Manavagrihyasutra 2.15
Mānavagṛhyasūtra 2.15
- Language
- Sanskrit
Contents
2.15.1
viṣṇuśca me pṛthivī ca nāgāścādhastādgopāyatām /
bṛhaspatayaśca me viśve ca me devā dyauścopariṣṭhādgopāyatām //
2.15.2
evaṃ yasmiṃścotpanne 'narthān śaṅketa //
2.15.3
vyāhṛtibhistilān hutvā tapaḥ pratipadyeta dvādaśarātraṃ ṣaḍrātraṃ trirātramokarātraṃ vā //
2.15.4
yadi samutpātaṃ manyeta tadvā //
2.15.5
yadi parvasu mārtikaṃ bhidyate pārthivamāsi pṛthivīṃ dṛṃhasva yoniṃ gaccha svāhetyapsu praharet //
2.15.5.p1
yadyarcā dahyedvā naśyedvā prapatedvā prabhajedvā prahasedvā pracaledvā, sthālyā vā sthālīmāsicya dakṣiṇottarā vā sthālī bhidyetottarā vopalāśe niyamya dvāravaṃśo vā sphuṭet /
gaur vā gāṃ dhayet, strī vā striyamāhanyāt, kartasaṃsarge , halasaṃsarge, musalaprapatane, musalaṃvāvaśīryetānyasmiṃścādbhuta etābhirjuhuyāt--
2.15.5.p2
svasti na indro vṛddhaśravāḥ svastinaḥ pūṣā viśvavedāḥ /
svasti nastārkṣyo ariṣṭanemiḥ svastino bṛhaspatirdadhātu /
2.15.5.p3
svasti no mimītāmāśvinā bhagaḥ svasti devyaditiranarvaṇaḥ /
svasti pūṣā asuro dadhātu naḥ svastidyāvāpṛthivī sucetunā //
2.15.5.p4
svastaye vāyumupabravāmahai somaṃ svasti bhuvanasya yaspatiḥ /
bṛhaspatiṃ sarvagaṇaṃ svastaye svastaya ādityāso bhavantu naḥ //
2.15.5.p5
viśve devā no adyā svastaye vaiśvānaro vasurāgniḥ svastaye /
devā avantvṛbhavaḥ svastaye svasti no rudraḥ pātvaṃhasaḥ //
2.15.5.p6
svasti naḥ paśyāsu dhanvasu svastyapsu vrajane svarvataḥ /
svasti naḥ pathyākṛteṣu yoniṣu svasti rāye manuto dadhātu naḥ //
2.15.6
trātāramindraṃ, mā te asyāṃ, vina indra, mṛgo na bhīmastaṃ, śaṃyorāvṛṇīmaha iti daśāhutayaḥ //
2.15.7
jayaprabhṛti samānam //
2.15.7.p1
iti dvitīye puruṣe pañcadaśaḥ khaṇḍaḥ //15//
2.15.7.p2
ṣoḍaśaḥ khaṇḍaḥ
Commentaries (1)
- Mānavagṛhyasūtrabhāṣya — Sanskrit
Linked texts (3)
- A Vedic Concordance — Maurice Bloomfield, English
- History of Dharmaśāstra (Ancient and Mediaeval Religious and Civil Law in India) — P. V. Kane, English
- Altindische Grammatik — Jacob Wackernagel & Albert Debrunner, German