Manavagrihyasutra 2.2: dvitīyaḥ khaṇḍaḥ
Mānavagṛhyasūtra 2.2
- Language
- Sanskrit
Contents
dvitīyaḥ khaṇḍaḥ
2.2.1
prāgudañcaṃ lakṣaṇamuddhatyāvokṣya sthaṇḍilaṃ gomayenopalipyamaṇḍalaṃ caturasraṃvāgniṃ nirmathyābhimukhaṃ praṇayet //
2.2.2
darbhāṇāṃ pavitre mantravadutpādyāgneyaṃ sthālīpākaṃ śrapayati //
2.2.3
pavitrāntarhite 'pa ānīya taṇḍulānopya mekṣaṇena pradakṣiṇaṃ paryāyuvañjīva taṇḍulaṃ śrapayati //
2.2.4
ghṛtenānutpūtena navanītena votpūtena śṛtamabhidhāryottarata udvāsayati //
2.2.5
imaṃ stomamarhata ityagniṃ parisamuhya paryukṣya paristīrya paścādagnerekavaddarhistṛṇāti //
2.2.6
udakprāktūlāndarbhānprakṛṣya dakṣiṇāṃ stathottarānagreṇāgniṃ dakṣiṇairuttarānavastṛṇāti //
2.2.7
dakṣiṇatognerbrāhmaṇe saṃstṛṇātyaparaṃ yajamānāya paścārddhe patnyai //
2.2.8
uttarataḥ saṃstīrṇe pavitre sruksruvāvājyasthālīṃ prakṣālya saṃstīrṇe dve dve prayunakti //
2.2.9
tūṣṇīṃ dakṣiṇata ājyaṃ nirūpya mantravatparyagniṃ kṛtvā tūṣṇīṃ sruksruvau saṃmṛjyādabdhena tvā cakṣuṣāvekṣa iti patnyājyāmavekṣate //
2.2.10
tūṣṇīmadhiśrityopādhiśritya paścādagnerupasādya mantravadutpūyāvekṣate //
2.2.11
tejosītyājyaṃ yajamāno 'vekṣate //
2.2.12
ājyasthālyāṃ sruvaṃ nidhāyāgreṇa sthālīpākamanvāyātayatyapareṇa mekṣaṇam //
2.2.13
tūṣṇīṃ prāñcamidhmamupasamādhāya brahmāṇamāmantrya oṃ juhudhītyukte dakṣiṇena hastenāntareṇa jānunī prāṅāsīna ādhārau juhoti prājāpatyamuttarārdhe prāñcaṃ manasā aindraṃ dakṣiṇārddhe prāñcameva //
2.2.14
athājyabhāgau juhotyāgneyamuttarārddhe saumyaṃ dakṣiṇārddhe samāvanakṣṇau //
2.2.15
yukto vaha yadākūtamiti dvābhyāmagniṃ yojayitvā nakṣatramiṣṭvā nakṣatradevatāṃ yajettithiṃ tithidevatāmṛtamṛtudevatāṃ ca //
2.2.16
upastīryāpa upaspṛśya mekṣaṇena sthālīpākasyāvadyati madhyāt pūrvārddhād dvitīyaṃ paścārddhāttṛtīyaṃ yadi pañcāvadānasya //
2.2.27
avattamabhidhārya sthālīpākaṃ pratyabhidhārayati //
2.2.18
agnaye svāheti madhye juhoti //
2.2.19
yo devānāmasīti raudrasya //
2.2.20
jayānhutvājāyasya sviṣṭakṛte samavadyatyuttarārddhātsakṛd dvimātram /
dvirvā yadi pañcāvadānasya //
2.2.21
avattaṃ dvirabhidhārya nāta urdhvaṃsthālīpākaṃ pratyabhidhārayati //
2.2.22
agnaye sviṣṭakṛte svāhetyasaṃsaktamuttarārddhapūrvārddhe juhoti //
2.2.22.p1
mekṣaṇaṃ darbhāṃścādhāyānumatibhyāṃvyāhṛtibhiśca tvaṃ no agne, sa tvaṃ no agne
2.2.23
ayāścāgne 'sītyetābhirjuhuyāt //
2.2.24
vi te muñcāmi raśanāṃ vi raśmīnīti ca dutvā pavitre 'nu prahṛtyājyenābhijuhoti //
2.2.25
edho 'syedhīṣīmahīti samidhamādadhāti samidasi samedhiṣīmahīti dvitīyām //
2.2.26
apo adyānvacāriṣamityupatiṣṭhate //
2.2.27_2
āpohiṣṭhīyābhirmārjayet //
2.2.28
pūrṇapātraṃ dakṣiṇā //
2.2.29
barhinupraharati //
2.2.30
etena sthālīpākena sthālīpākāḥ sarve vyākhyātāḥ //
2.2.30.p1
iti dvitīyapuruṣe dvitīyaḥ khaṇḍaḥ //2//
2.2.30.p2
tṛtīyaḥ khaṇḍaḥ
Commentaries (1)
- Mānavagṛhyasūtrabhāṣya — Sanskrit
Linked texts (3)
- Mānavaśrautasūtra — Sanskrit
- A Vedic Concordance — Maurice Bloomfield, English
- Altindische Grammatik — Jacob Wackernagel & Albert Debrunner, German