Manavagrihyasutra 2.18: aṣṭādaśaḥ khaṇḍaḥ
Mānavagṛhyasūtra 2.18
- Language
- Sanskrit
Contents
aṣṭādaśaḥ khaṇḍaḥ
2.18.1
ṣaḍāhutaṃ pratipadi putrakāmaḥ //
2.18.1.p1
payasi sthālīpākaṃ śrapayitvā tasya juhoti--
2.18.1.p2
brahmaṇāgniḥ saṃvidāno rakṣohā bādhātāmitaḥ /
amī vā yaste garbhaṃ durṇāmā yonimāśaye /
2.18.1.p3
yaste garbhamamī vā durṇāmā yonimāśaye /
agniṣṭhaṃ brahmaṇā saha niṣkramyādamanīnaśat //
2.18.1.p4
yaste hantī patayantaṃ niṣatsnuṃ yaḥ sarīsṛpam /
jātaṃ yaste jighāṃsati tamito nāśayāmasi //
2.18.1.p5
yastvā svapnena tamasā mohayitvā nipadyate /
prajāṃyaste jighāṃsati tamito nāśayāmasi //
2.18.1.p6
ye te ghnantyapso gandharvā goṣṭhāśca ye /
kravyādaṃsura devinaṃ tamito nāśayāmasi //
2.18.1.p7
yasta ūru viharatyantarā dampatī śaye /
yoniṃ yo antarāreḍhi tamito nāśayāmasi //
2.18.1.p8
abhinnāṇḍā vṛddhagarbhā ariṣṭhā jīvasūkarī /
vijāyatāṃ prajāyatāmiyaṃ bhavatu tokinī //
2.18.1.p9
viṣṇuryoniṃ kalpayatu tvaṣṭā rūpāṇi piṃśatu /
āsiñcatu prajāpatirdhātā garbhaṃ dadhātu te //
2.18.1.p10
garbhaṃ dhehi sītīvāli garbhaṃ dhehi sarasvati /
garbhaṃ te aśvinau devāvādhattāṃ puṣkarasrajā //
2.18.1.p11
hiraṇyayī araṇīyaṃ nirmanthato aśvinā /
taṃ te garbhaṃ havāmahe daśame māsi sūtave //
2.18.1.p12
paraṃ mṛtyo anuparehi panthāṃ yaste sva itaro devayānāt /
cakṣuṣmate śṛṇavate te bravīmi mānaḥ prajāṃ rīriṣo mota vīrān //
2.18.2
iti dvādaśagarbhavedinyaḥ ṣaḍādyāḥ sthālīpākasya ṣaḍutarā ājyasya //
2.18.3
jayaprabhṛti samānam //
2.18.3.p1
naijameṣaṃ sthālīpākaṃ śrapayitvā yathā ṣāḍāhutam---
2.18.3.p2
nejameṣa parāpata suputraḥ punarāpata /
asyai me putrakāmāyai punarādhehi yaḥ pumān //
2.18.3.p3
yatheyaṃ pṛthivī mahyamuttānā garbhamādadhe /
evaṃ taṃ garbhamādhehi daśame māsi sūtave //
2.18.3.p4
viṣṇoḥ śreṣṭhena rupeṇāsyāṃ nāryāṃ gavīnyām /
pumāṃsaṃ putramādhehi daśame māsi sūtave //
2.18.4
pākayajñānsamāsādya ekājyāmekabahirṣi /
ekaṃ sviṣṭakṛtaṃ puryannānā satyapi daivate nānā satyapi daivate //
2.18.4.p1
iti dvitīyapuruṣe 'ṣṭādaśaḥ khaṇḍaḥ //18//
2.18.4.p2
iti maitrāyaṇīyamānavagṛhyasūtre dvitīyapuruṣākhyo bhāgaḥ /
sūtraṃ ca samāptam //
Commentaries (1)
- Mānavagṛhyasūtrabhāṣya — Sanskrit
Linked texts (5)
- Atharvaveda — Sanskrit
- Metrically restored text (van Nooten & Holland) — Sanskrit
- Śaunakasaṃhitā — Sanskrit
- Paippalādasaṃhitā — Sanskrit
- A Vedic Concordance — Maurice Bloomfield, English