Pramāṇa · Search · About · API

Mekhala 4

Mekhalā 4

Language
Sanskrit

4.1

[ iti kanikradatsūktaṃ nāma, śakunibhadram ||] “aindravāyavye dyāvāpṛthivyāvantyastṛco havirdhāne vā tasya tṛtīyaḥ pādo
vāyavyo'mbitamamānuṣṭubhaṃ bṛhatī ca ||” indraśca mṛḷayāti no na naḥ paścādaghaṃ naśat | bhadrambhavāti naḥ puraḥ

4.2

indra āśābhyaspari sarvābhyo abhayaṃ karat
jetā śatrūnvicarṣaṇiḥ

4.3

viśve devāsa āgata
śa‍ṛṇutā ma imaṃ havam | idaṃ barhirniṣīdata

4.4

tīvro vo madhumāṃ ayaṃ śaunahotreṣu matsaraḥ | etaṃ pibata kāmyam

4.5

indrajyeṣṭhā marudgaṇā devāsaḥ pūṣarātayaḥ | viśve mama śrutā havam

4.6

ambitame
nadītame devitame sarasvati | apraśastā iva smasi praśastimamba ! naskṛdhi

4.7

tve viśvā sarasvati śritāyūṃṣi devyām śaunahotreṣu matsva prajāṃ devi didiḍḍhinaḥ

4.8

imā brahma sarasvati juṣasva vājinīyati | yā te manma gṛtsamadā ṛtāvari priyāndeveṣu
juhvati

4.9

pretāṃ yajñasya śambhuvāṃ yuvāmidā vṛṇīmahe | agniṃ ca havyavāhanam

4.10

dyāvā naḥ
pṛthivī imaṃ sidhramadya divaspṛśam | yajñaṃ deveṣu yacchatām

4.11

ā vāmupasthamadruhā devāḥ sīdantu yajñiyāḥ | ihādya somapītaye

Linked texts (5)