Vaikhanasasmartasutra 2.18
Vaikhānasasmārtasūtra 2.18
- Language
- Sanskrit
2.18.1
parastriyaṃ yuvatimaspṛśanbhūmāvabhivādayed \ vandyānāṃ vandanādāyurjñānabalārogyaśubhāni bhavanti \1\
2.18.2
yajñopavītamekhalājinadaṇḍānpareṇa dhṛtānna dhārayet \2\
2.18.3
upākṛtyānālasyaḥ śuciḥ praṇavādyaṃ vedamadhīyāno 'māvāsyāyāṃ paurṇamāsyāṃ caturdaśyoḥ pratipadoraṣṭamyośca nādhīyīta \3\
2.18.4
nityajape home cānadhyāyo nāsti \4\
2.18.5
mārjāranakulamaṇḍūkaśvasarpagardabhavarāhapaśvādiṣvantarāgateṣvahorātraṃ sūtakapretakayorāśauce tāvatkālaṃ tisro 'ṣṭakāsu gurau prete ca trirātramanadhyāyaḥ syāt \8\
2.18.9
tadbhāryāputrayoḥ svaśiṣyasya coparame manuṣyayajñe śrāddhabhojane caikāhamanadhyāyaḥ syādāpadārtyoraprāyatye \9\
2.18.10
vṛkṣanauyānaśayaneṣvārūḍhaḥ prasāritapādo mūtrapurīṣaretovisarge grāme 'ntaḥśave satyabhakṣyānnabhojane chardane śmaśānadeśe sandhyāstanite bhūkampe digdāhe 'śanyulkānipāte rudhiropalapāṃsuvarṣe sūryendurāhugrahaṇe ca tattatkāle nādhīyīta \13\
2.18.14
paratreha śreyaskaro vedastadadhyetavyo \14\
2.18.15
ante visṛjya praṇavaṃ bravīti \15\
2.18.16
laukikāgnau samidhau hutvā bhikṣānnaṃ medhāpradaṃ śuddhaṃ maunī bhuñjīta \16\ \\18\\
Linked texts (1)
- Vaikhānasadharmasūtra — Vikhanas, Sanskrit