Manavagrihyasutra 2.8: aṣṭamaḥ khaṇḍaḥ
Mānavagṛhyasūtra 2.8
- Language
- Sanskrit
Contents
aṣṭamaḥ khaṇḍaḥ
2.8.1
tisro 'ṣṭakāḥ //
2.8.2
ūrdhvamāgrahāyaṇyāḥ prāk phālgunyāstamiśrāṇāmaṣṭamyaḥ //
2.8.3
tāsu nādhīyīta //
2.8.3.p1
tāsu payasi sthālīpākaṃ śrapayitvā tasya juhoti--
2.8.3.p2
yā devyaṣṭakeṣvapasāpastamāstapā avayā asi /
tvaṃ yajñe varuṇasyāvayā asi tasyai ta enā vidhema //
2.8.3.p3
ulūkhalā grāvāṇo ghoṣamakurvata haviḥ kṛṇvantaḥ parivatsarīyam
2.8.3.p4
ekāṣṭake suprajasaḥ suvīrā jyogjīvema balihṛdo vayaṃ te //
2.8.3.p5
yāṃ janāḥ pratinandanti rātrīṃ dhenumivāyatīm /
saṃvatsarasya yā patnī sā no astu sumaṅgalī //
2.8.3.p6
saṃvatsarasya pratimāṃ ye tvā rātrīmupāsate /
teṣāmāyuṣmatīṃ prajāṃrāyaspoṣeṇa saṃsṛjasva //
2.8.4
iti catasraḥ sthālīpākasya //
2.8.4.p1
aṣṭhakāryai surādhase
2.8.5
svādeti sarvatrānuṣajati //
2.8.5.p1
hemanto vasante grīṣmaṛtavaḥ śivānaḥ śivāno varṣā abhayāściraṃ naḥ vaiśvānaro 'dhiratiḥ prāṇādo no ahorātre kṛṇutāṃ dīrghamāyuḥ //
2.8.5.p2
śāntā pṛthivī śivamantarikṣaṃ dyaur no devyabhayaṃ kṛṇotu /
śivā diśaḥ pradiśa ādiśo na āpo vidyutaḥ paripāntvāyuḥ //
2.8.5.p3
āpo marīcīḥ paripāntu viśvato dhātā samudro abhayaṃ kṛṇotu /
bhūtaṃ bhaviṣyaduta bhadramastu me brahmabhigūrttaṃ svarākṣāṇaḥ //
2.8.5.p4
kaviragnirindraḥ somaḥ sūryo vāyurastu me agnirvaiśvānaro apahantu pāpam /
bṛhaspatiḥ savitā śarma yacchatu śriyaṃ virājaṃ mayi pūṣā dadhātu //
2.8.6
iti pañacājyasya //
2.8.7
jayānhutveḍāmagna iti sviṣṭakṛditi //
2.8.8
evaṃ sarvāsu //
2.8.8.p1
iti dvitīyapuruṣe 'ṣṭamaḥ khaṇḍaḥ //8//
2.8.8.p2
navamaḥ khaṇḍaḥ
Commentaries (1)
- Mānavagṛhyasūtrabhāṣya — Sanskrit
Linked texts (2)
- A Vedic Concordance — Maurice Bloomfield, English
- Mekhalā — Laugākṣi, Sanskrit