Atharvanaparishishta 4
Ātharvaṇapariśiṣṭa 4
- Language
- Sanskrit
4.1
piṣṭarātryāḥ kalpaḥ
6.1.1. oṃ athātaḥ piṣṭarātryāḥ kalpaṃ vyākhyāsyāmaḥ
2. ahatavāsāḥ purastātkalpasya gomayena sthaṇḍilamupalipyā3. hatavastreṇa siṃhāsanamavacchādya
4. yāṃ devāḥ pratinandantīti rātrimāvāhayet
5. saṃvatsarasya pratimāmiti piṣṭamayīṃ pratikṛtiṃ kṛtvodaṃmukhīmupaveśayet
6. chatraṃ hiraṇmayaṃ dadyādāsanaṃ ca hiraṇmayam
dadyācchubhrāṇi vāsāṃsi śubhraṃ caivānulepanam
7. śubhramannaṃ tathā dadyātprabhūtāṃścaiva modakān
dhūpaṃ ca vividhaṃ nityaṃ pradīpāṃśca prakalpayet
8. ā mā puṣṭe ca poṣe cetyetābhirupasthāya
9. rakṣoghnairmantraiḥ sarṣapānabhimantrya,
10. āvatasta iti japansamantātkalpasyāvakīrya,
11. ayaṃ pratisara iti pratisaramābadhya śarkarānpratidiśaṃ kṣipet
12. dhūpaśeṣaṃ rājñe dadyād,
13. abhayapradaṃ karma
6.1.14. paścātsarveṣu koṇeṣu dvimukhīmekamukhīṃ vā
sarvatovijayāṃ rakṣāmekāṃ vā teṣu caturmukhīm
15. ekamukhīṃ vā sarvatrāpratirathajapa ityeke
16. sarvatra śarkarākṣepaśceti
4.2
2. 1. gṛhītvā piṣṭarātriṃ tu veśmadvāre visarjayet
2. vanaspatiraso madhya iti guggulukuṣṭhadhūpaṃ dadyād
3. yaste gandha iti bhūtimabhimantrya
4. āyuṣamiti rājñe rakṣāṃ kṛtvā
5. asapatnamiti śarkarānabhimantryākuṣṭhādabhipradakṣiṇaṃ pratidiśaṃ
kṣipet
6. śāntādyauriti japitvā rājānaṃ vāsagṛhaṃ nayet
7. bhūtinā rakṣāṃ kṛtvā niṣkramyai8. vamevamaharahaḥ kuryāditi
4.6
iti piṣṭarātryāḥ kalpaḥ samāptaḥ
4.7
ārātrikam
7.1.1. oṃ na suṣvāpa purā śakro dānavānāṃ purodhasā
prayuktairaupadhairyogairmantrāṇāṃ japahomataḥ
2. praṇipatya bṛhaspatimatharvāṇaṃ puraṃdaraḥ
dānavaiḥ paribhūto'haṃ trāhimāmityuvāca ha
3. tato'sāvevamuktastu prabhūtabalavardhanam
ārogyadaṃ bhūtikaraṃ kṣudropadravanāśanam
4. ārātrikaṃ hi kartavyaṃ tasya trātumidaṃ tadā
kṛtvā piṣṭamayaṃ dīpaṃ suvartiṃsnehasaṃyutam
5. atinihaḥ prānyāniti dvābhyāmenaṃ pradīpayet
pātre sapuṣpe saṃsthāpya sarṣapāṃśca sahākṣataiḥ
6. priyaṅgu śatapuṣpāṃ ca dūrvāṃ caiva śatāvarīm
sapāpahāriṇīṃ bhūtiṃ tatraiva ca baliṃ nyaset
7. apsarobhiḥ parivṛto gururgatvā puraṃdaram
prāpnāsaccaṃ sumanasamāsane pramukhaṃ sthitam
8. preto yantvekaśataṃ ca dīpaṃ samabhimantrayet
triḥ paribhrāmayedrājño mantriṇātha sumaṅgalam
9. śāmyantyasya tato rogā grahā vighnavināyakāḥ
svastyastu nṛparāṣṭrāya svastigobrāhmaṇāya ca
7.1.10. tatastu śāṅkhadhvaninā dīpaṃ gṛhītvā
sa toyadhārāmprayato'pi nihèret
purohito jyotiṣiko'pi vā svayaṃ
hitaiṣiṇī dhātryathavopakāritā
11. ācāmyaathṃ ha rājānamācamyādau purohitaḥ
brāhmaṇāya yathāśakti rukmaṃ prātaḥ pradāpayet
12. mūlakarmādikaṃ tasya pañcaguhyakakāritam
bhayaṃ rājño na bhavati tejo vīryaṃ ca vardhate
13. evaṃ vidhānamakhilaṃ vihitaṃ yathāvadetatsamastaśubhadaṃ gaditaṃ nṛpāṇām
naivāpadaḥ samupayānti nṛpaṃ
kadācidārātrikaṃ pratiniśaṃ kriyate tu yasya
ityārātrikaṃ samāptam