Vaikhanasasmartasutra 2.24

Vaikhānasasmārtasūtra 2.24

Language: Sanskrit

2.24.1

dravyeṣu ratnasauvarṇarajatamayānyadbhiḥśodhayatyagnau vā sparśayati \1\

2.24.2

tāmratrapusīsāyasādyānyamlavāribhirdārudantajātāni takṣaṇāddhāvanādvā yajñapātrāṇi dakṣiṇapāṇinā mārjanātkṣālanādvā saṃśodhyāni \3\

2.24.4

carmamayasaṃhatāni vastrāṇi śākamūlaphalāni ca prokṣayedalpāni kṣālayet \4\

2.24.5

ghṛtādīni dravyāṇyutpūyolkayā darśayet \5\

kauśeyāvikānyūṣairaṃśutaṭṭāni śrīphalaiḥ śaṅkhaśuktigośṛṅgāṇi sarṣapaiḥ savāribhirmṛnmayāni punardāhena gṛhaṃ mārjanopalepanāpsekairbhūmiṃ khananādanyamṛtpūraṇagovāsakādyairmārjanādyaiśca śodhayed \8\

2.24.9

gotṛptikaraṃ bhūgataṃ toyaṃ doṣavihīnaṃ supūtam \9\

2.24.10

vākśastaṃ vārinirṇiktamadṛṣṭaṃ \10\

2.24.11

yoṣidāsyaṃ kāruhastaḥ prasāritapaṇyaṃ ca sarvadā śuddhaṃ śakunyucchiṣṭaṃ phalamanindyaṃ \11\

2.24.12

maśakamakṣikānilīnaṃ tadvipruṣaśca na dūṣyāṇi \12\

2.24.13

vāyvagnisūryaraśmibhiḥ spṛṣṭaṃ ca medhyam \13\

2.24.14

āture bāle pacanālaye ca śaucaṃ na vicāraṇīyaṃ yathāśakti syād \ viṇmūtrābhyāṃ bahvāpo na dūṣyāḥ \14\

2.24.15

parasyācāmatastoyabindubhirbhūmau nipatyodgataiḥ pādaspṛṣṭairācāmayannāśuciḥ syāt \15\ \\24\\

Linked texts (1)

Kalpaḥ — Sanskrit