Samillakshana (Samillakṣaṇa)
समिल्लक्षण
the 26th Pariśiṣṭa of the Av.
- Language
- Sanskrit
- Date
- 400 BCE – 1200 CE
- Extent
- 6 passages, 327 words
- Text
- partly digitised
- Source
- archiveorg · The Pariśiṣṭas of the Atharvaveda; ed. George Melville Bolling, Julius von Negelein, Ram Kumar Rai;… · Scan of a printed edition hosted by the Internet Archive (archive.org); the ancient text is in the public…
Contents
Text
1
samillakṣaṇam
26.1.1. oṃ samidhāṃ saṃpravakṣyāmi pramāṇaṃ lakṣaṇaṃ śubham
tathā śubhaṃ ca tattvena yathāphalavibhāgataḥ
2. yajñakarmaṇi kartavyāḥ śāntike pauṣṭike tathā
prādeśamātrīḥ samidhaḥ proktāḥ sarveṣu karmasu
3. tiryagyavodarāṇyaṣṭādūrdhvā vā trīhayastrayaḥ
aṅgulasya pramāṇena prādeśo dvādaśāṅgulaḥ
26.1.4. ata ūrdhvaṃ na kartavyā nāpi hrasvā na cordhvataḥ
na vakrā caiva kartavyā nāpi granthisamanvitā
5. ūrdhvatastu yato vakrā citradadruvicarcikāḥ
karoti yāge kṣipraṃ tu tasmāttāṃ parivarjayet
2
2. 1. dviphalā piṇḍavarjāpi triphalā vāpi yā bhavet
ṣaṭphalā saptaphalā yā caturaṅgaṃ vinaśyati
2. saptatrapuṣpasamidhaḥ kalpayitvā vicakṣaṇaḥ
pauṣṭikaṃ karma kurvīta sidhyate nātra saṃśayaḥ
3. patrapuṣpayutā yāstu śāntadrumasamudbhavāḥ
samidho goṣṭhamadhye tu praśastāḥ parikīrtitāḥ
4. athāparaṃ pravakṣyāmi samidhāṃ caiva lakṣaṇam
5. viśīrṇā dvidalā hrasvā vakrā caiva dvidhāgrataḥ
kṛśā ca dīrghā sthūlā ca karmasiddhivināśinī
6. yadyatra lakṣaṇaṃ proktaṃ yasminkāle yathāvidhi
tatra tenaiva siddhiḥ syādviparīte tathā bhayam
7. samāhitānāṃ samidhāṃ tāsāṃ caiva phalaṃ śṛṇu
8. viśīrṇāyuḥkṣayaṃ kuryāddvidalā rogadā bhavet
abhimukhagatamatrā sadyo hrasvā nivartayet
3
3. 1. durbhagaṃ kurute vakrā sthānabhraṃśaṃ dvidhāgrataḥ
kṛśā sarvavināśāya dīrghā nāśayate śriyam
2. sthūlā tu kurute vighnaṃ sarvakāryeṣu dvijasya tu
ataḥ pramāṇaṃ vividhaṃ phalaṃ cāpi tathā śṛṇu
3. latāpallavasaṃjātā dvādaśāṅgulakalpitā
kṣīrāktā śāntike home hotavyā tu viśeṣataḥ
4. kevalaṃ muktisiddhyarthaṃ ghṛtāktāṃ homayeddvijaḥ
daśāṅgulapramāṇāṃ hi homayenmantrakarmaṇi
26.3.5. navāṅgulā tu kartavyā tailābhyaktābhicārike
aṣṭāṅgulā vibhūtyarthe ghṛtadagghā tu homayet
4
4. 1. kevalaṃ madhusaṃyuktā saptāṅguladalīkṛtā
uccāṭane praśastā sā dvidalā ca na śāntaye
2. vidveṣe kaṭutailāktā dvidalā tu ṣaḍaṅgulā
sarvato granthihīnā tu viprāṇāṃ syātsamicchubhā
3. avakrāgranthisaṃyuktā kṣatriyāṇāṃ jayāvahā
madhye tu granthi saṃyuktā vaiśyānāṃ bhūtisādhanī
4. trayāṇāmapi vakṣyante yā grāhyāḥ samidhaḥ smṛtāḥ
nātyārdrā nātiśuṣkā vā naiva coparasaṃbhavāḥ
5. na dagdhā na kṛmidaṣṭāḥ sarvadoṣavivarjitāḥ
samidhāmindhanānāṃ ca tulyānvṛkṣānpracakṣate
6. śuṣkairyā indhanaiḥ pūrvaṃ yajñavṛkṣamayaiḥ śubhaiḥ
ārdrāṇi homayeccaiva śuṣkaiḥ kalahakarmaṇi
śuṣkāni hīndhanāni syuḥ samidhastu yathoditāḥ
5
5. 1. puṣṭikāmaḥ palāśasya gṛhṇīyācchāntikarmaṇi
udumbarasya vittārthī vaṭāśvatthasya rājyadhīḥ
2. śrīkāmo bilvavṛkṣasya kadambasya tathaiva ca
vidveṣaṃ kaṭukaiḥ kuryātkaṇṭakairmāraṇaṃ bhavet
3. kakubhaṃ kaṭabhaṃ vṛkṣaṃ kauvirālaṃ tu kauhakam
vaṃśaṃ vibhītakaṃ śigruṃ vidyāduccāṭane hitān
4. stambhane sarvasainyānāṃ vijayārthe jayaṃ diśet
apāmārgeṇa saubhāgyamāyuṣkāmo hi dūrvayā
5. punnāgacampakau vṛkṣā ye cānye kṣīriṇaḥ śubhāḥ
yadyatra lakṣaṇaṃ proktaṃ yasminkāle yathāvidhi
26.5.6. tatra tenaiva siddhiḥ syādiparīte tathā bhayam
arkaḥ palāśo madhuko nyagrodhodumbarastathā
7. plakṣo'śvattho gomayāni kuśāśca samidhaḥ kramāt
yathākrameṇa samidha ādityādigraheṣu ca
8. śataṃ sahasraṃ lakṣaṃ vā gāyatryā paramāhutiḥ
hūyamānaṃ tu yatkicitkṛtānaṃ yadi vā tilāḥ
9. grahenakṣatrapīḍāyāṃ sāvitryāpi hutaṃ hutam
eṣa bhedo mayākhyātaḥ śubhasya tvaśubhasya ca
10. yathoktametadyaḥ kuryātsa sarvaphalamāpnuyāditi
26
iti samillakṣaṇaṃ samāptam