[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Vaikhanasasmartasutra](https://indike.org/pramana/in.vedanga.kalpa.grhya.vaikhanasa) › 2.4 # Vaikhanasasmartasutra 2.4 Vaikhānasasmārtasūtra 2.4 - **Language:** Sanskrit ### [2.4.1](https://indike.org/pramana/in.vedanga.kalpa.grhya.vaikhanasa.2.4.1) yāyāvaro haviryajñaiḥ somayajñaiśca yajate yājayatyadhīte 'dhyāpayati dadāti pratigṛhṇāti ṣaṭkarmanirato nityamagniparicaraṇamatithibhyo 'bhyāgatebhyo 'nnādyaṃ ca kurute \2\ ### [2.4.3](https://indike.org/pramana/in.vedanga.kalpa.grhya.vaikhanasa.2.4.3) ghorācāriko niyamairyukto yajate na yājayatyadhīte nādhyāpayati dadāti na pratigṛhṇātyuñchavṛttimupajīvati nārāyaṇaparāyaṇaḥ sāyaṃprātaragnihotraṃ hutvā mārgaśīrṣajyeṣṭhamāsayorasidhārāvrataṃ vanauṣadhibhiragniparicaraṇaṃ karoti \7\ ### [2.4.8](https://indike.org/pramana/in.vedanga.kalpa.grhya.vaikhanasa.2.4.8) gṛhasthaḥ sapatnīkaḥ pañcāgnibhistretāgnibhirvā gṛhādvanāśramaṃ yāsyannāhitāgniranāhitāgniścaupāsanamaraṇyāmāropya gṛhe mathitvā śrāmaṇakīyavidhānenādhāyāghāraṃ hutvā śrāmaṇakāgnimādāya tṛtīyamāśramaṃ gacchet \10\ ### [2.4.11](https://indike.org/pramana/in.vedanga.kalpa.grhya.vaikhanasa.2.4.11) pūrvavadagnyālayaprokṣaṇollekhanādi karma kuryāt \11\ ### [2.4.12](https://indike.org/pramana/in.vedanga.kalpa.grhya.vaikhanasa.2.4.12) tṛtīyāmapi vediṃ parimṛjya ṣaḍaṅgulāgrerdarbhairgrathite 'dhastridhā kṛtaṃ rajjuvadmūle baddhaṃ ṣaṭtriṃśadaṅgulapramāṇaṃ paristaraṇakūrcaṃ kṛtvā madhyavedyāṃ paristṛṇāti śrāmaṇakaṃ \14\ ### [2.4.15](https://indike.org/pramana/in.vedanga.kalpa.grhya.vaikhanasa.2.4.15) śrāmaṇakayajñaṃ yajñadaivataviśvāndevānityantamāvāhyājyaṃ nirūpya śrāmaṇakāya svāhā śrāmaṇakayajñāya svāhā yajñadaivataviśvebhyo devebhyaḥ svāhetyantaṃ hutvā caruṃ juhuyādityāghāraviśeṣaḥ \17\ ### [2.4.18](https://indike.org/pramana/in.vedanga.kalpa.grhya.vaikhanasa.2.4.18) śrāmaṇakāgneścordhvavedirdvātriṃśadaṅgulyāyatā caturaṅgulivistāronnatā \18\ \\4\\ ## Linked texts (1) - [Kalpaḥ](https://indike.org/pramana/in.jaina.post.vidhi.mantra.kalpah.1.3.5) — Sanskrit --- Source: [https://indike.org/pramana/in.vedanga.kalpa.grhya.vaikhanasa.2.4](https://indike.org/pramana/in.vedanga.kalpa.grhya.vaikhanasa.2.4) · Pramāṇa