Vaikhanasasmartasutra 2.27
Vaikhānasasmārtasūtra 2.27
- Language
- Sanskrit
2.27.1
bhikṣāṃ caritvā toyapārśve prakṣālitapāṇipāda ācamyodu tyamityādityāyāto devā iti viṣṇave brahma jajñāmiti brahmaṇe ca bhikṣāgraṃ dattvā sarvabhūtebhya iti baliṃ prakṣipet \1\
2.27.2
prāṇāgnihotravidhānenātmayajñaṃ saṃkalpya prāṇayātrāmātramaṣṭau grāsānvāśnīyātkāmaṃ nāśnāti \3\
2.27.4
vastrapūtaṃ jalaṃ pītvācamyācāmati \4\
2.27.5
nindākrośau na kurvīta \5\
2.27.6
bandhūñjñātīṃstyajed \6\
2.27.7
vaṃśacāritraṃ tapaḥ śrutaṃ na vadet \7\
2.27.8
saṅgaṃ tyaktvā niyamayamī priyaṃ satyaṃ vadansarvabhūtasyāvirodhī samaḥ sadādhyātmarato dhyānayogī nārāyaṇaṃ paraṃ brahma paśyandhāraṇāṃ dhārayed \8\
2.27.9
akṣaraṃ brahmāpnoti nārāyaṇaḥ paraṃ brahmeti śrutiḥ \9\
2.27.10
saṃnyāsino 'nāhitāgnerdehaṃ mṛtaṃ putro 'nyo vā tṛṇairantarīkṛtya śuddhairbrāhmaṇairyantreṇa vā saṃnidhāya samudragāmyāṃ nadyāṃ tīre vā saikate deśe sṛgālādibhiraspṛśyaṃ yathā tathāvaṭaṃ khanati \13\ \\27\\
Linked texts (2)
- Vaikhānasadharmasūtra — Vikhanas, Sanskrit
- Kalpaḥ — Sanskrit