Pramāṇa · Search · About · API

Manavagrihyasutra 2.14: caturdaśaḥ khaṇḍaḥ

Mānavagṛhyasūtra 2.14

Language
Sanskrit

Contents

caturdaśaḥ khaṇḍaḥ

2.14.1

athāto vināyakānvayākhyāsyāmaḥ //

2.14.2

śālakaṭaṅkaṭaśca kūṣmāṇḍarājaputraścosmitaśca devayajanaśceti //

2.14.3

etairadhigatānāmimāni rupāṇi bhavanti //

2.14.4

loṣṭhaṃ mṛdgāti //

2.14.5

tṛṇāni cchinatti //

2.14.6

aṅgeṣu lekhān likhati //

2.14.7

apasvapnaṃ paśyati //

2.14.8

muṇḍān paśyati //

2.14.9

jaṭilān paśyati //

2.14.10

kāṣāyavāsasaḥ paśyati //

2.14.11

uṣṭrānsūkarān gardabhāndivākīrtyādīnanyāṃścāprayatānsvapnānpaśyati //

2.14.12

antarikṣaṃ krāmati //

2.14.13

adhvānaṃ vrajanmanyate pṛṣṭhato me kaścidanuvrajati //

2.14.14

etaiḥ khaluvināyakairāviṣṭā rājaputrā lakṣaṇavanto rājyaṃ na labhante //

2.14.15

kanyāḥ patikāmā lakṣaṇavatyo bhartṝnna labhante //

2.14.16

striyaḥ prajākāmā lakṣaṇavatyaḥ prajāṃ na labhante //

2.14.17

strīṇāmācāravatīnāmapatyāni mriyante //

2.14.19

śrotriyo 'dhyāpaka ācāryatvaṃ na prāpnoti //

2.14_2

adhyetṝṇāmadhyayane mahāvighnāni bhavanti //

2.14.20

vaṇijāṃ vaṇikpatho vinaśyati //

2.14.21

kṛṣikarāṇāṃ kṛṣiralpaphasā bhavati //

2.14.22

teṣāṃ prāyaścittam //

2.14.23

mṛgākharakulāyamṛttikārocanā guggulāḥ //

2.14.24

caturbhyaḥ prasravaṇebhyaścaturudakumbhānavyaṅgānāharet //

2.14.25

sarvagandhasarvarasasarvauṣadhīḥ sarvaratnāni copakalpaya pratisaradadhimadhughṛtamiti //

2.14.25.p1

etān saṃbhārānsaṃsṛjya ṛṣabhacarmāruhyāthainaṃ--

2.14.25.p2

sahasrākṣaṃ śatadhāramṛṣibhiḥ pāvanaṃ kṛtam /
tābhiṣṭvābhiṣiñcāmi pāvamānīḥ punantu tvā //

2.14.25.p3

agninā dattā, indreṇa dattā, somena dattā, varuṇena dattā, vāyunā dattā,viṣṇunā dattā bṛhaspatinā dattā, viśvairdevairdattaḥ, sarvairdevairdattā oṣadhaya āpo varuṇasaṃmitāstābhiṣṭvābhiṣiñcāmi pāvamānīḥ punantu tveti

2.14.25.p4

sarvatrānuṣajati--

2.14.25.p5

yatte keśeṣu dairbhāgyaṃ sīmante tatra mūrddhani /

2.14.25.p6

lalāṭe karṇayorakṣṇorāpasta----tu te sadā //

2.14.25.p7

bhagaṃ te varuṇe rājā bhra---sūryo bṛhaspatiḥ /

2.14.25.p8

bhagamindraśca vāyuśca---saptarṣayo daduḥ //

2.14.26

iti //

2.14.27

adhista--- niśāyāṃ sadyaḥ pīḍitasarṣapatailamamaudumbareṇa sruveṇa --- catasra āhutirjuhoti (oṃ) śālakaṭaṅkaṭāya sva-- kūṣmāḍarājaputrāya svāhā, usmitāya svāhā, devayajanāyā svāheti //

2.14.28

ata ūrdhvaṃ grāmacatuṣpathe nagaracatuṣpathe nigamacatuṣpathe sarvatomukhāndarbhānāstīrya nave śūrpe balimupaharati phalīkṛtāṃstaṇḍulānaphalīkṛtāṃstaṇḍulānāmaṃ māṃsaṃ pakvaṃ māṃsamāmānmatsyānpakvānmatsyān āmānapūpānpakvānapūpānpiṣṭāngandhānapiṣṭāngandhā---- madhupānaṃ maireyapānaṃ surāpānaṃ muktaṃ mālyaṃ grathithaṃ mālyaṃ raktaṃ mālyaṃ śuklaṃ mālyaṃ raktapītaśuklakṛṣṇanīlaharitacitravāsāṃsi mākalmāṣamūlabhalamiti //

2.14.29

atha devānāmāvāhanaṃ vimukhaḥ śeyeno bako yakṣaḥ kalaho bhīrurvināyakaḥ kūṣmāṇḍarā---- yajñāvikṣepī kulaṅgāpamāro yūpakeśī sūparakroḍī haimavato, jambhako virūpākṣo lohitākṣo vaiśravaṇo mahāseno mahādevo mahārāja iti /
ete me devāḥ prīyantāṃ prītā māṃ prīṇayantu tṛptā māṃ tarpayantviti //

2.14.30

adhiṣṭhiter'ddharātra ācāryo grahānupatiṣṭhate /
bhagavati bhagaṃ me dedi, varṇavati varṇaṃ me dehi, rūpavati rūpaṃ me dehi, tejasvini tejo me dehi, yaśasvini yaśo me dehi, putravati putrānme dehi, sarvavati sarvānkāmānme pradehīti //

2.14.30.p1

ata ūrdhvamudita āditye vimale sumuhūrtte sūryapūjāpūrvakamardhyadānamupasthānaṃ ca--

2.14.30.p2

namaste astu bhagavan śataraśme tamonuda jahi me deva daurbhagyaṃ saubhāgyena māṃ saṃyojayasva //

2.14.31

iti //

2.14.32

atha brāhmaṇatarpaṇam //

2.14.33

ṛṣabo dakṣiṇā //

2.14.33.p1

iti dvitīye caturdaśaḥ khaṇḍaḥ //14//

2.14.33.p2

pañcadaśaḥ khaṇḍaḥ

2.14.33.p3

yadi duḥsvapnaṃ paśyedvyāhṛtibhistilān hutvā diśā upatiṣṭhet /

2.14.33.p4

bodhaśca mā pratibodhaśca purastādgopāyatām /
asvapnaśca mānavadrāṇaśca dakṣiṇato gopāyatām //

2.14.33.p5

gopāyamānaṃ ca māṃ rakṣamāṇaṃ ca paścād gopāyatām /
jāgṛviśca mārundhatī cottarato gopāyatām //

Commentaries (1)

Linked texts (4)