Manavagrihyasutra 2.13: trayodaśaḥ khaṇḍaḥ
Mānavagṛhyasūtra 2.13
- Language
- Sanskrit
Contents
trayodaśaḥ khaṇḍaḥ
2.13.1
athātaḥ ṣaṣṭhīkalpaṃ vyākhyāsyāmaḥ //
2.13.2
śuklapakṣasya pañcabhyāṃ pratyaṅmukho haviṣyamannamaśrīta //
2.13.3
adhaḥ śayīta darbheṣu śālīpalāleṣu vā prākśirā brahmacārī //
2.13.4
śvobhūta udita āditye snānaṃ pānaṃ bhojanamanulepanaṃ srajo vāsāṃsi na pratyācakṣīta //
2.13.5
yāvaddadyāttāvadaśnīyādyadyaddadyāttadaśnīyādanyatrāmedhya--pātakibhyo 'bhiniviṣṭakavarjanam //
2.13.5.p1
astamita āditye payasi sthālīpākaṃ śrapayitvāthaitairnāmadheyairjuhoti
dhanadāṃ vasumīśānāṃ kāmadāṃ sarvakāminām
puṇyāṃ yaśasvinīṃ devīṃ ṣaṣṭhīṃ śakra juṣasva me //
2.13.5.p2
nandī bhūtiśca lakṣmīścādityā ca yaśasvinī
sumanā vāk ca siddhiśca ṣaṣṭhī me diśatāṃ dhanam //
2.13.5.p3
putrānpaśūndhanaṃ dhānyaṃ bahvaścājagaveḍakam
manasā yatpraṇītaṃ ca tanme diśatu havyabhuk //
2.13.5.p4
kānadāṃ rajanīṃ viśvarūpāṃ ṣaṣṭhīmupavarttatu me dhanam
sāma kāma kāmapatnī ṣaṣṭhī me diśatāṃ dhanam //
2.13.5.p5
ākṛtiḥ prakṛtivarcanī dhāvaniḥ padmacāriṇī manmanā bhava svāhā //
2.13.5.p6
gandhadvārāṃ durādharṣāṃ nityapuṣṭāṃ karīṣiṇīm
īśvarīṃ sarvabhūtānāṃ tāmihopahvaye śriyam /
2.13.5.p7
nānāpatrakā (ka) sā devī puṣṭiścātisarasvatī
ariṃ devīṃ prapadyeyamupavarttayatu me dhanam //
2.13.5.p8
hiraṇyaprakārādevi māṃ vara āgacchatvāyuryaśaśca svāhā //
2.13.5.p9
aśvapūrṇāṃ rathamadhyāṃ hastinādapramodinīm /
śriyaṃ devīmupavhaye śrīrmādevī juṣatām //
2.13.5.p10
upayantu māṃ devagaṇāstyā(nā)gāśca tapasā saha /
prādurbhūto 'smi rāṣṭre 'smin śrīḥ śraddhāṃ (kīrtiṃ vṛddhiṃ ga. ca.) dadhātu me //
2.13.6
śriyai svāhā, hriyai svāhā, lakṣmyai svāhā, upalakṣmyai svāhā, nanhāyai svāhā, haridrāyai svāhā, ṣaṣṭhyai svāhā, samṛddhyai svāhā, jayāyai svāhā, kāmāyai svāheti //
2.13.7
jayaprabhṛti samānam //
2.13.8
ṣaṇmāsānprayuñjīta trīnvobhayataḥ pakṣān //
2.13.9
śatasāhasrasaṃyoga ekavaro vā //
2.13.10
gairanaḍvāṃśca dakṣiṇā //
2.13.10.p1
iti dvitīye trayodaśaḥ khaṇḍaḥ //13//
2.13.10.p2
caturdaśaḥ khaṇḍaḥ