Vaikhanasasmartasutra 2.3
Vaikhānasasmārtasūtra 2.3
- Language
- Sanskrit
2.3.1
naiṣṭhikaḥ kāṣāyaṃ dhātuvastramajinaṃ valkalaṃ vā paridhāya jaṭī śikhī vā mekhalī daṇḍī sūtrājinadhārī brahmacārī śucirakṣāralavaṇāśī yāvadātmano viprayogastāvadgurukule sthitvā niveditabhaikṣabhojī bhavati \3\
2.3.4
dārānsaṃgṛhya gṛhastho 'pi snānādiniyamācāro nityamaupāsanaṃ kṛtvā pākayajñayājī vaiśvadevahomānte gṛhāgataṃ guruṃ snātakaṃ ca pratyutthāyābhivandyāsanapādyācamanāni pradāya ghṛtadadhikṣīramiśraṃ madhuparkaṃ ca dattvānnādyairyathāśakti bhojayati \7\
2.3.8
bhikṣūnbrahmacāriṇo 'tithīnvedavidaḥ śrotriyānpitṛvyācāryartviṅmātulaśvaśurādīnabhyāgatānbālavṛddhānanāthārtādhvaśrāntāṃśca yathārthaṃ pūjayati \9\
2.3.10
aśakto 'pyagraṃ bhikṣāṃ vā sodakaṃ dattvā śeṣaṃ bhuñjīta \10\
2.3.11
dayāsatyaśaucācārayutaḥ svādhyāyatarpaṇābhyāmṛṣīnyajñabalihomajalapuṣpādyairdevānśrāddhaiḥ putraiśca pit.ṝnbalinā bhūtānannādyairmanuṣyāṃśca nityamarcayed \12\
2.3.13
ṛṇatrayeṇa mukto 'nṛṇo bhavati \13\
2.3.14
gṛhasthāścaturvidhā vārtāvṛttiḥ śālīnavṛttiryāyāvaro ghorācārikaśceti vārtāvṛttiḥ kṛṣigorakṣyavāṇijyopajīvī \14\
2.3.15
śālīnavṛttirniyamairyutaḥ pākayajñairiṣṭvāgnīnādhāya pakṣe pakṣe darśapūrṇamāsayājī caturṣu caturṣu māseṣu cāturmāsyayājī ṣaṭsu ṣaṭsu māseṣu paśubandhayājī patisaṃvatsaraṃ somayājī ca \15\ \\3\\
Linked texts (1)
- Vaikhānasa — Sanskrit