Vaikhanasasmartasutra 2.17

Vaikhānasasmārtasūtra 2.17

Language: Sanskrit

2.17.1

snātvāghamarṣaṇasūktenāghamarṣaṇaṃ kuryāt \1\

2.17.2

ācamya ṣoḍaśa prāṇāyāmānkṛtvā sahasraṃ śataṃ vā sāvitrīṃ japtvā tathā bhikṣāpātramalābu dāravaṃ mṛnmayaṃ vā gṛhṇāti \2\

2.17.3

praṇavādyādibhiḥ pṛthak pṛthaksaptavyāhṛtibhistarpayāmīti devebhyo jale 'dbhistarpayitvādyābhiścatasṛbhiḥ svadheti pitṛbhyastarpayet \4\

2.17.5

udvayaṃ tamasa ityādityamupatiṣṭheta \5\

2.17.6

jalāñjaliṃ visṛjyābhayaṃ sarvabhūtebhyo dadyād \6\

2.17.7

adhyātmarato yatirbhikṣāśī niyamayamāṃśca samācaransaṃyatendriyo dhyānayogena paramātmānamīkṣate \8\

2.17.9

dharmyaṃ sadācāram \9\

2.17.10

nivītī dakṣiṇe karṇe yajñopavītaṃ kṛtvotkaṭikamāsīno 'hanyudaṅmukho rātrau dakṣiṇāmukhastṛṇairantarite mūtrapurīṣe visṛjen \10\

2.17.11

nadyāṃ goṣṭhe pathi chāyāyāṃ bhasmanyapsu kuśe darbhe vā nācaret \11\

2.17.12

goviprodakāgnivāyvarkatārendūnnapaśyankuryāt \12\

2.17.13

vāmahastena liṅgaṃ saṃgṛhyotthāyodakasya pārśve tathāsīno brahmacārī gṛhastho 'pi śiśne dvirhastayośca dvirdvirgude ṣaṭkṛtvo mṛdaṃ dattvoddhṛtaireva jalaiḥ śaucaṃ kuryāt \15\

2.17.16

karaṃ vāmaṃ daśa kṛtvaḥ karāvubhau ca tathā mṛdādbhiḥ prakṣālayet \16\

2.17.17

vanasthasya bhikṣoścaitaddviguṇaṃ bhavati 17rātrau yathoktārdhaṃ vā \18\ \16\
retovisarge mūtravacchaucaṃ kartavyaṃ retasastrirityeke \1\

2.17.2_2

sopavītī prāṅmukha udaṅmukho vānyatrāsitvā mṛdāmbunā pūrvavatpādau pāṇī ca prakṣālyācamya mantreṇācamati \3\

2.17.4

brāhmaṇo hṛdgābhiḥ kṣatriyaḥ kaṇṭhagābhirvaiśyastālugābhiradbhirācāmeta \4\

2.17.5_2

ātmānaṃ prokṣya pratyarkamapo visṛjyārkaṃ paryeti \5\

2.17.6_2

udakasyāgnervāmapārśvaṃ prāṇānāyamya pratyekamoṃkārādisaptavyāhṛtipūrvāṃ gāyatrīmante saśiraskāṃ trirjapetsa prāṇāyāmastrīnekaṃ vā prāṇāyāmaṃ kṛtvā pūtaḥ \7\