kalpa.grhya.manava.1.23.27.p15) yajñiyasya vṛkṣasya daṇḍaṃ pradāya kṛṣṇājinaṃ cādityamupasthāpayati- ### [1.23.27.p16](https://indike.org/pramana/in.vedanga.kalpa.grhya.manava.1.23.27.p16) adhvānamadhvapate śraiṣṭhyasya svastasyādhvanaḥ pāramaśīya / ### [1.23.27.p17](https://indike.org/pramana/in.vedanga.kalpa.grhya.manava.1.23.27.p17) taccakṣurdevahitaṃ purastaccukramuccarat // ### [1.23.27.p18](https://indike.org/pramana/in.vedanga.kalpa.grhya.manava.1.23.27.p18) śṛṇuyāma śaradaḥ śataṃ jīvema śaradaḥ śatam / ### [1.23.27.p19](https://indike.org/pramana/in.vedanga.kalpa.grhya.manava.1.23.27.p19) adīnāḥ syāma śaradaḥ śataṃ bhūyaśca śaradaḥ śatāt // ### [1.23.27.p20](https://indike.org/pramana/in.vedanga.kalpa.grhya.manava.1.23.27.p20) yā medhāpsaraḥsu gandharveṣu ca yanmanaḥ / ### [1.23.27.p21](https://indike.org/pramana/in.vedanga.kalpa.grhya.manava.1.23.27.p21) daivī yā mānuṣī medhā sā māmāviśatāmihaiva // ### [1.23.27.p22](https://indike.org/pramana/in.vedanga.kalpa.grhya.manava.1.23.27.p22) iti //11// ### [1.23.27.p23](https://indike.org/pramana/in.vedanga.kalpa.grhya.manava.1.23.27.p23) abhidakṣiṇamānīyāgneḥ paścāt--- ### [1.23.27.p24](https://indike.org/pramana/in.vedanga.kalpa.grhya.manava.1.23.27.p24) ehyaśmānamātiṣṭhāśmeva tvaṃ sthiro bhava / ### [1.23.27.p25](https://indike.org/pramana/in.vedanga.kalpa.grhya.manava.1.23.27.p25) kṛṇvantu viśve devā āyuṣce śaradaḥ śatam // ### [1.23.27.p26](https://indike.org/pramana/in.vedanga.kalpa.grhya.manava.1.23.27.p26) (iti dakṣiṇena pādenāśmānamāsthāpayati //12// ### [1.23.27.p27](https://indike.org/pramana/in.vedanga.kalpa.grhya.manava.1.23.27.p27) paścādagnermahadupastīrya sūpasthalaṃ kṛtvā prāṅāsīnaḥ pratyaṅṅāsīnāyānuvācayati gāyatrīṃ sāvitrīmapi hyeke triṣṭubhamapi hyeke jagatīmomityuttkā vyāhṛtibhiśca //13// ### [1.23.27.p28](https://indike.org/pramana/in.vedanga.kalpa.grhya.manava.1.23.27.p28) tāṃ triravagṛṅṇīyāttāṃ dviravakṛtya tāṃ sakṛtsamasyet pādaśor'dharcaśaḥ sarvāmantena //14// ### [1.23.27.p29](https://indike.org/pramana/in.vedanga.kalpa.grhya.manava.1.23.27.p29) yattisṛṇāṃ prātaranvāha yat dvayoryadekasyāḥ saṃvatsare dvādaśāhe ṣaḍahe tryahe (vā tasmātsadyo 'nūcyati śrutiḥ //15// ### [1.23.27.p30](https://indike.org/pramana/in.vedanga.kalpa.grhya.manava.1.23.27.p30) varaṃ kartre dadāti kāṃsyaṃ vasanaṃ ca //16// ### [1.23.27.p31](https://indike.org/pramana/in.vedanga.kalpa.grhya.manava.1.23.27.p31) yasya tu medhākāmaḥ syātpalāśaṃ navanītenābhyajya tasya chāyāyāṃvācayet / ### [1.23.27.p32](https://indike.org/pramana/in.vedanga.kalpa.grhya.manava.1.23.27.p32) suśravaḥ suśravā asi ### [1.23.27.p33](https://indike.org/pramana/in.vedanga.kalpa.grhya.manava.1.23.27.p33) yathā tvaṃsuśravaḥ suśravā asi evaṃ māṃ suśravaḥ sauśravasaṃ kuru // ### [1.23.27.p34](https://indike.org/pramana/in.vedanga.kalpa.grhya.manava.1.23.27.p34) yathā tvaṃ devānāṃ vedānāṃ nidhipo asi / ### [1.23.27.p35](https://indike.org/pramana/in.vedanga.kalpa.grhya.manava.1.23.27.p35) evamahaṃ manuṣyāṇāṃ vedānāṃ nidhipo bhūyāsamiti //17// ### [1.23.27.p36](https://indike.org/pramana/in.vedanga.kalpa.grhya.manava.1.23.27.p36) (adhīteha vā ayameṣāṃ vedānāmekaṃ dvau trīn sarvānveti yamenaṃ vidvāṃsamupanayatīti śrutiḥ //18// ### [1.23.27.p37](https://indike.org/pramana/in.vedanga.kalpa.grhya.manava.1.23.27.p37) vyākhyātaṃ brahmacaryam //19// ### [1.23.27.p38](https://indike.org/pramana/in.vedanga.kalpa.grhya.manava.1.23.27.p38) atha bhaikṣaṃ carate mātaramevāgre yāścānyāḥ suhṛdo yāvatyo vā sannihitāḥ syuḥ //20// ### [1.23.27.p39](https://indike.org/pramana/in.vedanga.kalpa.grhya.manava.1.23.27.p39) ācāryāya bhaikṣamupakalpayate tenānujñāto vā bhuñjīteti śrutiḥ //21// ### [1.23.27.p40](https://indike.org/pramana/in.vedanga.kalpa.grhya.manava.1.23.27.p40) dvitīyaḥ puruṣaḥ / ## Commentaries (1) - [Mānavagṛhyasūtrabhāṣya](https://indike.org/pramana/in.vedanga.kalpa.grhya.manava!manavagrhyasutrabhasya.23.5) — Sanskrit ## Linked texts (2) - [A Vedic Concordance](https://indike.org/pramana/ins.reference.bloomfield-1906.c6.968) — Maurice Bloomfield, English - [History of Dharmaśāstra (Ancient and Mediaeval Religious and Civil Law in India)](https://indike.org/pramana/ins.polity.kane-1930.v2.c24.s1.50) — P. V. Kane, English --- Source: [https://indike.org/pramana/in.vedanga.kalpa.grhya.manava.1.23](https://indike.org/pramana/in.vedanga.kalpa.grhya.manava.1.23) · Pramāṇa