Vaikhanasasmartasutra 2.15
Vaikhānasasmārtasūtra 2.15
- Language
- Sanskrit
2.15.1
muṇḍito vidhinā snātvā grāmādbāhyeprājāpatyaṃ caritvā pūrvāhṇe tridaṇḍaṃ śikyaṃ kāṣāyaṃ kamaṇḍalumappavitraṃ mṛdgrahaṇīṃ bhikṣāpātraṃ ca saṃbhṛtya trivṛtaṃ prāśyopavāsaṃ kṛtvā dine 'pare prātaḥ snātvāgnihotraṃ vaiśvadevaṃ ca hutvā vaiśvānaraṃ dvādaśakapālaṃ nirvapet \3\
2.15.4
gārhapatyāgnāvājyaṃ saṃskṛtyāhavanīye pūrṇāhutī puruṣasūktaṃ ca hutvāgnaye somāya dhruvāya dhruvakaraṇāya paramātmane nārāyaṇāya svāheti juhoti \6\
2.15.7
sruci sruveṇa caturgṛhītaṃ gṛhītvā sarvāgniṣvoṃ svāheti juhuyād \7\
2.15.8
agnihotrahavaṇīmāhavanīye mṛcchilāmayebhyo 'nyāni pātrāṇī gārhapatye prakṣipati \8\
2.15.9
gṛhastho 'nāhitāgniraupāsane vanasthaśca śrāmaṇakāgnau homaṃ hutvā pātrāṇi prakṣipet \9\
2.15.10
paccho 'rdharcaśo vyastāṃ samastāṃ ca sāvitrīṃ japtvā bhikṣāśramaṃ praviśāmīti taṃ praviśati \11\
2.15.12
antarvedyāṃ sthitvā gārhapatyādīnyā te agne yajñiyeti pratyekaṃ trirāghrāya bhavataṃ naḥ samanasāvityātmanyāropayet \13\
2.15.14
bhūrbhuvaḥ suvaḥ saṃnyastaṃ mayeti trirupāṃśūccaiśca praiṣamuktvā dakṣiṇahastena sakṛjjalaṃ pītvācamya tathaivoktvā trirjalāñjaliṃ visṛjen \15\
2.15.16
mekhalāṃ catvāryupavītānyekaṃ vopavītaṃ kṛṣṇājinamuttarīyaṃ ca pūrvavaddadāti \17\
2.15.18
devasya tvā yo me daṇḍaḥ sakhā me gopāyeti tribhistridaṇḍaṃ yadasya pāre rajasa iti śikyaṃ yena devāḥ pavitreṇetyappavitraṃ yena devā jyotiṣeti kamaṇḍalumṛdgrahaṇyāvādadīta \20\ \\15\\
Linked texts (2)
- Vaikhānasadharmasūtra — Vikhanas, Sanskrit
- Vaikhānasa — Sanskrit