Vaikhanasasmartasutra 2.1
Vaikhānasasmārtasūtra 2.1
- Language
- Sanskrit
2.1.1
atha varṇāśramadharmaṃ \1\
2.1.2
brāhmaṇakṣatriyavaiśyaśūdrā mukhabāhūrupādeṣu jātāścatvāro varṇā \2\
2.1.3
yasmādbrāhmaṇo 'sya mukhamāsīditi śrutiḥ \3\
2.1.4
pūrveṣāṃ trayāṇāṃ niṣekādyāḥ saṃskārā vidhīyante \4\
2.1.5
teṣāṃ dvijanmanāṃ vedādhikārastasmādbrāhmaṇasyādhyayanādhyāpanayajanayājanadānapratigrahāṇi ṣaṭkarmāṇi bhavanti \5\
2.1.6
kṣattriyavaiśyayoryajanādhyayanadānāni \6\
2.1.7
kṣatriyasya prajāpālayaduṣṭanigrahayuddhāḥ vaiśyasya pāśupālyakusīdavāṇijyāni \7\
2.1.8
śūdrasya dvijanmanāṃ śuśrūṣā kṛṣiścaiva \8\
2.1.9
brāhmaṇasyāśramāścatvāraḥ kṣatriyasyādyāstrayo vaiśyasya \9\
2.1.10
dvāveva tadāśramiṇaścatvāro brahmacārī gṛhastho vānaprastho bhikṣuḥ \10\
2.1.11
iti upanīto brahmacārī mekhalopavītājinadaṇḍadhārī snātvā tarpaṇaṃ brahmayajñaṃ sāyaṃprātaḥ sandhyopāsanasamiddhomau ca kurvanguroḥ pādāvupasaṃgṛhya nityābhivandī vratenādhyayanaṃ karoti \13\
2.1.14
sthite gurau stheyādutthite pūrvamutthāya vrajantamanugacchedāsīne śayāne ca niyukto nīcairanvāsanaśayane kuryād \14\
2.1.15
anukto yatkiñcitkarma nācarati \15\
2.1.16
anukto 'pi svādhyāyanityakarmāṇyācared \16\ \\1\\
Linked texts (1)
- Kalpaḥ — Sanskrit