Pramāṇa · Search · About · API

Mekhala 1

Mekhalā 1

Language
Sanskrit

1.1

atha
ṛcakam
ādau svastyayanam
oṃśrīgaṇeśāya namaḥ || oṃkāro yasya mūlaṃ kramapadajaṭharaṃ chandavistīrṇaśākhā ṛkpatraṃ sāmapuṣpaṃ yajuruciraphalaṃ syāda'tharvā pratiṣṭhā | yajñacchāyāsuśīto dvijagaṇamadhupairgīyate yasya nityaṃ śaktiḥ sandhyā trikālaṃ
duritabhayaharaḥ pātu no vedavṛkṣaḥ

1.2

succhāyaḥ
sthiradharmamūlavalayaḥ puṇyālavālānvito dhīvidyākaruṇākṣamādivilasadvistīrṇaśākhāśritaḥ | santoṣojjvalapallavaḥ śuciyaśaḥpuṣpaḥ sadā satphalaḥ sarvāśāparipūrako
vijayate śrīvedakalpadrumaḥ

1.3

mūlādhārāddhutavahakalāmiśritaṃ bhūrbhuvaḥ svarbrahmasthānātparamagahanāttatsaviturvareṇyam | bhargo devaḥ śaśikalamayī dhīmahītyekarūpaṃ
dhiyo yo naḥ pibatamamṛtaṃ codayānnaḥ paraṃ tat

1.4

muktāvidrumahemanīladhavalacchāyairmukhaistrīkṣaṇairyuktāmindunibaddharatnamukuṭāṃ tattvātmavarṇātmikām | gāyatrīṃ varadābhayāṅkuśakaśāṃ śūlaṃ kapālaṃ guṇaṃ śaṅkhaṃ cakramathāravindayugalaṃ
hastairvahantīṃ bhaje

1.3-2

āyātu varadā devī tryakṣarā brahmavādinī | gāyatri ! chandasāṃ mātarbrahmayone ! namostu te

1.3-3

[ oṃojosīti gāyatrīmāvāhya | devānāmārṣam || ] ojo'si sahosi balamasi bhrājo'si devānāṃ dhāmanāmāsi viśvamasi viśvāyuḥ sarvamasi
sarvāyurabhibhūḥ oṃbhūḥ oṃbhuvaḥ oṃsvaḥ oṃmahaḥ oṃjanaḥ
oṃtapaḥ oṃsatyaṃ oṃtatsaviturvareṇyaṃ bhargo devasya dhīmahi | dhiyo yo naḥ pracodayāt

1.1-2

[svastyātreyaḥ pāṃktyantamayeḥ pañconāścatasro gāyatryaḥ ṣaḍuṣṇihastisro jagatyo'nuṣṭubhau bṛhatī ca ||] svasti no mimītāmaśvinā bhagaḥ svasti devyaditiranarvvaṇaḥ | svasti
pūṣā asuro dadhātu naḥ svasti dyāvāpṛthivī sucetunā

1.2-2

svastaye vāyumupabravāmahai somaṃ svasti bhuvanasya yaspatiḥ | bṛhaspatiṃ sarvvagaṇaṃ svastaye svastaya ādityāso bhavantu naḥ

1.3-4

viśvedevā no adyā
svastaye vaiśvānaro vasuragniḥ svastaye | devā avantvṛbhavaḥ
svastaye svastino rudraḥ pātvaṃhasaḥ

1.4-2

svasti mitrāvaruṇā svasti pathye revati | svasti na indraścāgniśca
svasti no adite ! kṛdhi

1.5

svasti panthāmanu
carema sūryācandramasāviva | punardadatā ghratā jānatā saṅgemahi

1.6

svastyayanaṃ tārkṣyamariṣṭanemiṃ mahadbhūtaṃ
vāyasaṃ devatānām | asuraghnamindrasakhaṃ samatsu bṛhadyaśo
nāvamivāruhema

1.7

aṃhomucamāṅgirasaṃ gayaṃ ca svastyātreyaṃ manasā ca tārkṣyam | prayatapāṇiḥ śaraṇaṃ prapadye svasti sambādheṣvabhayaṃ no astu | kalyāṇamastu

Linked texts (3)