[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Pāraskaragṛhyasūtra](https://indike.org/pramana/in.vedanga.kalpa.grhya.paraskara) › [Paraskaragrihyasutrabhashya (Harihara)](https://indike.org/pramana/in.vedanga.kalpa.grhya.paraskara!harihara) › 23.4.1 # Paraskaragrihyasutra 23.4.1 Pāraskaragṛhyasūtrabhāṣya (Harihara) 23.4.1 - **Language:** Sanskrit ### [23.4.1](https://indike.org/pramana/in.vedanga.kalpa.grhya.paraskara!harihara.23.4.1) (atra samidādhānam) atra sāvitrīpradānottarakāle samidhām ādhānaṃ prakṣepaḥ brahmacāriṇo bhavati | atrāgnāviti bhāṣyakāraḥ atrāvasarasya pāṭhādeva siddheḥ (pāṇinā'gniṃ parisamūhati) pāṇinā dakṣiṇahastena agniṃ prakṛtahomādhikaraṇaṃ parisamūhati saṃdhukṣayati īṃdhanaprakṣepeṇa vakṣyamāṇaiḥ paṃcabhirmaṃtraiḥ | yathā (agne suśravaḥ suśravasammā kuru, yathā tvamagne suśravaḥ suśravā asi, evaṃ mā m̐ suśravaḥ sauśravasaṃ kuru, yathā tvamagne devānāṃ yajñasya nidhipā asi, evamahaṃ manuṣyāṇāṃ vedasya nidhipo bhūyāsam ) kecitparisamūhane trīnmaṃtrānmamyaṃte tadyathā | agne suśrava ityārabhya suśravasaṃ mā kuru ityekaṃ, yathā tvamagne ityārabhya sauśravasaṃ kuru ityevaṃ dvitīyam, yathā tvamagne devānāmityādi bhūyāsamityaṃtaṃ tṛtīyamiti | ( pradakṣiṇamagniṃ paryukṣya shift+otthāya samidhamādhātyagnaye samidhamiti ) tataḥ pradakṣiṇaṃ yathā bhavati tathā agniṃ paryukṣya dakṣiṇahastagṛhītenodakena pariṣicya utthāya ūrdhvībhūya prāṅmukhastiṣṭhan samidhaṃ samidhyate dīpyate agniranayeti samit tāṃ samidham ādadhāti prakṣipati | samillakṣaṇaṃ chaṃdogapariśiṣṭe-“ nāṃguṣṭhādadhikā kāryā samitsthūlatayā kvacit | na viyuktā tvacā caiva na sakīṭā na pāṭitā || prādeśānnādhikā nyūnā na tathā syādviśākhikā | na saparṇā ca nirvīryā na homeṣu vijānatā || ” brahmapurāṇe-“ pālāśaśvatthanyagrodhaplakṣavaiṃkaṃkatodbhavāḥ | aśvatthoduṃbarau bilvaścaṃdanaḥ saralastathā || śālaśca devadāruśca khadiraśceti yājñikāḥ ||” marīciḥ-“viśīrṇā vidalā hrasvā vakrāḥ sasuṣirāḥ kṛśāḥ | - [Previous: 23.3](https://indike.org/pramana/in.vedanga.kalpa.grhya.paraskara!harihara.23.3) - [Next: 23.4.2](https://indike.org/pramana/in.vedanga.kalpa.grhya.paraskara!harihara.23.4.2) - [Up: 23.4](https://indike.org/pramana/in.vedanga.kalpa.grhya.paraskara!harihara.23.4) ## Linked texts (2) - [Pāraskaragṛhyasūtra](https://indike.org/pramana/in.vedanga.kalpa.grhya.paraskara.2.4.2) — Pāraskara, Sanskrit - [Marīcismṛti (fragments)](https://indike.org/pramana/in.niti.dharma.uddhrta.maricismrti*fragments.1.14) — Sanskrit --- Source: [https://indike.org/pramana/in.vedanga.kalpa.grhya.paraskara!harihara.23.4.1](https://indike.org/pramana/in.vedanga.kalpa.grhya.paraskara!harihara.23.4.1) · Pramāṇa