Varahagrihya 2
Vārāhagṛhya 2
- Language
- Sanskrit
2.p1
nāmakaraṇam
evameva daśamyāṃ kṛtvā pitā mātā ca putrasya nāma dadhyātāṃ
ghoṣavadādyantarantasthaṃ dīrghābhiniṣṭhānāntaṃ kṛtaṃ na taddhitaṃ dyakṣaraṃ
caturakṣaraṃ vā vyaktapitṛnāmadheyānnakṣatradevateṣṭanāmāno vā | dvināmā
tu brāhmaṇo nāmaivaṃ kanyāyā akāravyavadhānamākārāntamayugmākṣaraṃ
nadīnakṣatracandrasūryapūṣādevadattarakṣitāvarjaṃ | navanītena pāṇī pralipya somasya tvā dyumnenetyenamabhimṛśet | sarveṣu kumārakarmasu
āgneyaḥ sthālīpākaḥ prājāpatyo vā sarvatrānādeśe'gniḥ puṃsāmaryamā
strīṇām | saṃvatsaraṃ mātāpitarau na māṃsamaśnīyātām
2.p2
iti vārāhagṛhye dvitīyaḥ khaṇḍaḥ
Linked texts (1)
- Vārāhagṛhyasūtra — Sanskrit