Vaikhanasasmartasutra 2.13

Vaikhānasasmārtasūtra 2.13

Language: Sanskrit

2.13.1

vane 'drau vivikte nadītīre vanāśramaṃ prakalpya yathoktamagnikuṇḍāni kuryāt \1\

2.13.2

patnyā sahāgnīnādāya pātrādisaṃbhārayukto vanāśramaṃ samāśrayati \2\

2.13.3

agnyāyatane prokṣya khanitvā lekhāḥ ṣaḍullikhya suvarṇaśakalaṃ vrīhīṃśca nidhāya śrāmaṇakāgniṃ nidadhyāt \3\

2.13.4

vanyāneva pārthivānvānaspatyānkulīroddhātāñchaṇānpurāṇānkuśadarbhānūrṇāstukāṃ plakṣāgraṃ sugandhitejanaṃ gugguluṃ hiraṇyaśakalānsūryakāntaṃ ca saṃbharati \6\

2.13.7

vānaprasthānṛtvijo vṛtvāgniṃ mathitvā gārhapatyādīṃstretāgnīnpañcāgnīnvāgnyādheyakrameṇādhāyāhutī dve dve hutvā nityaṃ dvikālaṃ vanyaireva juhoti \8\

2.13.9

vanāśramī muniḥ snānaśaucasvādhyāyatapodānejyopavāsopasthanigrahavratamaunānīti niyamāndaśaitānsatyānṛśaṃsyārjavakṣamādamaprītiprasādamārdavāhiṃsāmādhuryāṇīti yamāndaśāmūṃśca samācarati \12\

bhaktyā viṣṇuṃ dhyāyannagnihotraśrāmaṇakāgnihomau dvikālaṃ notsṛjangrāmyāśanaṃ tyaktvā vanyauṣadhīḥ phalaṃ mūlaṃ śākaṃ vā nityāśanaṃ saṃkalpya tirodhā bhūriti \ āhṛtyāparāhṇe svayaṃ patnī vā haviṣyamāsrāvitaṃ pacati \15\

2.13.16

vaiśvadevānte 'tithīnabhyāgatānprāśayitvā mitaṃ prāśnāti \16\ \\13\\

Linked texts (1)

Vaikhānasadharmasūtra — Vikhanas, Sanskrit