Manavagrihyasutra 2.16: ṣoḍaśaḥ khaṇḍaḥ
Mānavagṛhyasūtra 2.16
- Language
- Sanskrit
Contents
ṣoḍaśaḥ khaṇḍaḥ
2.16.1
sarpebhyo bibhyat śrāvaṇyāṃ tūṣaṇīṃ bhaumamekakapālaṃśrapayitvākṣatasaktūn piṣṭvā svakṛta iriṇe darbhānāstīryācyutāya dhruvāya bhaumāya svāheti juhoti //
2.16.2
samīci nāmāsīti paryāyairupatiṣṭhate pratidiśaṃ dvābhyāṃ madhye //
2.16.2.p1
akṣatasaktūnāṃ sarpabaliṃ harati īśānāyetyeke
2.16.2.p2
sarpo 'si sarpāṇāmadhipatistvayi sarve sarpāḥ /
2.16.2.p3
balihāro 'stu sarpāṇāṃ namo astuṣurmāririṣurmāhiṃsiṣurmādāṃ si sarpāḥ //
2.16.2.p4
māno agne visṛjo adhāyā viṣyave ripave ducchunāyai /
mā datvate daśate mādate no mā rīṣate sahasāvanparādāḥ //
2.16.2.p5
sarpo 'si sarpāṇāmadhipatiratnena manuṣyāṃ srāyase 'pūpena sarpān //
2.16.2.p6
tvayi santaṃ mayi santa mākṣiṣurmārīriṣurmā hiṃsiṣu mā dāṅkṣu sarpāḥ //
2.16.3
namo astu sarpebhya iti tisṛbhiśca //
2.16.4
dhruvāmuṃ te paridadāmīti sarvāmātyānnāmagrāhamātmānaṃ ca //
2.16.5
etena dharmeṇa caturo māsānsarpabaliṃhṛtvā viramati //
2.16.6
tūṣṇīmapi kṣudrā prakṣālitapāṇiḥ //
2.16.6.p1
iti dvitīye ṣoḍaśaḥ khaṇḍaḥ //16//
2.16.6.p2
saptadaśaḥ khaṇḍaḥ
2.16.6.p3
ayūthike bhayārtte kapote gṛhān praviṣṭe tasyājnau padaṃ dṛśyeta dadhāni sakatuṣu ghṛte vā devāḥ kapota iti pratyṛcaṃ japejjuhuyādvā devāḥ kapota iṣito yadicchandūto nirṛtyā idamājagāma /
2.16.6.p4
tasmā arcāma kṛṣṇavāma niṣkṛtiṃ śaṃ no astu dvipade śaṃ catuṣpade //
2.16.6.p5
śivaḥ kapota iṣito no astvanāgā devāḥ śakuno gṛheṣu
agnirhi vipro juṣatāṃ havirnaḥ parihetiḥ pakṣiṇo no vṛṇāktu //
2.16.6.p6
hetiḥ pakṣiṇī na dabhātyasmānāṣṭyāṃ padaṃ kṛṇute agnidhāne /
saṃ no gobhyaśca puruṣebhyaścāstu māno hiṃsīdiha devāḥ kapotaḥ //
2.16.6.p7
yadulūko vadati moghametadyatkapotaḥ padamagnau kṛṇoti /
yasya dūtaḥ prahita eṣa etattasmai yamāya namo astu mṛtyave //
2.16.6.p8
ṛcā kapotaṃ nudata pramodamiṣaṃ madantaḥ pari gāṃ nayadhvam /
saṃyopayanto duritāni viśvā hitvā na ūrjaṃ prapatātpatiṣṭhaḥ //
Commentaries (1)
- Mānavagṛhyasūtrabhāṣya — Sanskrit
Linked texts (5)
- Śākala — Sanskrit
- Atharvaveda — Sanskrit
- Śaunakasaṃhitā — Sanskrit
- A Vedic Concordance — Maurice Bloomfield, English
- History of Dharmaśāstra (Ancient and Mediaeval Religious and Civil Law in India) — P. V. Kane, English