[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Manuals of the domestic ritual](https://indike.org/pramana/in.vedanga.kalpa.grhya) › [Varahagrihyasutra](https://indike.org/pramana/in.vedanga.kalpa.grhya.varaha) › 14.13 # Varahagrihyasutra 14.13 Vārāhagṛhyasūtra 14.13 - **Language:** Sanskrit ### [14.13](https://indike.org/pramana/in.vedanga.kalpa.grhya.varaha.14.13) uttarato 'gner darbheṣu prācīṃ kanyām avasthāpya purastāt pratyaṅmukha upayantā devasya te savituḥ prasave 'śvinor bāhubhyāṃ pūṣṇo hastābhyāṃ hastaṃ gṛhṇāmy aham asāv ity athāsyā upanayanavaddhastaṃ gṛhṇāti nīcāriktam ariktena / gṛhṇāmi te saubhagatvāya hastaṃ mayā patyā jaradaṣṭir yathāsat / bhago 'ryamā savitā puraṃdhir mahyaṃ tvādurgāharpatyāya devāḥ / ūrdhvā vāk samabhavat purā devāsurebhyaḥ / yāṃ tvā viśvasya bhūtasya prāg āyāmy asyā agrataḥ / sarasvati predam ava subhage vājinīvati / yena bhūtaṃ samabhavad yena viśvamidaṃ jagat tāmadya gāthāṃ gāsyāmo yā strīṇām uttamaṃ manaḥ / sā tvam asy amo 'ham amo 'hamasmi sā tvam / dyaur ahaṃ pṛthivī tvaṃ bṛhad ahaṃ rathaṃtaraṃ tvam / reto 'ham asmi retodhṛk tvam / sāmāham asmi ṛktvaṃ mano 'hamasmi vāktvam / sā mām anuvratā bhava sā mām anuprajāyasva / prajāṃ sṛjāvahā ubhau puṃse putrāya kartave / śriyai putrāya vethaveha sūnṛte / iti // - [Previous: 14.12](https://indike.org/pramana/in.vedanga.kalpa.grhya.varaha.14.12) - [Next: 14.14](https://indike.org/pramana/in.vedanga.kalpa.grhya.varaha.14.14) - [Up: 14](https://indike.org/pramana/in.vedanga.kalpa.grhya.varaha.14) --- Source: [https://indike.org/pramana/in.vedanga.kalpa.grhya.varaha.14.13](https://indike.org/pramana/in.vedanga.kalpa.grhya.varaha.14.13) · Pramāṇa