Manavagrihyasutra 2.6: ṣaṣṭhaḥ khaṇḍaḥ
Mānavagṛhyasūtra 2.6
- Language
- Sanskrit
Contents
ṣaṣṭhaḥ khaṇḍaḥ
2.6.1
athāto dhruvāśvakalpaṃ vyākhyāsyāmaḥ //
2.6.2
āśvayujyāṃ paurṇamāsyām //
2.6.3
ṛtvigavyaṅgaḥ snātaḥ śucirahatavāsāḥ //
2.6.3.p1
prāgastamayānniṣkramyottarato grāmasya purastādvā śucau deśe 'śvatthasyādhastānnyagrodhasya vāpāṃ vā samīpe vedyakṛtiṃ kṛtvā tasyāṃ catuṣkoṇavanaspatiśākhāyāmasaktacīrāyāṃ gandhasragdāmavatyāṃ caturdiśaṃ vinyastodakummasahiraṇyabījapiṭikāyāmapūpasrastaralājollopikamaṅgalaphalākṣavatyāṃ sarvagandhasarvarasasarvauṣadhīḥ sarvaratnāni copakalpya pratisaradadhimadhumodakasvastikanandyāvartavatyāmagniṃ
2.6.4
praṇīyāśvatthapalāśakhadirarohitakodumbarāṇāmanyatamasyedhmamupasasādhāya tisraḥ pradhānadevatā yajatyuccaiḥśravasaṃ varuṇaṃ viṣṇumiti sthālīpākaiḥ paśubhiścāśvinau cāśvayujau cājyasya //
2.6.5
jayān hutvā yā oṣadhayaḥ samannyāyanti punantu mā pitaro 'gnermanva iti caturbhiranuvākaurapo 'bhimantryāśvānsnapayati //
2.6.6
gandhasnagdāmabhiralaṃkṛtya pradakṣiṇaṃ devayajanaṃ triḥ pariyanti //
2.6.7
prāharṣaṃ kārayanti //
2.6.8
iṣṭe yathāsthānaṃ vrajanti //
2.6.9
gauranaḍvāṃśca dakṣiṇā //
2.6.9.p1
iti dvitīyapuruṣe ṣaṣṭhaḥ khaṇḍaḥ //6//
2.6.9.p2
saptamaḥ khaṇḍaḥ
2.6.9.p3
āgrahāyaṇyāṃ paurṇamāsyāṃ payasi sthālīpākaṃ śrapayitvā tasya juhoti--
2.6.9.p4
apaḥ śvetapadāgrāhi pūrveṇa cāpareṇa ca /
sapta ca vāruṇīrimāḥ prajāḥ sarvāśca rājabāndhavyaḥ svāhā //
2.6.9.p5
śveto ruṣatyo vidadhātyaśvo dadhadgarbhaṃ vṛṣaḥ satvaryāṃ jyok /
samaṃ janāścakramayo vasānāḥ proṣādasāvirasi viśvametat //
2.6.9.p6
śetāya rauṣiśvāya svāhā, na vai śvetasyābhyācāre ahirjaghāna kiṃcana /
śvetāya vaitāhavyāya svāhā. //
2.6.9.p7
abhayaṃ naḥ prājāpatyebhyo bhūyāt svāhā //
Commentaries (1)
- Mānavagṛhyasūtrabhāṣya — Sanskrit
Linked texts (2)
- Mānavaśrautasūtra — Sanskrit
- A Vedic Concordance — Maurice Bloomfield, English