Pramāṇa · Search · About · API

Atharvanaparishishta 44

Ātharvaṇapariśiṣṭa 44

Language
Sanskrit

44.1

snānavidhiḥ
42.1.1. atha snānavidhi puṇyaṃ vakṣyamāṇaṃ nibodhata
yena snātā divaṃ lokaṃ prāpnuvanti dvijottamāḥ
2. saritsu vā taḍāge vā devakhāte hrade'pi vā
gartaprasravaṇe vāpi puṇyaṃ snānaṃ samācaret
3. pārakye tu taḍāge hi snānaṃ naiva vidhīyate
taḍāgakarturduṣkṛtairlipyate snānamācaran
4. saritāṃ sarasāṃ caiva aprāptau nirjharasya ca
uddhṛtya caturaḥ piṇḍānsnāyāttu parakhātake
5. anvīkṣyamāṇaḥ pārśvāni kuśahastaḥ samāhitaḥ
dvijo madhyaṃdinādarvāgarogī snānamācaret
6. yatte bhūma iti mṛdaṃ saṃgṛhyārcā samāhitaḥ
yaste gandha iti tribhirmṛdbhirātmānamālabhet
7. aghadviṣṭeti sūktena dūrvā śirasi vinyaset
agramagramityetayā gomayenānulepayet
42.1.8. agramagraṃ carantīnāmoṣadhīnāṃ vane vane
yanme rogaṃ ca śokaṃ ca tanme tvaṃ nuda gomaya
9. praṇavādyā vyāhṛtīstu gāyatrīṃ ca śiroyutām
paṭhettriranatvānaṃ hi prāṇāyāmaḥ sa ucyate
10. ambayo yantītyādīnitrīṇi sūktāni hi kramāt
hiraṇyavarṇā yaddo vāyoḥ pūtaḥ punantu mā

44.2

2. 1. vaiśvānaro raśmibhiśca tathāpsu ta iti smṛtam
etaiḥ saṃplāvayetsūktaistato'ghamarṣaṇaṃ smṛtam
2. apo divyāśca saṃ mā3 idamāpaḥ śivena mā
yadāpo naktamiti ca etatsyādaghamarṣaṇam
3. yadāpo naktaṃ mithunaṃ cakāra
yadvā dudroha duritaṃ purāṇam
hiraṇyavarṇāstata utpunantu
pra mā muñcantu varuṇasya pāśāt
4. sarasvatīṃ yamunāṃ gaṅgāṃ naimiṣaṃ puṣkarāṇi ca
smṛtvā tīrthāni puṇyāni avagāhejjalaṃ tataḥ
5. gacchataḥ snānakāryāya pitaraḥ saha devataiḥ
pṛṣṭhatastvanugacchanti tatsamīpaṃ jalārthinaḥ
6. āśāṃ tyaktvā nivartante vastraniṣpīḍanena tu
tasmācca pīḍayedvastramakṛtvā pitṛtarpaṇam
7. utsāhaṃ varuṇaḥ snāne agnirhotuḥ śriyaṃ haret
āyuṣyaṃ bhuñjato mṛtyustriṣu maunamathaścaret
8. snānavastre mṛdastisraḥ pradadyācchuddhihetunā
snātvā paryukṣya vāso'nyacchodhye jaṅghe mṛdā punaḥ
9. vastraniṣpīḍatoyena apavitrīkṛte hi te
uttīrya vastraṃ niṣpīḍya japedādhyātmikāni tu
42.2.10. adhyātmamasyavāmīyaṃ kautsaṃ kauṣmāṇḍikaṃ tathā
japtvātharvaśiraścaiva bhavāścarvīyameva ca
11. prāṇaśca bhagavānkālaḥ puruṣo manyureva ca
ucchiṣṭo rohito vrātya etānyādhyātmikāni tu
12. samvatsareṇa yatpāpaṃ kṛtaṃ ghoramavistaram
japtvaitāni tataḥ pāpānmucyate nātra saṃśayaḥ
13. viṣāsarhiṃ manasā hi japtvā
gāyatrīṃ ca tathā tridivaṃ prayāti
paribhraṣṭatridivāttapaḥkṣaye
jātismaratvaṃ punareva vindate
jātismaratvaṃ punareva vindata iti

44.42

iti snānavidhiḥ samāptaḥ

Linked texts (2)