[Pramāṇa](https://indike.org/pramana/) › [Indian literature](https://indike.org/pramana/in) › [Auxiliary Sciences of the Veda](https://indike.org/pramana/in.vedanga) › [Ritual sūtras](https://indike.org/pramana/in.vedanga.kalpa) › [Sūtras of the cord (altar geometry)](https://indike.org/pramana/in.vedanga.kalpa.sulba) › Apastambashulbasutra # Apastambashulbasutra (Āpastambaśulbasūtra) आपस्तम्बशुल्बसूत्र Śulbasūtra of the Āpastamba Kalpasūtra in 6 paṭalas. - **Language:** Sanskrit - **Date:** 500–250 BCE - **Author:** [Āpastamba](https://indike.org/pramana/person/apastamba) - **Extent:** 202 passages, 1,643 words - **Text:** complete digital text - **Source:** titus · Black Yajur-Veda Āpastamba-Śulba-Sūtra On the basis of the edition by Sen, S.N., and Bag, A.K., The Śulba… · TITUS: for scholarly non-commercial use; copyright of the respective editors/TITUS; vedicreserve · Vedic Reserve e-text (Maharishi University of Management Vedic Literature Collection, typeset by Peter… · Maharishi University of Management Vedic Literature Collection; free for study ## Contents - [1](https://indike.org/pramana/in.vedanga.kalpa.sulba.apastamba.1) — 7 parts - [2](https://indike.org/pramana/in.vedanga.kalpa.sulba.apastamba.2) — 7 parts - [3](https://indike.org/pramana/in.vedanga.kalpa.sulba.apastamba.3) — 10 parts - [4](https://indike.org/pramana/in.vedanga.kalpa.sulba.apastamba.4) — 6 parts - [5](https://indike.org/pramana/in.vedanga.kalpa.sulba.apastamba.5) — 8 parts - [6](https://indike.org/pramana/in.vedanga.kalpa.sulba.apastamba.6) — 11 parts - [7](https://indike.org/pramana/in.vedanga.kalpa.sulba.apastamba.7) — 8 parts - [8](https://indike.org/pramana/in.vedanga.kalpa.sulba.apastamba.8) — 7 parts - [9](https://indike.org/pramana/in.vedanga.kalpa.sulba.apastamba.9) — 8 parts - [10](https://indike.org/pramana/in.vedanga.kalpa.sulba.apastamba.10) — 10 parts - [11](https://indike.org/pramana/in.vedanga.kalpa.sulba.apastamba.11) — 11 parts - [12](https://indike.org/pramana/in.vedanga.kalpa.sulba.apastamba.12) — 10 parts - [13](https://indike.org/pramana/in.vedanga.kalpa.sulba.apastamba.13) — 16 parts - [14](https://indike.org/pramana/in.vedanga.kalpa.sulba.apastamba.14) — 12 parts - [15](https://indike.org/pramana/in.vedanga.kalpa.sulba.apastamba.15) — 9 parts - [17](https://indike.org/pramana/in.vedanga.kalpa.sulba.apastamba.17) — 23 parts - [18](https://indike.org/pramana/in.vedanga.kalpa.sulba.apastamba.18) — 8 parts - [19](https://indike.org/pramana/in.vedanga.kalpa.sulba.apastamba.19) — 9 parts - [20](https://indike.org/pramana/in.vedanga.kalpa.sulba.apastamba.20) — 12 parts - [21](https://indike.org/pramana/in.vedanga.kalpa.sulba.apastamba.21) — 10 parts ## Text ### [1.1](https://indike.org/pramana/in.vedanga.kalpa.sulba.apastamba.1.1) vihārayogānvyākhyāsyāmaḥ \1\ ### [1.2](https://indike.org/pramana/in.vedanga.kalpa.sulba.apastamba.1.2) yāvadāyāmaṃ pramāṇam tadardhamabhyasyāparasmiṃstṛtīye ṣaḍbhāgone lakṣmaṇaṃ karoti \ pṛṣṭhyāntayorantau niyamya lakṣaṇena dakṣiṇāpāyamya nimittaṃ karoti \ evamuttarato viparyasyetarataḥ \ sa samādhiḥ \ tannimitto nirhāso vivṛddhirvā \2\ ### [1.3](https://indike.org/pramana/in.vedanga.kalpa.sulba.apastamba.1.3) āyāmaṃ vābhyasyāgantucaturthamāyāmasyākṣṇayārajjuḥ tiryaṅmānīśeṣaḥ \ vyākhyātaṃ viharaṇam \3\ ### [1.4](https://indike.org/pramana/in.vedanga.kalpa.sulba.apastamba.1.4) dīrghasyākṣṇayārajjuḥ pārśvamānī tiryaṅmānī ca yatpṛthagbhūte kurutastadubhayaṃ karoti \ tābhirjñeyābhiruktaṃ viharaṇam \4\ ### [1.5](https://indike.org/pramana/in.vedanga.kalpa.sulba.apastamba.1.5) caturaśrasyākṣṇayārajjurdvistāvatīṃ bhūmiṃ karoti \ samasya dvikaraṇī \5\ ### [1.6](https://indike.org/pramana/in.vedanga.kalpa.sulba.apastamba.1.6) pramāṇaṃ tṛtīyena vardhayettacca caturthenātmacatustriṃśonena saviśeṣaḥ \6\ ### [1.7](https://indike.org/pramana/in.vedanga.kalpa.sulba.apastamba.1.7) athāparam \ pramāṇamātrīṃ rajjumubhayataḥ pāśāṃ karoti \ madhye lakṣaṇamardhamadhyayośca pṛṣṭhyāyāṃ rajjumāyamya pāśayorlakṣaṇeṣviti śaṅkūnnihatyopāntyayoḥ pāśau pratimucya madhyamena lakṣaṇena dakṣiṇāpāyamya nimittaṃ karoti \ madhyame pāśau pratimucya uparyupari nimittaṃ madhyamena lakṣaṇena dakṣiṇāpāyamya śaṅkuṃ nihanti \ tasminpāśaṃ pratimucya pūrvasminnitaraṃ madhyamena lakṣaṇena dakṣiṇamaṃsamāyacchet \ unmucya pūrvasmādaparasminpratimucya madhyamenaiva lakṣaṇena dakṣiṇāṃ śroṇīmāyacchet \ evamuttarau śroṇyaṃsau \7\ \\1\\ ### [2.1](https://indike.org/pramana/in.vedanga.kalpa.sulba.apastamba.2.1) athāparoyogaḥ \ pṛṣṭhyāntayormadhye ca śaṅkūnnihatyārdhe tadviśeṣamabhyasya lakṣaṇaṃ kṛtvārdhamāgamayet \ antayoḥ pāśau kṛtvā madhyame saviśeṣaṃ paratimucya pūrvasminnitaraṃ lakṣaṇena dakṣiṇamaṃsamāyacchet \ unmucya pūrvasmādaparasminpratimucya lakṣaṇenaiva dakṣiṇāṃ śroṇīmāyacchet \ evamuttarau śroṇyaṃsau \1\ ### [2.2](https://indike.org/pramana/in.vedanga.kalpa.sulba.apastamba.2.2) pramāṇaṃ tiryagdvikaraṇyāyāmastasyākṣṇayārajjustrikaraṇī \2\ ### [2.3](https://indike.org/pramana/in.vedanga.kalpa.sulba.apastamba.2.3) tṛtīyakaraṇyetena vyākhyāta \ vibhāgastu navadhā \3\ ### [2.4](https://indike.org/pramana/in.vedanga.kalpa.sulba.apastamba.2.4) tulyayoścaturaśrayoruktassamāsaḥ \ nānā pramāṇayoścaturaśrayossamāsaḥ \ hrasīyasaḥ karaṇyā varṣīyaso vṛdhramullikhet \ vṛdhrasyākṣṇayārajjurubhe samasyati \ taduktam \4\ ### [2.5](https://indike.org/pramana/in.vedanga.kalpa.sulba.apastamba.2.5) caturaśrāccaturaśraṃ nirjihīrṣanyāvannirjihīrṣettasya karaṇyā varṣīyaso vṛdhramullikhet \ vṛdhrasya pārśvamānīmakṣṇayetaratpārśvamupasaṃharet \ sā yatra nipatettadapacchindyāt \ chinnayā nirastam \5\ ### [2.6](https://indike.org/pramana/in.vedanga.kalpa.sulba.apastamba.2.6) upasaṃhṛtā akṣṇayārajjussā catuṣkaraṇī chinnā cetarā ca yatpṛthagbhūte kurutaḥ tadubhayaṃ karoti \ tiryaṅmānī puruṣaṃ śeṣastrīn \ taduktam \6\ ### [2.7](https://indike.org/pramana/in.vedanga.kalpa.sulba.apastamba.2.7) dīrghacaturaśraṃ samacaturaśraṃ cikīrṣantiryaṅmānyā apacchidya śeṣaṃ vibhajyobhayata upadadhyāt \ khaṇḍamāgantunā saṃpūrayet \ tasya nirhāra uktaḥ \7\ \\2\\ ### [3.1](https://indike.org/pramana/in.vedanga.kalpa.sulba.apastamba.3.1) samacaturaśraṃ dīrghacaturaśraṃ cikīrṣanyāvaccikīrṣettāvatīṃ pārśvamānīṃ kṛtvā yadadhikaṃ syāttadyathā yogamupadadhyāt \1\ ### [3.2](https://indike.org/pramana/in.vedanga.kalpa.sulba.apastamba.3.2) caturaśraṃ maṇḍalaṃ cikīrṣanmadhyātkotyāṃ nipātayet \ pārśvataḥ parikṛṣyātiśayatṛtīyena saha maṇḍalaṃ parilikhet \ sā nityā maṇḍalam \ yāvaddhīyate tāvadāgantu \2\ ### [3.3](https://indike.org/pramana/in.vedanga.kalpa.sulba.apastamba.3.3) maṇḍalaṃ caturaśraṃ cikīrṣan viṣkambhaṃ pañcadaśabhāgānkṛtvā dvāvuddharet \ trayodaśāvaśiṣyante \ sānityā caturaśram \3\ ### [3.4](https://indike.org/pramana/in.vedanga.kalpa.sulba.apastamba.3.4) pramāṇena pramāṇaṃ vidhīyate \4\ ### [3.5](https://indike.org/pramana/in.vedanga.kalpa.sulba.apastamba.3.5) caturaśramādeśādanyat \5\ ### [3.6](https://indike.org/pramana/in.vedanga.kalpa.sulba.apastamba.3.6) dvābhyāṃ catvāri \ tribhirnava \6\ ### [3.7](https://indike.org/pramana/in.vedanga.kalpa.sulba.apastamba.3.7) yāvatpramāṇā rajjustāvatastāvato vargān karoti tathopalabdhiḥ \7\ ### [3.8](https://indike.org/pramana/in.vedanga.kalpa.sulba.apastamba.3.8) adhyardhapuruṣā rajjurdvau sapādau karoti \ ardhatṛtīyapuruṣā ṣaṭ sapādān \8\ ### [3.9](https://indike.org/pramana/in.vedanga.kalpa.sulba.apastamba.3.9) athātyanta pradeśaḥ \ yāvatā yāvatā 'dhikena parilikhati tatpārśvayorupadadhāti \ yacca tena caturaśraṃ kṛyate tatkoṭyām \9\ ### [3.10](https://indike.org/pramana/in.vedanga.kalpa.sulba.apastamba.3.10) ardhapramāṇena pādapramāṇaṃ vidhīyate \ ardhasya dvipramāṇāyāḥ pādapūraṇatvāt \ tṛtīyena navamī kalā \10\ \\3\\ ### [4.1](https://indike.org/pramana/in.vedanga.kalpa.sulba.apastamba.4.1) agnyādheyike vihāre gārhapatyāhavanīyayorantarāle vijñāyate \ aṣṭāsu prakrameṣu brāhamaṇo 'gnimādadhīta \ ekādaśasu rājanyaḥ \ dvādaśasu vaiśyaḥ \1\ ### [4.2](https://indike.org/pramana/in.vedanga.kalpa.sulba.apastamba.4.2) caturviṃśatyāmaparimite yāvatā vā cakṣuṣā manyate tasmānnātidūramādheya iti sarveṣāmaviśeṣeṇa śrūyate \2\ ### [4.3](https://indike.org/pramana/in.vedanga.kalpa.sulba.apastamba.4.3) dakṣiṇataḥ purastādvitṛtīyadeśe gārhapatyasya nedīyasi dakṣiṇāgnervijñāyate \3\ ### [4.4](https://indike.org/pramana/in.vedanga.kalpa.sulba.apastamba.4.4) gārhapatyāhavanīyayorantarālaṃ pañcadhā ṣaḍdhā vā saṃvibhajya ṣaṣṭhaṃ saptamaṃ vā bhāgamāgantumupasamasya samaṃ traidhaṃ vibhajyāparasmiṃstṛtīye lakṣaṇaṃ kṛtvā gārhapatyāhavanīyayorantau niyamya lakṣaṇena dakṣiṇāpāyamya nimittaṃ karoti \ taddakṣiṇāgnerāyatanam \ śrutisāmarthyāt \4\ ### [4.5](https://indike.org/pramana/in.vedanga.kalpa.sulba.apastamba.4.5) yajamānamātrī prācyaparimitā vā yathāsannāni havīṃṣi saṃbhavedevaṃ tiraścīprāñcau vedyaṃsāvunnayati \ pratīcī śroṇī \ purastādaṃhīyasī paścātprathīyasī madhye saṃnatataraivamiva hi yoṣeti dārśikyā vedervijñāyate \5\ ### [4.6](https://indike.org/pramana/in.vedanga.kalpa.sulba.apastamba.4.6) apareṇāhavanīyaṃ yajamānamātraṃ dīrghacaturaśraṃ vihṛtya tāvatīṃ rajjumabhyasya madhye lakṣaṇaṃ kṛtvā dakṣiṇayoḥ śroṇyaṃsayorantau niyamya lakṣaṇena dakṣiṇāpāyamya nimittaṃ karoti \ nimitte rajjuṃ niyamyāntau samasyet \ dakṣiṇāyāḥ śroṇerdakṣiṇamaṃsamālikhet \ evamuttarataḥ tiryaṅmānīṃ dviguṇāṃ tathā kṛtvā paścātpurastāccopalikhet \ vimitāyāṃ purastāt pārśvamānyā upasaṃharet \ śrutisāmarthyāt \6\ \\4\\ ### [5.1](https://indike.org/pramana/in.vedanga.kalpa.sulba.apastamba.5.1) triṃśatpadāni prakramā vā paścāttiraścī bhavati ṣaṭtriṃśatprācī caturviṃśatiḥ purastāttiraścīti saumikyā vedervijñāyate \1\ ### [5.2](https://indike.org/pramana/in.vedanga.kalpa.sulba.apastamba.5.2) ṣaṭtriṃśikāyāmaṣṭādaśopasamasya aparasmādantāddvādaśasu lakṣaṇaṃ pañcadaśasu lakṣaṇaṃ pṛṣṭhyāntayorantau niyamya pañcadaśikena dakṣiṇāpāyamya śaṅkuṃ nihantyevamuttarataste śroṇī \ viparyasyāṃsau pañcadaśike naivāpāyamya dvādaśike śaṅkuṃ nihanti \ evamuttaratastāvaṃsau \ tadekarajjvā viharaṇam \2\ ### [5.3](https://indike.org/pramana/in.vedanga.kalpa.sulba.apastamba.5.3) trikacatuṣkayoḥ pañcikā 'kṣṇayārajjuḥ \ tābhistrirabhyastābhiraṃsau \ caturabhyastābhiḥ śroṇī \3\ ### [5.4](https://indike.org/pramana/in.vedanga.kalpa.sulba.apastamba.5.4) dvādaśikapañcikayostrayodaśikā 'kṣṇayārajjuḥ tābhiraṃsau dvirabhyastābhiḥ śroṇī \4\ ### [5.5](https://indike.org/pramana/in.vedanga.kalpa.sulba.apastamba.5.5) pañcadaśikāṣṭikayoḥ saptadaśikā 'kṣṇayārajjuḥ tābhiḥ śroṇī \ dvādaśikapañcatriṃśikayossaptatriṃśikā 'kṣṇayārajjuḥ tābhiraṃsau \5\ ### [5.6](https://indike.org/pramana/in.vedanga.kalpa.sulba.apastamba.5.6) etāvanti jñeyāni vediviharaṇāni bhavanti \6\ ### [5.7](https://indike.org/pramana/in.vedanga.kalpa.sulba.apastamba.5.7) aṣṭāviṃśatyūnaṃ padasahasraṃ mahāvediḥ \ dakṣiṇasmādaṃsāddvādaśasu dakṣiṇasyāṃ śroṇyāṃ nipātayet \ chedaṃ viparyasyetarata upadadhyāt \ sā dīrghacaturaśrā \ tathā yuktāṃ saṃcakṣīta \7\ ### [5.8](https://indike.org/pramana/in.vedanga.kalpa.sulba.apastamba.5.8) saumikyā veditṛtīye yajeteti sautrāmaṇyā vedervijñāyate \ prakramasya tṛtīyakaraṇīprakramasthānīyā bhavati \ trikaraṇyā vā aṣṭika daśike tiryaṅmānyau dvādasikā pṛṣṭhyā \ trīṇi caturviṃśāni padaśatāni sautrāmaṇikī vediḥ \8\ \\5\\ ### [6.1](https://indike.org/pramana/in.vedanga.kalpa.sulba.apastamba.6.1) dvistāvā vedirbhavatītyaśvamedhe vijñāyate \ prakramasya dvikaraṇī prakramasthānīyā bhavati \1\ ### [6.2](https://indike.org/pramana/in.vedanga.kalpa.sulba.apastamba.6.2) prakramo dvipadastripado vā \ prakrame yathākāmī śabdārthasya viśayitvāt \ yajamānasyādhvaryorvā \ eṣa hi ceṣṭānāṃ kartā bhavati \2\ ### [6.3](https://indike.org/pramana/in.vedanga.kalpa.sulba.apastamba.6.3) rathamātrī niruḍhapaśubandhasya vedirbhatīti vijñāyate \ tatra khalvāhūrathākṣamātrī paścāttiryagīṣayā prācī \ vipathayugena purastāt \ yāvatā vā bāhye chidre \3\ ### [6.4](https://indike.org/pramana/in.vedanga.kalpa.sulba.apastamba.6.4) tadekarajjvoktam \ pañcadaśikenaivāpāyamyārdhākṣeṇārdhayugeneti śroṇyaṃsānnirharet \4\ ### [6.5](https://indike.org/pramana/in.vedanga.kalpa.sulba.apastamba.6.5) athāpyudāharanti \ aṣṭāśītiśatamīṣā tiryagakṣaścatuśśataṃ ṣaḍaśītiryugaṃ cāsya sa rathaścāraṇa ucyate \ iti rathaparimāṇam \5\ ### [6.6](https://indike.org/pramana/in.vedanga.kalpa.sulba.apastamba.6.6) aratnibhirvā caturbhiḥ paścāt ṣaḍbhiḥ prācī tribhiḥ purastāt \ tadekarajjvoktaṃ pañcadaśikenaivāpāyamya dvābhyāmadhyardheneti śroṇyaṃsānnirharet \6\ ### [6.7](https://indike.org/pramana/in.vedanga.kalpa.sulba.apastamba.6.7) yajamānamātrī catuḥsraktirbhavatīti paitṛkyā vedervijñāyate \ tadekarajjvoktaṃ pañcadaśikenaivāpāyamyārdhena tataśśroṇyaṃsānnirharet \7\ ### [6.8](https://indike.org/pramana/in.vedanga.kalpa.sulba.apastamba.6.8) daśapadottara vedirbhavatīti some vijñāyate \ tadekarajjvoktaṃ pañcadaśikenaivāpāyamyārdhena tataśśroṇyaṃsānnirharet \8\ ### [6.9](https://indike.org/pramana/in.vedanga.kalpa.sulba.apastamba.6.9) tāṃ yugena yajamānasya vā padairvimāya śamyayā parimimīte \9\ ### [6.10](https://indike.org/pramana/in.vedanga.kalpa.sulba.apastamba.6.10) pade yuge 'ratnāviyati śamyāyāṃ ca mānārtheṣu yathākāmī śabdārthasya viśayitvāt \10\ ### [6.11](https://indike.org/pramana/in.vedanga.kalpa.sulba.apastamba.6.11) vimitāyāṃ purastātpārśvamānyā vupasaṃharet \ śrutisāmarthyāt \11\ \\6\\ ### [7.1](https://indike.org/pramana/in.vedanga.kalpa.sulba.apastamba.7.1) navāratni tiryaksaptaviṃśatirudagāyatamiti sadaso vijñāyate \ aṣṭādaśetyekeṣām \ tadekarajjvoktaṃ pañcadaśikenaivāpāyamyārdhapañcamaiḥ śroṇyaṃsānnirharet \1\ ### [7.2](https://indike.org/pramana/in.vedanga.kalpa.sulba.apastamba.7.2) prādeśamukhāḥ prādeśāntarālā bhavantītyuparavāṇāṃ vijñāyate \ aratnimātraṃ caturaśraṃ vihṛtya sraktiṣu śaṅkūnnihatyārdhaprādeśena taṃ parilikhet śrutisāmarthyāt \2\ ### [7.3](https://indike.org/pramana/in.vedanga.kalpa.sulba.apastamba.7.3) vyāyāmamātrī bhavatīti gārhapatyacitervijñāyate \ caturaśretyekeṣām \ parimaṇḍaletyekeṣām \3\ ### [7.4](https://indike.org/pramana/in.vedanga.kalpa.sulba.apastamba.7.4) karaṇaṃ vyāyāmasya tṛtīyāyāmaṃ saptamavyāsaṃ kārayet \ tā ekaviṃśatirbhavanti \ prāgāyamaḥ prathame prastāre 'parasminnudagāyāmāḥ \4\ ### [7.5](https://indike.org/pramana/in.vedanga.kalpa.sulba.apastamba.7.5) maṇḍalāyāṃ mṛdo dehaṃ kṛtvā madhye śaṅkuṃ nihatyārdhavyāyāmena saha maṇḍalaṃ parilikhet \ tasminścaturaśramavadadhyādyāvatsaṃbhavettannavadhā vyavalikhya traidhamekaikaṃ pradhikaṃ vibhajet \5\ ### [7.6](https://indike.org/pramana/in.vedanga.kalpa.sulba.apastamba.7.6) upadhāne caturaśrasyāvāntaradeśānprati sraktīssaṃpādayet \ madhyānītarasminprastāre \ vyatyāsaṃ cinuyādyāvataḥ prastārāṃścikīrṣet \6\ ### [7.7](https://indike.org/pramana/in.vedanga.kalpa.sulba.apastamba.7.7) piśīlamātrā bhavantīti dhiṣṇyānāṃ vijñāyate \ caturaśrā ityekeṣām \ parimaṇḍalā ityekeṣām \7\ ### [7.8](https://indike.org/pramana/in.vedanga.kalpa.sulba.apastamba.7.8) mṛdo dehānkṛtvā āgnīdhrīyaṃ navadhā vyavalikhya ekasyāssthāne 'śmānamupadadhyāt \ yathāsaṃkhyamitarānvyavalikhya yathāyogamupadadhyāt \8\ \\7\\ ### [8.1](https://indike.org/pramana/in.vedanga.kalpa.sulba.apastamba.8.1) bhavatīva khalu vā eṣa yo 'gniṃ cinuta iti vijñāyate \ vayasāṃ vā eṣa pratimayā cīyata ityākṛticodanā pratyakṣavidhānādvā \1\ ### [8.2](https://indike.org/pramana/in.vedanga.kalpa.sulba.apastamba.8.2) yāvadāmnātena veṇunā catura ātmani puruṣānavamimīte \ puruṣaṃ dakṣiṇe pakṣe puruṣaṃ pucche puruṣamuttare \ aratninā dakṣiṇato dakṣiṇaṃ pakṣaṃ vardhayati \ evamuttarata uttaram \ prādeśena vitastyā vā paścāt puccham \2\ ### [8.3](https://indike.org/pramana/in.vedanga.kalpa.sulba.apastamba.8.3) ekavidhaḥ prathamo 'gnirdvividhaḥ dvitīyastrividhastṛtīyaḥ \ ta evameva ādyantyaikaśatavidhāt \3\ ### [8.4](https://indike.org/pramana/in.vedanga.kalpa.sulba.apastamba.8.4) tadu ha vai saptavidhameva cinvīta \ saptavidho vāva prakṛto 'gniḥ \ tata ūrdhvamekottarāniti vijñāyate \4\ ### [8.5](https://indike.org/pramana/in.vedanga.kalpa.sulba.apastamba.8.5) ekavidhaprabhṛtīnāṃ na pakṣapucchāni bhavanti \ saptavidhavākyaśeṣatvācchrutivipratiṣedhācca \5\ ### [8.6](https://indike.org/pramana/in.vedanga.kalpa.sulba.apastamba.8.6) aṣṭavidhaprabhṛtīnāṃ yadanyatsaptabhyastatsaptadhā vibhajya pratipuruṣamāveśayet \ ākṛtivikārasyāśrutatvāt \6\ ### [8.7](https://indike.org/pramana/in.vedanga.kalpa.sulba.apastamba.8.7) puruṣamātreṇa vimimīte veṇunā vimimīte iti vijñāyate \7\ \\8\\ ### [9.1](https://indike.org/pramana/in.vedanga.kalpa.sulba.apastamba.9.1) yāvānyajamāna ūrdhvabāhustāvadantarāle venośchidre karoti madhye tṛtīyam \ apareṇa yūpāvaṭadeśamanupṛṣṭhyaṃ veṇuṃ nidhāya chidreṣu śaṅkūnnihatya unmucyāparābhyāṃ dakṣiṇāprākparilikhedantāt \ unmucya pūrvasmādaparasmin pratimucya dakṣiṇā pratyakparilikhedantāt \ unmucya veṇuṃ madhyame śaṅkāvantyaṃ veṇośchidraṃ pratimucyoparyuparilekhāsamaraṃ dakṣiṇā veṇuṃ nidhāyāntye chidre śaṅkuṃ nihatya tasminmadhyamaṃ veṇośchidraṃ pratimucya lekhāntayoritare pratiṣṭhāpya chidrayośśaṅkū nihanti \ sa puruṣaścaturaśraḥ \1\ ### [9.2](https://indike.org/pramana/in.vedanga.kalpa.sulba.apastamba.9.2) evaṃ pradakṣiṇaṃ catura ātmani puruṣānavamimīte \ puruṣaṃ dakṣiṇe pakṣe puruṣaṃ pucche puruṣamuttare \ aratninā dakṣiṇato dakṣiṇamityuktam \2\ ### [9.3](https://indike.org/pramana/in.vedanga.kalpa.sulba.apastamba.9.3) pṛṣṭhyāto vā puruṣamātrasyākṣṇayā veṇuṃ nidhāya pūrvasminnitaram \ tābhyāṃ dakṣiṇaṃ aṃsaṃ nirharet \ viparyasya śroṇī \ pūrvavaduttaramaṃsam \3\ ### [9.4](https://indike.org/pramana/in.vedanga.kalpa.sulba.apastamba.9.4) rajjvā vā vimāyottaravedinyāyena veṇunā vimimīte \4\ ### [9.5](https://indike.org/pramana/in.vedanga.kalpa.sulba.apastamba.9.5) sapakṣapuccheṣu vidhābhyāse 'pacaye ca vidhāsaptamakaraṇīṃ puruṣasthānīyāṃ kṛtvā viharet \5\ ### [9.6](https://indike.org/pramana/in.vedanga.kalpa.sulba.apastamba.9.6) karaṇānīṣṭakānāṃ puruṣasya pañcamena kārayet \ tāsāmevaikato 'dhyardhāstaddvitīyam \ paruṣasya pañcamo bhāga ekataḥ prādeśa ekataḥ tattṛtīyam \ sarvataḥ prādeśastaccaturtham \ samacaturaśrāḥ pañcadaśabhāgīyāstatpañcamam \6\ ### [9.7](https://indike.org/pramana/in.vedanga.kalpa.sulba.apastamba.9.7) ūrdhvapramāṇamiṣṭakānāṃ jānoḥ pañcamena kārayedardhena nākasadāṃ pañcacoḍānāṃ ca \7\ ### [9.8](https://indike.org/pramana/in.vedanga.kalpa.sulba.apastamba.9.8) yatpacyamānānāṃ pratihraseta purīṣeṇa tatsaṃpūrayedaniyataparimāṇatvāt purīṣasya \8\ \\9\\ ### [10.1](https://indike.org/pramana/in.vedanga.kalpa.sulba.apastamba.10.1) upadhāne 'dhyardhā daśa purastāt pratīcīrātmanyupadadhāti \ daśa paścātprācīḥ \ pañca pañca pakṣāgrayoḥ \ pakṣāpyayayośca viśayāḥ tāsāmardheṣṭakāmātrāṇi pakṣayorbhavanti \ pañca pañca pucchaparśvayordakṣiṇā \ udīcīśca \1\ ### [10.2](https://indike.org/pramana/in.vedanga.kalpa.sulba.apastamba.10.2) pucche prādeśamupadhāya sarvamagniṃ pañcamabhāgīyābhiḥ pracchādayet \2\ ### [10.3](https://indike.org/pramana/in.vedanga.kalpa.sulba.apastamba.10.3) pañcadaśabhāgīyābhiḥ saṃkhyāṃ pūrayet \3\ ### [10.4](https://indike.org/pramana/in.vedanga.kalpa.sulba.apastamba.10.4) aparasminprastāre 'dhyardhā daśa dakṣiṇata udīcīrātmanyupadadhāti \ daśottarato dakṣiṇā \ yathā prathame prastāre pakṣau tathā puccham \ yathā pucchaṃ tathā pakṣau \ viparītā apyaye \4\ ### [10.5](https://indike.org/pramana/in.vedanga.kalpa.sulba.apastamba.10.5) sarvamagniṃ pañcamabhāgīyābhiḥ pracchādayet \5\ ### [10.6](https://indike.org/pramana/in.vedanga.kalpa.sulba.apastamba.10.6) pañcadaśabhāgīyābhiḥ saṃkhyāṃ pūrayet \ vyatyāsaṃ cinuyādyāvataḥ prastārāṃścikīṣet \6\ ### [10.7](https://indike.org/pramana/in.vedanga.kalpa.sulba.apastamba.10.7) pañca citayo bhavanti \ pañcabhiḥ purīṣairabhyūhatīti purīṣāntā citiḥ arthāntaratvātpurīṣasya \7\ ### [10.8](https://indike.org/pramana/in.vedanga.kalpa.sulba.apastamba.10.8) jānudaghnaṃ sāhasraṃ cinvīta prathamaṃ cinvānaḥ \ nābhidaghnaṃ dviṣāhasraṃ dvitīyamāsyadaghnaṃ triṣāhasraṃ tṛtīyamuttaramuttaraṃ jyāyāṃsam \ mahāntaṃ bṛhantamaparimitaṃ svargakāmaścinvīteti vijñāyate \8\ ### [10.9](https://indike.org/pramana/in.vedanga.kalpa.sulba.apastamba.10.9) dviṣāhasre dviprastārāścitayo bhavanti \ trīṣāhasra triprastārāścaturthaprabhṛtiṣvāhāreṣu nityamiṣṭakāparimāṇam \9\ ### [10.10](https://indike.org/pramana/in.vedanga.kalpa.sulba.apastamba.10.10) vijñāyate ca na jyāyāṃsaṃ citvā kanīyāṃsaṃ cinvīteti \10\ \\10\\ ### [11.1](https://indike.org/pramana/in.vedanga.kalpa.sulba.apastamba.11.1) caturaśrābhiragniṃ cinuta iti vijñāyate \ samacaturaśrā anupapadatvācchabdasya \1\ ### [11.2](https://indike.org/pramana/in.vedanga.kalpa.sulba.apastamba.11.2) pādamātryo bhavanti aratnimātryo bhavantyūrvasthimātryo bhavantyaṇūkamātryo bhavantīti vijñāyate \2\ ### [11.3](https://indike.org/pramana/in.vedanga.kalpa.sulba.apastamba.11.3) caturbhāgīyamaṇūkam \ pañcama bhāgīyāratniḥ \ tathorvasthi \3\ ### [11.4](https://indike.org/pramana/in.vedanga.kalpa.sulba.apastamba.11.4) pādeṣṭakā pādamātrī \ tatra yathākāmī śabdārthasya viśayitvāt \4\ ### [11.5](https://indike.org/pramana/in.vedanga.kalpa.sulba.apastamba.11.5) upadhāne 'ṣṭāvaṣṭau pādeṣṭakāścaturbhāgīyānāṃ pakṣāgrayornidadhyāt \ sandhyośca tadvadātmānaṃ ṣaḍaṅgulāvetāḥ \ śroṇyaṃseṣu cāṣṭau prācīḥ pratīcīśca \5\ ### [11.6](https://indike.org/pramana/in.vedanga.kalpa.sulba.apastamba.11.6) sandhyantarāle pañcabhāgīyāssapādāḥ \6\ ### [11.7](https://indike.org/pramana/in.vedanga.kalpa.sulba.apastamba.11.7) pucche prādeśamupadhāya sarvamagniṃ caturbhāgīyābhiḥ pracchādayet \7\ ### [11.8](https://indike.org/pramana/in.vedanga.kalpa.sulba.apastamba.11.8) pādeṣṭakābhiḥ saṃkhyāṃ pūrayet \8\ ### [11.9](https://indike.org/pramana/in.vedanga.kalpa.sulba.apastamba.11.9) aparasminprastāre pucchāpyaye pañcamabhāgīyā viśayāḥ \ tā ātmani caturdaśabhiḥ pādairyathāyogaṃ upadadhyāt \9\ ### [11.10](https://indike.org/pramana/in.vedanga.kalpa.sulba.apastamba.11.10) sarvamagniṃ pañcamabhāgīyābhiḥ pracchādayet \10\ ### [11.11](https://indike.org/pramana/in.vedanga.kalpa.sulba.apastamba.11.11) pādeṣṭakābhiḥ saṃkhyāṃ pūrayet \ vyatyāsaṃ cinuyādyāvataḥ prastārāṃścikīrṣet \11\ \\11\\ ### [12.1](https://indike.org/pramana/in.vedanga.kalpa.sulba.apastamba.12.1) ekavidhaprabhṛtīnāṃ karaṇīnāṃ dvādaśena trayodaśenetīṣṭakāḥ kārayet \ pādeṣṭakāśca \ vyatyāsaṃ cinuyādyāvataḥ prastārāṃścikīrṣet \1\ ### [12.2](https://indike.org/pramana/in.vedanga.kalpa.sulba.apastamba.12.2) ekavidhaprabhṛtīnāṃ prathamāhāreṇa dvitīyena tṛtīyeneti yoyujyeta \ sarveṣāṃ yathā śrutisaṃkhyā tathordhvapramāṇam \2\ ### [12.3](https://indike.org/pramana/in.vedanga.kalpa.sulba.apastamba.12.3) kāmyā guṇavikārāḥ guṇaśāstratvāt \3\ ### [12.4](https://indike.org/pramana/in.vedanga.kalpa.sulba.apastamba.12.4) praugaṃ cinvīta bhrātṛvyavāniti vijñāyate \4\ ### [12.5](https://indike.org/pramana/in.vedanga.kalpa.sulba.apastamba.12.5) yāvānagniḥ sāratniprādeśo dvistāvatīṃ bhūmiṃ caturaśrāṃ kṛtvā pūrvasyāḥ karaṇyā ardhācchroṇī pratyālikhet \ sā nityā praugam \5\ ### [12.6](https://indike.org/pramana/in.vedanga.kalpa.sulba.apastamba.12.6) karaṇāni cayanamityekavidhoktam \ praugā iṣṭakāḥ kārayet \6\ ### [12.7](https://indike.org/pramana/in.vedanga.kalpa.sulba.apastamba.12.7) ubhayataḥ praugaṃ cinvīta yaḥ kāmayeta prajātān bhratṛvyānnudeya pratijaniṣyamāṇāniti vijñāyate \7\ ### [12.8](https://indike.org/pramana/in.vedanga.kalpa.sulba.apastamba.12.8) yathā vimukhe śakaṭe \ tāvadeva dīrghacaturaśraṃ vihṛtya pūrvāparayoḥ karaṇyorardhāttāvati dakṣiṇottarayornipātayet \ sā nityobhayataḥ praugam \ praugacitoktam \8\ ### [12.9](https://indike.org/pramana/in.vedanga.kalpa.sulba.apastamba.12.9) rathacakracitaṃ cinvīta bhrātṛvyavāniti vijñāyate \9\ ### [12.10](https://indike.org/pramana/in.vedanga.kalpa.sulba.apastamba.12.10) yāvānagniḥ sāratniprādeśastāvatīṃ bhūmiṃ parimaṇḍalāṃ kṛtvā tasmiṃścaturaśramavadadhyādyāvatsaṃbhavet \10\ \\12\\ ### [13.1](https://indike.org/pramana/in.vedanga.kalpa.sulba.apastamba.13.1) tasya karaṇyā dvādaśeneṣṭakāḥ kārayet \1\ ### [13.2](https://indike.org/pramana/in.vedanga.kalpa.sulba.apastamba.13.2) tāsāṃ ṣaṭpradhāvupadhāya śeṣamaṣṭadhā vibhajet \2\ ### [13.3](https://indike.org/pramana/in.vedanga.kalpa.sulba.apastamba.13.3) upadhāne caturaśrasyāvāntaradeśānpratisraktīssaṃpādayet \ madhyānītarasminprastāre \ vyatyāsaṃ cinuyādyāvataḥ prastārāṃścikīrṣet \3\ ### [13.4](https://indike.org/pramana/in.vedanga.kalpa.sulba.apastamba.13.4) droṇacitaṃ cinvītānnakāma iti vijñāyate \4\ ### [13.5](https://indike.org/pramana/in.vedanga.kalpa.sulba.apastamba.13.5) dvayāni tu khalu droṇāni caturaśrāṇi parimaṇḍalāni ca \5\ ### [13.6](https://indike.org/pramana/in.vedanga.kalpa.sulba.apastamba.13.6) tatra yathākāmī śabdārthyasya viśayitvāt \6\ ### [13.7](https://indike.org/pramana/in.vedanga.kalpa.sulba.apastamba.13.7) caturaśraṃ vā yasya guṇaśāstram \ sa caturaśraḥ \7\ ### [13.8](https://indike.org/pramana/in.vedanga.kalpa.sulba.apastamba.13.8) paścāttsarurbhavatyanurūpatvāyeti vijñāyate \8\ ### [13.9](https://indike.org/pramana/in.vedanga.kalpa.sulba.apastamba.13.9) sarvasyā bhūmerdaśamaṃ tsaruḥ \ tasya pucchena nirhāra uktaḥ \9\ ### [13.10](https://indike.org/pramana/in.vedanga.kalpa.sulba.apastamba.13.10) tasya karaṇyā dvādaśeneṣṭakāḥ kārayedadhyardhāḥ pādeṣṭakāśca \10\ ### [13.11](https://indike.org/pramana/in.vedanga.kalpa.sulba.apastamba.13.11) upadhāne 'dhyardhāḥ purastātpratīcirātmanyupadadhāti \ tsarvagre śroṇyośca prācīḥ \11\ ### [13.12](https://indike.org/pramana/in.vedanga.kalpa.sulba.apastamba.13.12) sarvamagniṃ caturaśrābhiḥ pracchādayet \12\ ### [13.13](https://indike.org/pramana/in.vedanga.kalpa.sulba.apastamba.13.13) pādeṣṭakābhiḥ saṃkhyāṃ pūrayet \13\ ### [13.14](https://indike.org/pramana/in.vedanga.kalpa.sulba.apastamba.13.14) aparasminprastāre 'dhyardhā dakṣiṇata udīcīrātmanyupadadhātyuttarataśca dakṣiṇāḥ \ tsarupārśvayordakṣiṇā udīcīśca \14\ ### [13.15](https://indike.org/pramana/in.vedanga.kalpa.sulba.apastamba.13.15) sarvamagniṃ caturaśrābhiḥ pracchādayet \15\ ### [13.16](https://indike.org/pramana/in.vedanga.kalpa.sulba.apastamba.13.16) pādeṣṭakābhiḥ saṃkhyāṃ pūrayet \ vyatyāsaṃ cinuyādyāvataḥ prastārāṃścikīrṣet \16\ \\13\\ ### [14.1](https://indike.org/pramana/in.vedanga.kalpa.sulba.apastamba.14.1) samūhyaṃ cinvīta paśukāma iti vijñāyate \1\ ### [14.2](https://indike.org/pramana/in.vedanga.kalpa.sulba.apastamba.14.2) samūhanniveṣṭakā upadadhāti \2\ ### [14.3](https://indike.org/pramana/in.vedanga.kalpa.sulba.apastamba.14.3) dikṣu cātvālā bhavanti \ tebhyaḥ purīṣamabhyuhatīti vijñāyate \3\ ### [14.4](https://indike.org/pramana/in.vedanga.kalpa.sulba.apastamba.14.4) paricāyyaṃ cinvīta grāmakāma iti vijñāyate \4\ ### [14.5](https://indike.org/pramana/in.vedanga.kalpa.sulba.apastamba.14.5) madhyamāṃ svayamātṛṇṇāṃ pradakṣiṇamiṣṭakāgaṇaiḥ paricinoti \ sa paricāyyaḥ \5\ ### [14.6](https://indike.org/pramana/in.vedanga.kalpa.sulba.apastamba.14.6) upacāyyaṃ cinvīta grāmakāma iti vijñāyate \ paricāyyenoktaḥ \6\ ### [14.7](https://indike.org/pramana/in.vedanga.kalpa.sulba.apastamba.14.7) śmaśānacitaṃ cinvīta yaḥ kāmayeta pitṛloka ṛdhnuyāmiti vijñāyate \7\ ### [14.8](https://indike.org/pramana/in.vedanga.kalpa.sulba.apastamba.14.8) dvayāni tu khalu śmaśānāni caturaśrāṇi parimaṇḍalāni ca \8\ ### [14.9](https://indike.org/pramana/in.vedanga.kalpa.sulba.apastamba.14.9) tatra yathākāmī śabdārthasya viśayitvāt \9\ ### [14.10](https://indike.org/pramana/in.vedanga.kalpa.sulba.apastamba.14.10) caturaśraṃ vā yasya guṇaśāstram \ sa caturaśraḥ \ tsaruvarjaṃ droṇacitoktaḥ \10\ ### [14.11](https://indike.org/pramana/in.vedanga.kalpa.sulba.apastamba.14.11) chandaścitaṃ cinvīta paśukāma iti vijñāyate \11\ ### [14.12](https://indike.org/pramana/in.vedanga.kalpa.sulba.apastamba.14.12) sarvaiśchandobhiścinuyādityekam \ prākṛtairityaparam \12\ \\14\\ ### [15.1](https://indike.org/pramana/in.vedanga.kalpa.sulba.apastamba.15.1) śyenacitaṃ cinvīta suvargakāma iti vijñāyate \1\ ### [15.2](https://indike.org/pramana/in.vedanga.kalpa.sulba.apastamba.15.2) vakrapakṣo vyastapuccho bhavati \ paścātprāṅudūhati \ purastātpratyaṅudūhati \ evamiva hi vayasāṃ madhye pakṣanirṇāmo bhavatīti vijñāyate \2\ ### [15.3](https://indike.org/pramana/in.vedanga.kalpa.sulba.apastamba.15.3) yāvānagniḥ sāratniprādeśaḥ saptavidhaḥ saṃpadyate \ prādeśaṃ caturthamātmanaścaturbhāgīyāścāṣṭau \ tāsāṃ tisraḥ śiraḥ \ itaratpakṣayorvibhajet \3\ ### [15.4](https://indike.org/pramana/in.vedanga.kalpa.sulba.apastamba.15.4) pañcāratniḥ puruṣaḥ \ caturaratnirvyāyāmaḥ \ caturviṃśatyaṅgulayo 'ratniḥ \ tadardhaṃ prādeśa iti klṛptiḥ \4\ ### [15.5](https://indike.org/pramana/in.vedanga.kalpa.sulba.apastamba.15.5) ardhadaśamā aratnayo 'ṅgulayaśca caturbhāgona pakṣāyāmaḥ \5\ ### [15.6](https://indike.org/pramana/in.vedanga.kalpa.sulba.apastamba.15.6) dvipuruṣāṃ rajjumubhayataḥ pāśaṃ karoti madhye lakṣaṇam \ pakṣasyāparayoḥ koṭyorantau niyamya lakṣaṇena prācīnamāyacchedevaṃ purastāt \ sa nirṇāmaḥ \ etenottaraḥ pakṣo \ vyākhyātaḥ \6\ ### [15.7](https://indike.org/pramana/in.vedanga.kalpa.sulba.apastamba.15.7) ātmā dvipuruṣāyāmo 'dhyardhapuruṣavyāsaḥ \7\ ### [15.8](https://indike.org/pramana/in.vedanga.kalpa.sulba.apastamba.15.8) pucche 'rdhapuruṣavyāsaṃ puruṣaṃ pratīcīnamāyacchet \ tasya dakṣiṇato 'nyamuttarataśca \ tāvakṣṇayā vyavalikhet \ yathā 'rdhapuruṣo 'pyayesyāt \8\ ### [15.9](https://indike.org/pramana/in.vedanga.kalpa.sulba.apastamba.15.9) śirasyardhapuruṣeṇa caturaśraṃ kṛtvā pūrvasyāḥ karaṇyā ardhāttāvati dakṣiṇottarayornipātayet \9\ \\15\\ ### [17.1](https://indike.org/pramana/in.vedanga.kalpa.sulba.apastamba.17.1) apyayān prati śroṇyaṃsānapacchindyāt \ evamiva hi śyenaḥ \1\ ### [17.2](https://indike.org/pramana/in.vedanga.kalpa.sulba.apastamba.17.2) karaṇaṃ puruṣasya pañcamāyāmaṃ ṣaṣṭhavyāsaṃ kārayedyathāyoganataṃ tatprathamam \2\ ### [17.3](https://indike.org/pramana/in.vedanga.kalpa.sulba.apastamba.17.3) te dve prācī saṃhite \ taddvitīyam \3\ ### [17.4](https://indike.org/pramana/in.vedanga.kalpa.sulba.apastamba.17.4) prathamasya ṣaḍbhāgamaṣṭama bhāgena vardhayet \ yathāyoganataṃ tattṛtīyam \4\ ### [17.5](https://indike.org/pramana/in.vedanga.kalpa.sulba.apastamba.17.5) caturbhāgīyā 'dhyardhā \ tasyāścaturbhāgīyāmātramakṣṇayā bhindyāt \ taccaturtham \5\ ### [17.6](https://indike.org/pramana/in.vedanga.kalpa.sulba.apastamba.17.6) caturbhāgīyārdhaṃ pañcamam \6\ ### [17.7](https://indike.org/pramana/in.vedanga.kalpa.sulba.apastamba.17.7) tasyākṣṇayā bhedaḥ ṣaṣṭham \7\ ### [17.8](https://indike.org/pramana/in.vedanga.kalpa.sulba.apastamba.17.8) puruṣasya pañcamabhāgaṃ daśabhāgavyāsaṃ pratīcīnamāyacchet \ tasya dakṣiṇato 'nyamuttarataśca \ tāvakṣṇayā dakṣiṇāparayoḥ koṭyorālikhet \ tatsaptamam \8\ ### [17.9](https://indike.org/pramana/in.vedanga.kalpa.sulba.apastamba.17.9) evamanyat \ uttaraṃ tūttarasyāḥ koṭyālikhet tadaṣṭamam \9\ ### [17.10](https://indike.org/pramana/in.vedanga.kalpa.sulba.apastamba.17.10) caturbhāgīyākṣṇayobhayato bhedo navamam \10\ ### [17.11](https://indike.org/pramana/in.vedanga.kalpa.sulba.apastamba.17.11) upadhāne ṣaṣṭiḥ ṣaṣṭiḥ pakṣayoḥ prathamā udīcīrupadadhyāt \11\ ### [17.12](https://indike.org/pramana/in.vedanga.kalpa.sulba.apastamba.17.12) pucchapārśvayoraṣṭāvaṣṭau ṣaṣṭhyayastisro 'gre tata ekāṃ tatastisraḥ tata ekām \12\ ### [17.13](https://indike.org/pramana/in.vedanga.kalpa.sulba.apastamba.17.13) pucchāpyaye caturthyau viśaye \ tayośca paścātpañcamyāvanīkasaṃhīte \13\ ### [17.14](https://indike.org/pramana/in.vedanga.kalpa.sulba.apastamba.17.14) 16 śeṣe daśa caturthyaḥ śroṇyaṃseṣu cāṣṭau prācīḥ pratīcīśca \1\ ### [17.2\_2](https://indike.org/pramana/in.vedanga.kalpa.sulba.apastamba.17.2_2) śeṣe ca ṣaḍviṃśatiraṣṭau ṣaṣṭhyaścatasraḥ pañcamyaḥ \2\ ### [17.3\_2](https://indike.org/pramana/in.vedanga.kalpa.sulba.apastamba.17.3_2) śirasi caturthyau viśaye \ tayośca purastātprācyau \3\ ### [17.4\_2](https://indike.org/pramana/in.vedanga.kalpa.sulba.apastamba.17.4_2) eṣa dviśataḥ prastāraḥ \4\ ### [17.5\_2](https://indike.org/pramana/in.vedanga.kalpa.sulba.apastamba.17.5_2) aparasminprastāre pañca pañca nirṇāmayordvitīyāḥ \ apyayayośca tṛtīyā ātmānamaṣṭabhāgāvetāḥ \ śeṣe pañcacatvāriṃśatprathamāḥ prācīḥ \5\ ### [17.6\_2](https://indike.org/pramana/in.vedanga.kalpa.sulba.apastamba.17.6_2) pucchapārśvayoḥ pañca pañca saptamyaḥ \ dvitīyacaturthyoścānyatarataḥ pratisaṃhitāmekaikām \ śeṣe trayodaśāṣṭamyaḥ \6\ ### [17.7\_2](https://indike.org/pramana/in.vedanga.kalpa.sulba.apastamba.17.7_2) śroṇyaṃseṣu cāṣṭau caturthyo dakṣiṇā udīcīśca \ śeṣe ca viṃśatistriṃśat ṣaṣṭhya ekaṃ pañcamīm \7\ ### [17.8\_2](https://indike.org/pramana/in.vedanga.kalpa.sulba.apastamba.17.8_2) śirasi caturthyau tayośca purastāccatasro navamyaḥ \8\ ### [17.9\_2](https://indike.org/pramana/in.vedanga.kalpa.sulba.apastamba.17.9_2) eṣa dviśataprastāraḥ \9\ ### [17.10\_2](https://indike.org/pramana/in.vedanga.kalpa.sulba.apastamba.17.10_2) vyatyāsaṃ cinuyādyāvataḥ prastārāṃścikīrṣet \10\ \\17\\ ### [18.1](https://indike.org/pramana/in.vedanga.kalpa.sulba.apastamba.18.1) śyenacitaṃ cinvīta suvargakāma iti vijñāyate \1\ ### [18.2](https://indike.org/pramana/in.vedanga.kalpa.sulba.apastamba.18.2) vakrapakṣo vyastapuccho bhavati \ paścātprāṅudūhati \ purastātpratyaṅudūhati \ evamivahi vayasāṃ madhye pakṣanirṇāmo bhavatīti vijñāyate \2\ ### [18.3](https://indike.org/pramana/in.vedanga.kalpa.sulba.apastamba.18.3) puruṣasya ṣoḍaśībhirviṃśaśataṃ sāratniprādeśaḥ saptavidhaḥ saṃpadyate \ tāsāṃ catvāriṃśadātmani tisraḥ śirasi pañcadaśa pucche ekatriṃśaddakṣiṇe pakṣe tathottare \3\ ### [18.4](https://indike.org/pramana/in.vedanga.kalpa.sulba.apastamba.18.4) adhyardhapuruṣastiryagdvāvāyāmata iti dīrgha caturaśraṃ vihṛtya śroṇyaṃsebhyo dve dve ṣoḍaśyau nirasyet \ catvāriṃśatpariśiṣyante \ sa ātmā \4\ ### [18.5](https://indike.org/pramana/in.vedanga.kalpa.sulba.apastamba.18.5) śirasyardhapuruṣeṇa caturaśraṃ kṛtvā pūrvasyāḥ karaṇyā ardhāttāvati dakṣiṇottarayornipātayet \ tisraḥ pariśiṣyante tacchiraḥ \5\ ### [18.6](https://indike.org/pramana/in.vedanga.kalpa.sulba.apastamba.18.6) puruṣastiryagdvāvāyāmataḥ ṣoḍaśabhāgaśca dakṣiṇaḥ pakṣaḥ \ tathottaraḥ \6\ ### [18.7](https://indike.org/pramana/in.vedanga.kalpa.sulba.apastamba.18.7) pakṣāgre puruṣacaturthena catvāri caturaśrāṇi kṛtvā tānyakṣṇayā vyavalikhyārdhāni nirasyet \ ekatriṃśatpariśiṣyante \7\ ### [18.8](https://indike.org/pramana/in.vedanga.kalpa.sulba.apastamba.18.8) pakṣāgramutsṛjya madhye pakṣasya prācīṃ lekhāmālikhet \ pakṣāpyaye puruṣaṃ niyamya puruṣānte nitodaṃ kuryāt \ nitodātprācīnaṃ puruṣānte nitodaṃ nitodayornānāntāvālikhet \ tatpakṣanamanam \ etenottaraḥ pakṣo vyākhyātaḥ \8\ \\18\\ ### [19.1](https://indike.org/pramana/in.vedanga.kalpa.sulba.apastamba.19.1) dvipuruṣaṃ paścādardhapuruṣaṃ purastāccaturbhāgonaḥ hpuruṣa āyāmo 'ṣṭādaśakaraṇyau pārśvayostāḥh pañcadaśa parigṛhṇanti \ tatpuccham \1\ ### [19.2](https://indike.org/pramana/in.vedanga.kalpa.sulba.apastamba.19.2) ṣoḍaśīṃ caturbhiḥ parigṛhṇīyāt \ aṣṭamena tribhiraṣṭamaiścaturthena caturthasaviśeṣeṇeti \2\ ### [19.3](https://indike.org/pramana/in.vedanga.kalpa.sulba.apastamba.19.3) ardheṣṭakāṃ tribhirdvābhyāṃ caturthābhyāṃ caturthasaviśeṣeṇeti \3\ ### [19.4](https://indike.org/pramana/in.vedanga.kalpa.sulba.apastamba.19.4) pādeṣṭakāṃ tribhiścaturthenaikaṃ caturthasaviśeṣārdhābhyāṃ ceti \4\ ### [19.5](https://indike.org/pramana/in.vedanga.kalpa.sulba.apastamba.19.5) pakṣeṣṭakāṃ caturbhirdvābhyāṃ caturthābhyāṃ saptamābhyāṃ ceti \5\ ### [19.6](https://indike.org/pramana/in.vedanga.kalpa.sulba.apastamba.19.6) pakṣamadhyīyāṃ caturbhirdvābhyāṃ caturthābhyāṃ dvisaptamābhyāṃ ceti \6\ ### [19.7](https://indike.org/pramana/in.vedanga.kalpa.sulba.apastamba.19.7) pakṣāgrīyāṃ tribhiścaturthenaikaṃ caturthasaptamābhyāmekaṃ caturthasaviśeṣasaptamābhyāṃ ceti \7\ ### [19.8](https://indike.org/pramana/in.vedanga.kalpa.sulba.apastamba.19.8) pakṣakaraṇyāḥ saptamaṃ tiryaṅmānī puruṣacaturthaṃ ca pārśvamānī \ tasyākṣṇayārajjvā karaṇaṃ prajṛmbhayet \ pakṣanamanyāḥ saptamena phalakāni namayet \8\ ### [19.9](https://indike.org/pramana/in.vedanga.kalpa.sulba.apastamba.19.9) upadhāne catasraḥ pādeṣṭakāḥ purastācchirasi \ apareṇa śiraso 'pyayaṃ pañca \ pūrveṇa pakṣāpyayāvekādaśa \ apareṇaikādaśa pūrveṇa pucchāpyayaṃ pañcāpareṇa pañca pañcadaśa pucchāgre \9\ \\19\\ ### [20.1](https://indike.org/pramana/in.vedanga.kalpa.sulba.apastamba.20.1) catasraścatasraḥ pakṣāgrīyāḥ pakṣāgrayoḥ pakṣāpyayayośca viśayāḥ \1\ ### [20.2](https://indike.org/pramana/in.vedanga.kalpa.sulba.apastamba.20.2) tā ātmani catasṛbhiścatasṛbhiḥ ṣoḍaśībhiryathāyogaṃ paryupadadhyāt \2\ ### [20.3](https://indike.org/pramana/in.vedanga.kalpa.sulba.apastamba.20.3) catasraścatasraḥ pakṣamadhyīyāḥ pakṣa madhyayoḥ \ pakṣeṣṭakābhiḥ prācībhiḥ pakṣau pracchādayet \3\ ### [20.4](https://indike.org/pramana/in.vedanga.kalpa.sulba.apastamba.20.4) avaśiṣṭaṃ ṣoḍaśībhiḥ pracchādayet \ antyā bāhyaviśeṣā anyatra śirasaḥ \4\ ### [20.5](https://indike.org/pramana/in.vedanga.kalpa.sulba.apastamba.20.5) aparasminprastāre purastācchirasi dve ṣoḍaśyau bāhyaviśeṣe upadadhyāt \ te 'pareṇa dve viśaye abhyantaraviśeṣe \5\ ### [20.6](https://indike.org/pramana/in.vedanga.kalpa.sulba.apastamba.20.6) dvābhyāmardheṣṭakābhyāṃ yathāyogaṃ paryupadadhyāt \ bāhyaviśeṣābhyāṃ parigṛhṇīyāt \6\ ### [20.7](https://indike.org/pramana/in.vedanga.kalpa.sulba.apastamba.20.7) ātma karaṇīnāṃ sandhiṣu ṣoḍaśyo bāhyaviśeṣā upadadhyāt \7\ ### [20.8](https://indike.org/pramana/in.vedanga.kalpa.sulba.apastamba.20.8) catasraścatasro 'rdheṣṭakāḥ pakṣāgrayoḥ \ pakṣeṣṭakābhirudīcībhiḥ pakṣau pracchādayet \8\ ### [20.9](https://indike.org/pramana/in.vedanga.kalpa.sulba.apastamba.20.9) tisrastisro 'rdheṣṭakāḥ pucchapārśvayoḥ \9\ ### [20.10](https://indike.org/pramana/in.vedanga.kalpa.sulba.apastamba.20.10) avaśiṣṭaṃ ṣoḍaśībhiḥ pracchādayet \ antyā bāhyaviśeṣā anyatra pucchāt \10\ ### [20.11](https://indike.org/pramana/in.vedanga.kalpa.sulba.apastamba.20.11) yaccaturaśraṃ tryaśraṃ vā saṃpadyetārdheṣṭakābhiḥ pādeṣṭakābhirvā pracchādayet \ aṇukāḥ pañcadaśabhāgīyānāṃ sthāne \11\ ### [20.12](https://indike.org/pramana/in.vedanga.kalpa.sulba.apastamba.20.12) vyatyāsaṃ cinuyādyāvataḥ prastārāṃścikīrṣet \12\ \\20\\ ### [21.1](https://indike.org/pramana/in.vedanga.kalpa.sulba.apastamba.21.1) kaṅkacidalajaciditi śyenacitā vyākhyātau \1\ ### [21.2](https://indike.org/pramana/in.vedanga.kalpa.sulba.apastamba.21.2) evamiva hi śyenasya varṣīyāṃsau pakṣau pucchādvakrau saṃnataṃ pucchaṃ dīrgha ātmā 'maṇḍalaḥ śiraśca \ tasmācchrutisāmarthyāt \ aśirasko vā 'nāmnānāt \2\ ### [21.3](https://indike.org/pramana/in.vedanga.kalpa.sulba.apastamba.21.3) vijñāyate ca \ kaṅkacitaṃ śīrṣaṇvantaṃ cinvīta yaḥ kāmayeta saśīrṣo 'muṣmiṃlloke saṃbhaveyamiti vidyamāne kathaṃ brūyāt \3\ ### [21.4](https://indike.org/pramana/in.vedanga.kalpa.sulba.apastamba.21.4) prākṛtau vakrau pakṣau saṃnataṃ pucchaṃ vikāraśravaṇādyathāprakṛtyātmā 'vikārāt \4\ ### [21.5](https://indike.org/pramana/in.vedanga.kalpa.sulba.apastamba.21.5) yatho etacchyenacitaṃ cinvīteti yāvadāmnātaṃ sārūpyaṃ tadvyākhyātam \5\ ### [21.6](https://indike.org/pramana/in.vedanga.kalpa.sulba.apastamba.21.6) tristāvo 'gnirbhavatītyaśvamedhe vijñāyate \6\ ### [21.7](https://indike.org/pramana/in.vedanga.kalpa.sulba.apastamba.21.7) tatra sarvābhyāso 'viśeṣāt \7\ ### [21.8](https://indike.org/pramana/in.vedanga.kalpa.sulba.apastamba.21.8) dīrghacaturaśrāṇāṃ samāsena pakṣapucchānāṃ samāsa uktaḥ \8\ _First 200 of 222 passages. [Read on](https://indike.org/pramana/in.vedanga.kalpa.sulba.apastamba)_ ## Commentaries (5) - [Āpastambaśulbasūtra with the commentaries of Kapardin, Karavinda and Sundararāja](https://indike.org/pramana/in.vedanga.kalpa.sulba.apastamba!kapardin) — Kapardisvāmin, Karavinda, Sanskrit - [Rahasyaprakāśa](https://indike.org/pramana/in.vedanga.kalpa.sulba.apastamba!gargya-gopala) — Gārgya Gopāla, Sanskrit, not yet digitised - [Dvitīyaśyenaśulbopādhānamantropādhānaprakāśa](https://indike.org/pramana/in.vedanga.kalpa.sulba.apastamba!rayabhatta) — Rāyabhaṭṭa, Sanskrit, not yet digitised - [Śulbakārikāḥ](https://indike.org/pramana/in.vedanga.kalpa.sulba.apastamba!venkatanatha-vajapeyayajin) — Veṅkaṭanātha Vājapeyayājin, Sanskrit, not yet digitised - [Āpastambaśulbarahasyaprakāśa](https://indike.org/pramana/in.vedanga.kalpa.sulba.apastamba!gopala) — Gopālakavi, Sanskrit, not yet digitised ## Translations (1) - [Das Āpastamba-Śulba-Sūtra](https://indike.org/pramana/in.vedanga.kalpa.sulba.apastamba~de-burk) — German, not yet digitised ## Parallel to - [Āpastambaśrautasūtra](https://indike.org/pramana/in.vedanga.kalpa.srauta.apastamba) - [Hiraṇyakeśiśulbasūtra](https://indike.org/pramana/in.vedanga.kalpa.sulba.hiranyakesi) ## Part of - [Āpastambakalpasūtra](https://indike.org/pramana/in.vedanga.kalpa.srauta.apastambakalpasutra) --- Source: [https://indike.org/pramana/in.vedanga.kalpa.sulba.apastamba](https://indike.org/pramana/in.vedanga.kalpa.sulba.apastamba) · Pramāṇa