Adbhuhtashanti (Adbhuhtaśānti)
अद्भुह्तशान्ति
- Language
- Sanskrit
- Date
- 400 BCE – 1200 CE
- Extent
- 9 passages, 416 words
- Text
- partly digitised
- Source
- archiveorg · The Pariśiṣṭas of the Atharvaveda; ed. George Melville Bolling, Julius von Negelein, Ram Kumar Rai;… · Scan of a printed edition hosted by the Internet Archive (archive.org); the ancient text is in the public…
Contents
Text
1
adbhutaśāntiḥ
67.1.1. oṃ puruṣaḥ putradāraṃ vā dhanadhānyamathāpi vā
nimittayairvinaśyeta śāntiṃ tatra nibodhata
2. indrāyudhaṃ bhavedrātrau dṛśyate yasya kasyacit
darvīṃ kare vā bhidyeta maṇiḥ kumbhastathaiva ca
3. chatraṃ śayyāsanaṃ caiva anyadvāpi svayaṃ kacit
strī hanyācca striyaṃ vāpi gauravagredulūkhalam
4. śvā vivedrāmanaḍvāhaṃ kaliḥ saṃpadyate kule
gajavājino mriyante vivādo rājakīyakaḥ
5. kuṭumbamaśubhaṃ sarvamaindrāṇyetāni nirdiśet
śāmyanti yena sarvāṇi nirvapetpayasaṃ carum
6. samāvapya ghṛtaṃ tatra āhutiṃ juhuyādiyām
indramidevatātaye sthālīpākasya homayet
67.1.7. indraḥ śacīpatiḥ śakro vajrapāṇiḥ sureśvaraḥ
sarvādbhutānāṃ śamano mahāvyāhṛtayastathā
8. hutvā sviṣṭakṛtaṃ caiva carutantraṃ samāpayet
vimuktotpātadoṣastu jīvettu śaradaḥ śatam
2
2. 1. uddīpikā gṛhe yasya valmīkā madhujālakam
abjānāṃ maṇike śabde tailaṃ sthīyata eva vā
2. aśubhā vikṛtirdigdhā dugdhānāṃ vā yadā bhavet
akasmācca praroheyurbījāni kramayastathā
3. kāryo varuṇayāgastu vāruṇīvidhipūrvakaḥ
uduttamaṃ pradhānaṃ syātpaścājyāhutayastathā
4. varuṇaḥ pāśapāṇiśca yādasāṃ patireva ca
śeṣaṃ tu pūrvavaccaiva carutantraṃ samāpayet
5. vimuktotpātadoṣastu jīvectu śaradaḥ śatam
3
3. 1. gṛhe yasya patedgṛdhra ulūko vā kathaṃcana
kapotaḥ praviśeccaiva jīvā vāraṇyasaṃbhavāḥ
2. dhuryau ca patato yuktau gostrījanma ca vaikṛtam
jāyante yamalānyeva ghoraḥ svapnaśca dṛśyate
3. abhidravanti rakṣāṃsi yatra caiva kumārakān
unnidrako'tinidro vā atyalpamatibhojanam
4. ālasyaṃ caivameteṣāṃ devatā yama ucyate
nāke suvarṇaṃ ityetatsthālīpākasya homayet
5. yamaḥ pretapatiścaiva daṇḍapāṇistatheśvaraḥ
śamanaḥ sarvādbhutānām........
4
4. 1. anagnirutthito yasya dhūmo vāpigṛhe kacit
āmaṃ vā jvalate māṃsaṃ bhaveyurvisphuliṅgakāḥ
67.4.2. chatradhvajapatākāśca jvalantetoraṇāni ca
āsanaṃ caiva śayyā ca vastrāṇikusumāni ca
3. hastyaśvānāṃ ca pucchāni varṣatyaṅgāravarṣaṇam
akāle ca diśāṃ dāhamopadhīnāṃ ca pāccanam
4. hastinyaścaiva madyante agnirūpaṃ tadadbhutam
agniṃ dūtaṃ vṛṇīmahe sthālīpākasya homayet
5. agnirhiraṇyapatiśca arciṣpāṇistatheśvaraḥ
śamanaḥ sarvādbhutānām ············
5
5.1. suvarṇaṃ rajataṃ vajraṃ vaidūryaṃ mauktikāni ca
pravālavastranāśaśca mikṣāṇāṃ ca viparyayaḥ
2. ārambhāśca vipadyante na siddhiḥ karmaṇāmapi
carurvaiśravaṇastatra abhityaṃ devamṛksmṛtā
3. vaiśravaṇo yakṣapatirarthapāṇistatheśvaraḥ
śamanaḥ sarvādbhutānām ············
6
6.1. atha yasya svanakṣatre ulkā nirghāta eva vā
rāhurgrasati candrārkau kabandhaṃ darpaṇe bhavet
2. patetsvayaṃ vā musalaṃ devatā vā kathaṃ cana
unmīlate caiva yadā tathā cāpi nimīlate
3. pracchidyate ca yadi vā tathā vāpi prakampate
prayāto vāpi dṛśyeta pratisroto nadī vahet
4. vimale naivārkacchāyā pratīpā vāpi dṛśyate
pariveṣastvanabhreṣu dṛśyate candra sūryayoḥ
5. kośātkhaḍgā nirgirante tūṇāccaiva tu sāyakāḥ
anāhatāni vādyante nadante śabdamāturam
6. caruṇā vaiṣṇavenaiṣāṃ yāgaḥ kartavya eva tu
idaṃ viṣṇuḥ pradhānaṃ syātpaścājyā hutayastathā
67.6.7. sarvabhūtapatirviṣṇuścakrapāṇistatheśvaraḥ
śamanaḥ sarvādbhutānām ........
7
7. 1. ativāto yatra bhavedrūpaṃ vā yatra vaikṛtam
kharakarabhamahiṣā varāhā vyāghrasiṃhakāḥ
2. gṛdhrāśca tathā gomāyuḥ kṛkalāsā vadanti ca
māṃsa peśaṃ ca rudhiraṃ pāṃsuvṛṣṭistathaiva ca
3. vāyurūpamidaṃ sarvamadbhutaṃ parikīrtitam
vāta ā vātu bheṣajaṃ vāyavā yahi darśateti sthālīpākasya homayet
4. vāyurmahānnabhapatirvajrapāṇistatheśvaraḥ
śamanaḥ sarvādbhutānāṃ mahāvyāhṛtayastathā
5. hutvā sviṣṭakṛtaṃ caiva carutantraṃ samāpayetu
vimuktotpāta doṣastu jīvettu śaradaḥ śatam
8
8. 1. atha cedanyaśākhāsu kartābhavati vedavit
japtvā sa ṛgyajuḥsāmnāṃ śatamātraṃ samāhitaḥ
2. gāyatryaṣṭaśataṃ japtvā yajamānaḥ samāhitaḥ
vācayettamupādhyāyaṃ vastreṇa kanakena vā
3. dṛṣṭaṃ caivādbhuta yasmiṃstaccāpi pratipādayet
etāstu dakṣiṇāḥ sarvāḥ śaktiyukto na hāpayet
4. yajamānastatsuto vā yaḥ svayaṃ kartumarhati
brāhmaṇāya viśeṣeṇa dyāttāṃ dakṣiṇāṃ śubhām
5. japtvātharvaśiraścaiva brāhmaṇānsvastivācayet
śaktyātha bhojanaṃ caiva kuryāddvijeṣu pūjanam
6. etadevaṃ samārūyātamadbhutānāṃ viśodhanam
caturṇāmapi varṇānāṃ yaḥ kuryācchraddhayānvitaḥ
7. maraṇaṃ na bhavettasya na duḥkhaṃ na daridratā
siddhyanti sarvakāryāṇidharme cāsya matirbhavet
67.8.8. etatpuṇyaṃ pavitraṃ ca devatāyāgapūjanam
sarvaśāntikaraṃ caiva pratipuruṣaṃ nibodhata
pratipuruṣaṃ nibodhateti
67
ityadbhutaśāntiḥ samāptā