Vaikhanasasmartasutra 2.8
Vaikhānasasmārtasūtra 2.8
- Language
- Sanskrit
2.8.1
tatpunarapi tapaḥkṣayājjanmaprāpakatvādvyādhibāhulyācca nādriyante paramarṣayo \1\
2.8.2
nivṛttirnāma lokānāmanityatvaṃ jñātvā paramātmano 'nyanna kiñcidastīti saṃsāramanādṛtya cchitvā bhāryāmayaṃ pāśaṃ jitendriyo bhūtvā śarīraṃ vihāya kṣetrajñaparamātmanoryogaṃ kṛtvātīndriyaṃ sarvajagadbījamaśeṣaviśeṣaṃ nityānandamamṛtarasapānavatsarvadā tṛptikaraṃ paraṃ jyotiḥ praveśakamiti vijñāyate \6\
2.8.7
nivṛttyācārabhedāddhi yoginastrividhā bhavanti sāraṅgā ekārṣyā visaragāśceti \7\
2.8.8
anirodhakā nirodhakā mārgagā vimārgagāśceti caturvidhā sāraṅgā \8\
2.8.9
dūragā adūragā bhrūmadhyagā asaṃbhaktāḥ saṃbhaktāścetyekārṣyāḥ pañcadhā bhavanti \9\
2.8.10
na saṅkhyāvanto visaragās \10\
2.8.11
tatra sāraṅgāḥ sāraṃ kṣetrajñastaṃ gacchantīti sāraṅgāsteṣvanirodhakā ahaṃ viṣṇuriti dhyātvā ye caranti teṣāṃprāṇāyāmādayo na santi \12\
2.8.13
ye tu nirodhakāsteṣāṃ prāṇāyāmapratyāhāradhāraṇādayaḥ ṣoḍaśa kalāḥ santi \13\
2.8.14
ye mārgagāsteṣāṃ ṣaḍeva prāṇāyāmādayo \14\
2.8.15
ye vimārgagāsteṣāṃ yamaniyamāsanaprāṇāyāmapratyāhāradhāraṇādhyānasamādhayaścetyaṣṭāṅgānkalpayanto dhyeyamapyanyathā kurvanti \17\ \\8\\