[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Manavagrihyasutra](https://indike.org/pramana/in.vedanga.kalpa.grhya.manava) › 2.13 # Manavagrihyasutra 2.13: trayodaśaḥ khaṇḍaḥ Mānavagṛhyasūtra 2.13 - **Language:** Sanskrit ## Contents - [2.13.5](https://indike.org/pramana/in.vedanga.kalpa.grhya.manava.2.13.5) — 10 parts - [2.13.10](https://indike.org/pramana/in.vedanga.kalpa.grhya.manava.2.13.10) — 2 parts ### trayodaśaḥ khaṇḍaḥ ### [2.13.1](https://indike.org/pramana/in.vedanga.kalpa.grhya.manava.2.13.1) athātaḥ ṣaṣṭhīkalpaṃ vyākhyāsyāmaḥ // ### [2.13.2](https://indike.org/pramana/in.vedanga.kalpa.grhya.manava.2.13.2) śuklapakṣasya pañcabhyāṃ pratyaṅmukho haviṣyamannamaśrīta // ### [2.13.3](https://indike.org/pramana/in.vedanga.kalpa.grhya.manava.2.13.3) adhaḥ śayīta darbheṣu śālīpalāleṣu vā prākśirā brahmacārī // ### [2.13.4](https://indike.org/pramana/in.vedanga.kalpa.grhya.manava.2.13.4) śvobhūta udita āditye snānaṃ pānaṃ bhojanamanulepanaṃ srajo vāsāṃsi na pratyācakṣīta // ### [2.13.5](https://indike.org/pramana/in.vedanga.kalpa.grhya.manava.2.13.5) yāvaddadyāttāvadaśnīyādyadyaddadyāttadaśnīyādanyatrāmedhya--pātakibhyo 'bhiniviṣṭakavarjanam // ### [2.13.5.p1](https://indike.org/pramana/in.vedanga.kalpa.grhya.manava.2.13.5.p1) astamita āditye payasi sthālīpākaṃ śrapayitvāthaitairnāmadheyairjuhoti dhanadāṃ vasumīśānāṃ kāmadāṃ sarvakāminām puṇyāṃ yaśasvinīṃ devīṃ ṣaṣṭhīṃ śakra juṣasva me // ### [2.13.5.p2](https://indike.org/pramana/in.vedanga.kalpa.grhya.manava.2.13.5.p2) nandī bhūtiśca lakṣmīścādityā ca yaśasvinī sumanā vāk ca siddhiśca ṣaṣṭhī me diśatāṃ dhanam // ### [2.13.5.p3](https://indike.org/pramana/in.vedanga.kalpa.grhya.manava.2.13.5.p3) putrānpaśūndhanaṃ dhānyaṃ bahvaścājagaveḍakam manasā yatpraṇītaṃ ca tanme diśatu havyabhuk // ### [2.13.5.p4](https://indike.org/pramana/in.vedanga.kalpa.grhya.manava.2.13.5.p4) kānadāṃ rajanīṃ viśvarūpāṃ ṣaṣṭhīmupavarttatu me dhanam sāma kāma kāmapatnī ṣaṣṭhī me diśatāṃ dhanam // ### [2.13.5.p5](https://indike.org/pramana/in.vedanga.kalpa.grhya.manava.2.13.5.p5) ākṛtiḥ prakṛtivarcanī dhāvaniḥ padmacāriṇī manmanā bhava svāhā // ### [2.13.5.p6](https://indike.org/pramana/in.vedanga.kalpa.grhya.manava.2.13.5.p6) gandhadvārāṃ durādharṣāṃ nityapuṣṭāṃ karīṣiṇīm īśvarīṃ sarvabhūtānāṃ tāmihopahvaye śriyam / ### [2.13.5.p7](https://indike.org/pramana/in.vedanga.kalpa.grhya.manava.2.13.5.p7) nānāpatrakā (ka) sā devī puṣṭiścātisarasvatī ariṃ devīṃ prapadyeyamupavarttayatu me dhanam // ### [2.13.5.p8](https://indike.org/pramana/in.vedanga.kalpa.grhya.manava.2.13.5.p8) hiraṇyaprakārādevi māṃ vara āgacchatvāyuryaśaśca svāhā // ### [2.13.5.p9](https://indike.org/pramana/in.vedanga.kalpa.grhya.manava.2.13.5.p9) aśvapūrṇāṃ rathamadhyāṃ hastinādapramodinīm / śriyaṃ devīmupavhaye śrīrmādevī juṣatām // ### [2.13.5.p10](https://indike.org/pramana/in.vedanga.kalpa.grhya.manava.2.13.5.p10) upayantu māṃ devagaṇāstyā(nā)gāśca tapasā saha / prādurbhūto 'smi rāṣṭre 'smin śrīḥ śraddhāṃ (kīrtiṃ vṛddhiṃ ga. ca.) dadhātu me // ### [2.13.6](https://indike.org/pramana/in.vedanga.kalpa.grhya.manava.2.13.6) śriyai svāhā, hriyai svāhā, lakṣmyai svāhā, upalakṣmyai svāhā, nanhāyai svāhā, haridrāyai svāhā, ṣaṣṭhyai svāhā, samṛddhyai svāhā, jayāyai svāhā, kāmāyai svāheti // ### [2.13.7](https://indike.org/pramana/in.vedanga.kalpa.grhya.manava.2.13.7) jayaprabhṛti samānam // ### [2.13.8](https://indike.org/pramana/in.vedanga.kalpa.grhya.manava.2.13.8) ṣaṇmāsānprayuñjīta trīnvobhayataḥ pakṣān // ### [2.13.9](https://indike.org/pramana/in.vedanga.kalpa.grhya.manava.2.13.9) śatasāhasrasaṃyoga ekavaro vā // ### [2.13.10](https://indike.org/pramana/in.vedanga.kalpa.grhya.manava.2.13.10) gairanaḍvāṃśca dakṣiṇā // ### [2.13.10.p1](https://indike.org/pramana/in.vedanga.kalpa.grhya.manava.2.13.10.p1) iti dvitīye trayodaśaḥ khaṇḍaḥ //13// ### [2.13.10.p2](https://indike.org/pramana/in.vedanga.kalpa.grhya.manava.2.13.10.p2) caturdaśaḥ khaṇḍaḥ ## Commentaries (1) - [Mānavagṛhyasūtrabhāṣya](https://indike.org/pramana/in.vedanga.kalpa.grhya.manava!manavagrhyasutrabhasya.37.2) — Sanskrit ## Linked texts (1) - [A Vedic Concordance](https://indike.org/pramana/ins.reference.bloomfield-1906.c6.920) — Maurice Bloomfield, English --- Source: [https://indike.org/pramana/in.vedanga.kalpa.grhya.manava.2.13](https://indike.org/pramana/in.vedanga.kalpa.grhya.manava.2.13) · Pramāṇa