Mekhala 14
Mekhalā 14
- Language
- Sanskrit
14.1
athānnaprāśanam | agniṃ parisamūhya paryukṣya pariṣicya | ādaupañca | annapataye juṣṭaṃ nirvapāmi evaṃ prokṣāmi | | ājyabhāgāntaṃ hutvā | (ṣaṣṭhe māse'nnaprāśanaṃ danteṣu vā jāteṣu sarvāraṇyannāni saṃyūya sādhayitvā āyurdhā deva, ghṛtapratīka iti ca dvābhyāṃ sruveṇājyahomaḥ |) āyurdhā deva jarasaṃ vṛṇāno ghṛtaṃ vasāno ghṛtapṛṣṭho agne | ghṛtaṃ pivannamṛtaṃ cāru gavyaṃ piteva putraṃ
jarase nayemaṃ svāhā
14.2
ghṛtapratīko ghṛtapṛṣṭho agnirghṛtaṃ havano ghṛtamasya dhāma | ghṛtapruṣo haritastvā vahantu ghṛtaṃ pivanyajatāddeva devān svāhā
14.8
(annapateriti sthālīpākasya |) annapate annasya no dehyanamīvasya śuṣmiṇaḥ | pra pradātāraṃ tāriṣaṃ ūrjaṃ no
dehi dvipade catuṣpade svāhā | anayaiva kumāramapi annaṃ prāśayet | [devāgratotha vinyasya śilpabhāṇḍāni
sarvaśaḥ | śastrāṇi sarvaśāstrāṇi tataḥ paśyeta lakṣaṇam | prathamaṃ yanmṛjedbālastato bhāṇḍaṃ svayaṃ tadā | jīvitaṃ tasya bālasya tenaiva tu bhaviṣyati |] tata ṛtutithyāditaṃtrasamāptiḥ | ityannaprāśanam
Linked texts (2)
- Kāṭhakaśākhā — Sanskrit
- Vedakalpadruma — Laugākṣi, Sanskrit