Shankhayanagrihyasutra 41: caturdaśa khaṇḍaḥ
Śāṅkhāyanagṛhyasūtra (complete text) 41
- Language
- Sanskrit
Contents
caturdaśa khaṇḍaḥ
41.3
||atha vaiśvadevakarma||
atha vaiśvadevaḥ||1|| vyākhyāto homakalpaḥ||2|| vaiśvadevasya siddhasya sāyaṃprātargṛhyegnau juhuyāt ||
41.6
" agnaye svāhā, somāya svāhā, indrāgnibhyāṃ svāha, viṣṇave svāhā, bharadvājadhanvantaraye svāhā, viśvebhyo devebhyaḥ svāhā, prajāpataye svāhā, aditaye svāhā, anumataye svāhā , agnaye sviṣṭakṛte svāheti’’ hutvautāsāṃ devānām||4|| atha vāstumadhye baliṃ hared etābhyaścaiva devatābhyaḥ "namo brahmaṇe brāhmamebhyaśca, vāstoṣpate prati jānīhyasmāniti’’ vāstumadhye vāstoṣpataye ca||5|| atha diśāṃ pradakṣiṇaṃ yathārūpaṃ baliṃ harati ||
41.6.p1
’’nama indrāyaindrebhyaśca namo yamāya yābhyebhyaśca, namo varuṇāya varuṇebhyaśca, namaḥ somāya saumyebhyaśca, namo bṛhaspataye bārhaspatyebhyaśca’’||7|| athā''dityamaṇḍale ’’ namoditaya
41.26
ādityebhyaśca, namo nakṣatrebhya ṛtubhyo māsebhyo'rddhamāsebhyo'horātrebhyaḥ saṃvatsarebhyaḥ’’||8|| ’’pūṣṇe pathikṛte dhātre vidhātre marudbhyaśceti’’ dehalīṣu||9|| ’’viṣṇave’’ dṛṣadi||10| | ’’vanaspataya iti’’ ulūkhale| |11|| ’’oṣadhībhyaya iti’’ oṣadhīnāṃ sthāne|| 12||"parjjanyādbhya iti’’ maṇike||13|| ’’namaḥ śriyai’ ’ śayyāyāṃ śirasi pādataḥ’ ’bhadrakālyai’’||14|| anugupte deśe ’ ’namaḥ sarvānnabhūtaye’’||15|| athāntarikṣe ’’naktañcerebhya iti’’sāyam, ’’ahaścarebhya iti’’ prātaḥ, ’’ye devāsa iti ’’ ca ||16|| avijñātābhyo devatābhya uttarato dhanapataye ca ||17|| prācīnāvīti dakṣiṇataḥ śeṣanniyati ’’ye agnidagdhā iti’’| |18|| devapitṛnarebhyo datvā śrotriyaṃ bhojayet||19|| brahmacāriṇe vā bhikṣāṃ dadyāt ||20|| anantaraṃ sauvāsinīṃ gārbhiṇīṃ kumārān sthavirām̐śca bhojayet||21|| śvabhyaḥ śvapacebhyaśca vayobhyaścā''vaped bhūmau||22|| iti nā'navattamaśnīyāt||23|| naikaḥ||24|| na pūrvam||25|| tadapyetaddṛcoktam’ ’moghamannaṃ vindate apracetā iti’’ ||
41.26.p1
iti caturdaśaḥ khaṇḍaḥ|
Linked texts (2)
- Kauṣītakagṛhyasūtra — Sanskrit
- Vasiṣṭhadharmasūtra (ed. G. Bühler) — Sanskrit