Mekhala 5
Mekhalā 5
- Language
- Sanskrit
5.1
[itīndrabhadram |]
ā no daśa vaiśvadevayantu dvi triṣṭubantaṃ ṣaṣṭhī virāṭsthānā || ā no bhadrāḥ kratavo yantu viśvato'dabdhāso aparītāsa udbhidaḥ | devā no yathā sadamidvṛdhe asannaprāyuvo rakṣitāro dive dive
5.2
devānāṃ bhadrā sumatirṛjūyatāṃ devānāṃ rātirabhi no nivarttatām | devānāṃ sakhyamupa sedimā vayaṃ devā na āyuḥ pratirantu jīvase
5.3
tānpūrvayā nividā hūmahe vayaṃ bhagaṃ mitramaditiṃ dakṣamasridham | aryamaṇaṃ varuṇaṃ somamaśvinā sarasvatī naḥ subhagā mayaskarat
5.4
tanno vāto mayobhu vātu bheṣajaṃ tanmātā pṛthivī tatpitā dyauḥ | tadgrāvāṇaḥ somasuto mayobhuvastadaśvinā śṛṇutaṃ dhiṣṇyā yuvam
5.5
tamīśānaṃ jagatastasthuṣaspatiṃ dhiyañjinvamavase hūmahe vayam | pūṣā no yathā
vedasāmasadvṛdhe rakṣitā pāyuradabdhaḥ svastaye
5.6
svasti na indro vṛddhaśravāḥ svasti naḥ pūṣā viśvavedāḥ
svasti nastārkṣyo ariṣṭanemiḥ svasti no bṛhaspatirdadhātu
5.7
pṛṣadaśvā marutaḥ pṛśnimātaraḥ śubhaṃ yāvāno vidatheṣu jagmayaḥ | agnijihvā manavaḥ sūracakṣaso
viśve no devā avasā gamanniha
5.8
bhadraṃ karṇebhiḥ śṛṇuyāma devā bhadraṃ paśyemākṣabhiryajatrāḥ | sthirairaṅgaistuṣṭuvāṃsastanūbhirvyaśema devahitaṃ yadāyūḥ
5.9
śataminnu śarado antidevā yatrā naścakrā jarasaṃ tanūnām | putrāso yatra pitaro bhavanti māno madhyā rīriṣatāyurgantoḥ
5.10
aditidyauraditirantarikṣamaditirmātā sa pitā sa putraḥ | viśve devā aditiḥ pañcajanā aditirjātamaditirjanitvam
Linked texts (1)
- Vedakalpadruma — Laugākṣi, Sanskrit