Manavagrihyasutra 1.9: navamaḥ khaṇḍaḥ
Mānavagṛhyasūtra 1.9
- Language
- Sanskrit
Contents
navamaḥ khaṇḍaḥ
1.9.1
ṣaḍadhyārhā bhavantyṛtvigācāryo vivāhyo rājā snātakaḥ priyaśceti //
1.9.2
aprākaraṇikānvā parisaṃvatsarādarhayanti //
1.9.3
prākaraṇikāḥ kartāraḥ sadasyāśca vṛtāḥ //
1.9.4
na jīvatpitṛkor'dhyaṃ pratigṛhṇīyāditiśrutirathavā pratigṛhṇīyāt //
1.9_2
athainamarhayanti //
1.9.6
kāṃsye camase vā dadhi madhu cānīya varṣīyasā pidhāyācamanīyaprathamaiḥ pratipadyante //
1.9.7
virājo dohosi virājo dohosi virājo dohamaśīya mayi dohaḥ padyāyai virājaḥ kalpatāmityekaika māhrimāṇaṃ pratīkṣate //
1.9.8
sāvitreṇa viṣṭaraṃ pratigṛhya ahaṃ varṣma sadṛśānāmudyatāmiva sūryaḥ idaṃ tamabhitiṣṭhāmi yo mā kaścābhidāsatīti japati //
1.9.9
rāṣṭrabhṛdasītyācārya āsandīmanumantrayate //
1.9.10
mā tvā doṣa ityadhastātpādayorviṣṭaramupakarṣati //
1.9.11
viṣṭara āsīnāyai kaikaṃ triḥ prāha //
1.9.12
naiva bho ityāha nama ārṣeyāyeti śrutiḥ spṛśatyarghyam //
1.9.12.p1
pādyena pādau prakṣālya sāvitreṇa madhuparkaṃ pratigṛhya pratiṣṭhāpyavasāyya namo rudrāya pātrasade namo rudrāya pātrasada iti prādeśenādhyadhi pratidiśaṃ pradakṣiṇaṃ
1.9.13
sarvato 'bhyuddiśati //
1.9.14
madhuvātā ṛtāyata iti tisṛbhiraṅgulyā pradakṣiṇaṃ pratyṛcaṃ trirāyauti //
1.9.15
amṛtopastaraṇamasītyupastarati //
1.9.16
satyaṃ yaśaḥ śrīrmayi śrīḥśrayatāmiti madhuparkaṃ triḥ prāśnāti //
1.9.17
amṛtāpidhānamasītyācāmati //
1.9.18
suhṛde 'vaśiṣṭaṃ prayacchati //
1.9.19
asi pāṇirgāṃ prāha //
1.9.20
hato me pāpmānaṃ me hata oṃkuruta iti preṣyati //
1.9.21
caturo brāhmaṇānnānāgotrān bhojayate //
1.9.22
paśvaṅgaṃ pāyasaṃ vā kārayennāmāṃso madhuparka iti śrutiḥ //
1.9.22.p1
yadyutsṛjenmātā rudrāṇāṃ duhitā vasūnāṃ svasādityānāmamṛtasya nābhiḥ /
1.9.23
pranuvocaṃ cikituṣe janāya māgā manāgā maditiṃ vaṅiṣṭa /
bhurbhuvaḥ svarotmutsṛjatu tṛṇānyattu //
1.9.24
athālaṃkāraṇamalaṃkaraṇamasi sarvasmā alaṃ me bhūyāsam //
1.9.25
praṇāpānau me tarpaya udīnarūpe me tarpaya sucakṣā aha makṣibhyāṃ bhūyāsaṃ suvarcā mukhena suśrutkarṇābhyāṃ bhūyāsāmiti yatāliṅgamaṅgāni saṃspṛśati //
1.9.26
atha gandhotsadane vāsasī //
1.9.26.p1
paridhāsye yaśo dhāsye dīrghāyutvāya jaradaṣṭirastu
1.9.26.p2
śataṃ jīvemaśaradaḥ purūcī rīyaspoṣamabhisaṃvyayiṣye
1.9.26.p3
yaśasā mādyāvā pṛthivī yaśasendrā bṛhaspatī
1.9.26.p4
yaśo bhagaśca māriṣadyaśo mā prati mucyatāmaṃ
1.9.27
ityahataṃ-vāsaḥ paridhatte //
1.9.28
kumāryāḥ pramadane bhagamaryamaṇaṃ pūṣaṇaṃ tvaṣṭāramiti yajati //
1.9.29
prāksviṣṭakṛtaścatasro avidhavā nandīrupavādayanti //
1.9.30
abhyantare kautuke devapatnīrjayati //
1.9.30.p1
iti navamaḥ khaṇḍaḥ //9//
1.9.30.p2
daśamaḥ khaṇḍaḥ
Linked texts (2)
- Vārāhagṛhyasūtra — Sanskrit
- Kāṭhakagṛhyasūtra — Laugākṣi, Sanskrit