Vaikhanasasmartasutra 2.19

Vaikhānasasmārtasūtra 2.19

Language: Sanskrit

2.19.1

pauṣe māghe vā māse grāmādbahirjalānte pūrvavadvratavisargahomaṃ hutvā svādhyāyamutsṛjya pakṣe śukle vedaṃ kṛṣṇe vedāṅgaṃ ca yāvadantaṃ samadhītya gurordakṣiṇāṃ dattvā samāvartī syāt \3\

2.19.4

madhyāhne śuddhe jale mṛdādbhiḥ pādau hastau ca dhāvayitvācamyāṅgāni saṃśodhyāpaḥ punantviti jale nimajjed \4\

2.19.5

ācānto vaiṣṇavairmantrairviṣṇuṃ hiraṇyaśṛṅgamiti varuṇaṃ ca praṇamyāghamarṣaṇasūktenāghamarṣaṇaṃ kṛtvedamāpaḥ śivā iti snāyād \6\

2.19.7

āśramiṇaścatvāraḥ snānaṃ nityamevaṃ pūrvoktena vidhinā kāmyaṃ naimittikaṃ ca kurvanti \8\

2.19.9

dhautavastreṇācchādya pūrvavadācamya prokṣyāsīnastiṣṭhanvā kṛtaprāṇāyāmaḥ sāvitrīṃ japtvādityamupatiṣṭheta \9\

dakṣiṇapāṇinā tīrthena brāhmeṇa bhūpatyādīndaivena nārāyaṇādīnkūpyādīṃścārṣeṇa viśvāmitrādīnpaitṛkeṇa pitrādīnadbhistarpayitvā brahmayajñaṃ kariṣyannityamiṣe tvorje tveti yathākāmaṃ yajuḥsaṃhitāmādyāṃ strīnanuvākānsvādhyāyaṃ kurvīta \13\

2.19.14

naimittikamṛtaṃ ca satyaṃ cetyādisūktāni caturvedādimantrānvāpyadhīyīta \14\

2.19.15

sarvayajñānāmādirbrahmayajñaḥ \15\

2.19.16

tasmādupanayanaprabhṛtyeva dvijaiḥ kartavyo \16\

2.19.17

nadyāṃ tīrthe devakhāte sarasi taṭāke vā sāmānye snānaṃ kuryāt \18\ \\19\\

Linked texts (1)

Vaikhānasadharmasūtra — Vikhanas, Sanskrit