Pramāṇa · Search · About · API

Manavagrihyasutra 1.4: caturthaḥ khaṇḍaḥ

Mānavagṛhyasūtra 1.4

Language
Sanskrit

Contents

caturthaḥ khaṇḍaḥ

1.4.1

varṣāsu śravaṇena svādhyāyānupākurute //

1.4.1.p1

sa juheti-

1.4.1.p2

apvānāmāsi tasyāstejoṣṭraṃ gamayem /
ahamiddhi pituḥ parimedhāmṛtasya jagrabha sūrya ivājani svāhā /

1.4.1.p3

sarasvatīnāmāsi sarasvannāmāsi /
yuktirnāmāsi yojo nāmāsi /
matirnāmāsi mane nāmāsi //

1.4.2

tasyāstejoṣṭrīṃ gameyam /
tasya tejoṣṭraṃ gamayemiti sarvatrānuṣajati //

1.4.3

yuje svāhā prayuje svāhodyujesvāhetyetairattevāsināṃ yogamicchanniti //

1.4.4

prāk sviṣṭakṛtotha japati /
ṛtaṃ vadiṣyāmi satyaṃ vadiṣyāmi tanmāmavatu tadvaktāramavatvavatu mā bhavatu vaktāram /
vāṅ me manasi pratiṣṭhinā, mano me vaici pratiṣṭhitamāvirāyurmayi dhehi vedasya vāṇīḥ stha /
oṃ bhūrbhuvaḥ svastatsavituriti //

1.4.5

darbhapāṇistriḥ sāvitrī madhīte /
triṃścādito 'nuvākān /
ko vā yunaktīti ca /
upākurmahe 'dhyāyānupatiṣṭhantu chandāsīti ca //

1.4.6

tasyānadhyāyāḥ samūhanvāto valīkakṣāraprabhṛti varṣaṃ na vidyotamāne na stanayatīti śrutirākālikaṃ devatumulaṃ vidyuddhanvolkātyakṣarāḥ śabdāḥ /
ācāreṇānye //

1.4.7

arddhapañcamānmāsānadhītyotsṛjati pañcārddhaṣaṣṭhānvā //

1.4.8

atha japati ṛta mavādiṣaṃ tanmāvīt ttadvaktāramāvīdāvīnmāmāvīdvaktāram /
vādh me manasi pratiṣṭhitā mano me vāci pratiṣṭhitaṃ māvirāyur mayi dhehi /
vedasya vāṇīḥ stha /
oṃ bhūrbhuvaḥ svastatsavituriti //

1.4.9

darbhapāṇistriḥ sāvitrīmadhīte /
trīṃścādito 'muvākān ko vo vimuñcatīti vimucyotsṛjāmahedhyāyānpratīśvasantu chandāsīti ca //

1.4.10

pratipadaṃ pakṣiṇīṃ rātrīṃ nādhīyīta nāta ūrdhvamabhreṣu //

1.4.11

ākāliko vidyutsnanayitnuvarṣeṣu //

1.4.12

gonāmeṣu mantrabrāhmaṇakalpayitṛmedhamahāvratāṣṭāpadīṃ vaiṣuvatāni divādhīyīta vaiṣuvattamārdrapāṇiḥ //

1.4.13

rudānna naktaṃ na bhuktā na grāme //

1.4.14

śukriyasya pravargyakalpe niyamo vyākhyātastrayoviṃśaṃ tu saṃmīlya //

1.4.15

gavāṃ tu na sakāśe gonāmāni gārbhiṇīnāmasakāśe 'ṣṭāpadīṃreto mūtramiti ca //

1.4.16

śunīśīryasya ca saurye cakṣuṣkāmasya cakṣurno dhehi cakṣuṣa iti sūryo 'po 'vagāhata iti ca ādityasairyayāmyāni ṣaḍṛcāni divādhīyīta //

1.4.17

upākṛtyotsṛjya ca tryahaṃ pañcarātrameke //

1.4.18

vedārambhaṇe samāptau cākālam //

1.4.18.p1

iti caturthaḥ khaṇḍaḥ /

1.4.18.p2

pañcamaḥ khaṇḍaḥ

Commentaries (1)

Linked texts (6)