[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Vaikhanasasmartasutra](https://indike.org/pramana/in.vedanga.kalpa.grhya.vaikhanasa) › 2.26 # Vaikhanasasmartasutra 2.26 Vaikhānasasmārtasūtra 2.26 - **Language:** Sanskrit ### [2.26.1](https://indike.org/pramana/in.vedanga.kalpa.grhya.vaikhanasa.2.26.1) apatnīko 'nagniradāro 'niketano vṛkṣamūle vasanvanasthāśrameṣu gṛhasthānāṃ gṛheṣu vā bhikṣāṃ bhikṣitvāmbupārśve śuddhe parṇe prāṇayātrāmātramannaṃ bhikṣuvadaśnāti \1\ ### [2.26.2](https://indike.org/pramana/in.vedanga.kalpa.grhya.vaikhanasa.2.26.2) śarīraṃ śoṣayannuttaramuttaraṃ tīvraṃ tapaḥ kuryāt \2\ ### [2.26.3](https://indike.org/pramana/in.vedanga.kalpa.grhya.vaikhanasa.2.26.3) bhikṣuḥ snātvā nityaṃ praṇavenātmānaṃ tarpayet 3tenaiva namaskuryāt \4\ ### [2.26.5](https://indike.org/pramana/in.vedanga.kalpa.grhya.vaikhanasa.2.26.5) ṣaḍavarānprāṇāyāmānkṛtvā śatāvarāṃ sāvitrīṃ japtvā sandhyāmupāsīta \5\ ### [2.26.6](https://indike.org/pramana/in.vedanga.kalpa.grhya.vaikhanasa.2.26.6) appavitreṇotpūtābhiradbhirācāmet \6\ ### [2.26.7](https://indike.org/pramana/in.vedanga.kalpa.grhya.vaikhanasa.2.26.7) kāṣāyadhāraṇaṃ sarvatyāgaṃ maithunavarjanamastainyādīnapyācaret \7\ ### [2.26.8](https://indike.org/pramana/in.vedanga.kalpa.grhya.vaikhanasa.2.26.8) asahāyo 'nagniraniketano niḥsaṃśayī saṃmānāvamānasamo vivādakrodhalobhamohānṛtavarjī grāmādbahirvivikte maṭhe devālaye vṛkṣamūle vā nivaset \9\ ### [2.26.10](https://indike.org/pramana/in.vedanga.kalpa.grhya.vaikhanasa.2.26.10) cāturmāsādanyatraikāhādūrdhvamekasmindeśe na vased \10\ ### [2.26.11](https://indike.org/pramana/in.vedanga.kalpa.grhya.vaikhanasa.2.26.11) varṣāḥ śaraccāturmāsyamekatraiva vaset \11\ ### [2.26.12](https://indike.org/pramana/in.vedanga.kalpa.grhya.vaikhanasa.2.26.12) tridaṇḍe kāṣāyāppavitrādīnyojayitvā kaṇṭhe vāmahastena dhārayandakṣiṇena bhikṣāpātraṃ gṛhītvaikakāle viprāṇāṃ śuddhānāṃ gṛheṣu vaiśvadevānte bhikṣāṃ caret \13\ ### [2.26.14](https://indike.org/pramana/in.vedanga.kalpa.grhya.vaikhanasa.2.26.14) bhūmau vīkṣya jantūnpariharanpādaṃ nyased \14\ ### [2.26.15](https://indike.org/pramana/in.vedanga.kalpa.grhya.vaikhanasa.2.26.15) adhomukhastiṣṭhanbhikṣāmālipseta \15\ ### [2.26.16](https://indike.org/pramana/in.vedanga.kalpa.grhya.vaikhanasa.2.26.16) godohanakālamātraṃ tadardhaṃ vā sthitvā vrajed \16\ ### [2.26.17](https://indike.org/pramana/in.vedanga.kalpa.grhya.vaikhanasa.2.26.17) alābhe 'pyavamāne 'pyaviṣādī labdhe saṃmāne 'pyasaṃtoṣī syāt \17\ ### [2.26.18](https://indike.org/pramana/in.vedanga.kalpa.grhya.vaikhanasa.2.26.18) drutaṃ vilambitaṃ vā na gacchet \ bhikṣākālādanyatra paraveśma na gantavyaṃ \18\ ### [2.26.19](https://indike.org/pramana/in.vedanga.kalpa.grhya.vaikhanasa.2.26.19) bhikṣituṃ krośādūrdhvaṃ na gacchet \19\ \\26\\ ## Linked texts (1) - [Kalpaḥ](https://indike.org/pramana/in.jaina.post.vidhi.mantra.kalpah.1.3.39) — Sanskrit --- Source: [https://indike.org/pramana/in.vedanga.kalpa.grhya.vaikhanasa.2.26](https://indike.org/pramana/in.vedanga.kalpa.grhya.vaikhanasa.2.26) · Pramāṇa