Baudhayanashrautasutra 1.3.4

Baudhāyanaśrautasūtra 1.3.4

Language: Sanskrit

1.3.4.2

atha sāyam̐ hute 'gnihotra uttareṇa gārhapatyaṃ tṛṇāni sam̐stīrya teṣu catuṣṭayam̐ sam̐sādayati dohanaṃ pavitram̐ sāmnāyyatapanyau sthālāv iti \

1.3.4.5

athaināny adbhiḥ prokṣati <śundhadhvaṃ daivyāya karmaṇe devayajyāyai> \ iti tris \

1.3.4.6

atha jaghanena gārhapatyam upaviśyopaveṣeṇodīco 'ṅgārān nirūhati <mātariśvano gharmo 'si> \ iti

1.3.4.7

teṣu sāṃnāyyatapanīm adhiśrayati <dyaur asi pṛthivy asi> <viśvadhāyā asi parameṇa dhāmnā> <dṛm̐hasva> <mā hvār> iti

1.3.4.9

tasyāṃ prācīnāgram̐ śākhāpavitraṃ nidadhāti <vasūnāṃ pavitram* asi śatadhāraṃ vasūnāṃ pavitram asi sahasradhāram> iti

tad anvārabhya vācaṃyama āste \
atha gā āyatīḥ pratīkṣate \ <etā ācaranti madhumad duhānāḥ> <prajāvatīr yaśaso viśvarūpāḥ /> <bahvīr bhavantīr upajāyamānās> \ <iha va indro ramayatu gāvas> \ iti <"mahendras"> \ iti vā yadi mahendrayājī bhavati \

1.3.4.15

athāha \ <upasṛṣṭāṃ me prabrūtāt> \ iti \
upasṛṣṭāṃ prāhus \
dohyamānām anumantrayate <huta stoko huto drapsas> \

1.3.4.16

<agnaye bṛhate nākāya> <svāhā dyāvāpṛthivībhyām> iti \

1.3.4.17

atha purastāt pratyag ānayantaṃ pṛcchati <kām adhukṣas> \ iti \

1.3.4.18

<amūm> itītaraḥ pratyāha
tām anumantrayate <sā viśvāyus> \ iti

1.3.4.19

dvitīyam ānayantaṃ pṛcchati <kām adhukṣas> \ iti \
<amūm> ity evetaraḥ pratyāha

1.3.4.20

tām anumantrayate <sā viśvavyacās> \ iti
tṛtīyam ānayantaṃ pṛcchati <kām adhukṣas> \ iti \

Linked texts (6)

Hiraṇyakeśiśrautasūtra — Hiraṇyakeśin, Sanskrit
Bhāradvājaśrautasūtra — Sanskrit
Taittirīyasaṃhitā — Sanskrit
Mādhyandina — Sanskrit
Ekāgnikāṇḍa — Sanskrit
Kalpaḥ — Sanskrit