Pramāṇa · Search · About · API

Shrutibodha 2

Śrutibodha 2

Language
Sanskrit

2.2

dodhakavṛttam
ādyacaturthamahīnanitambe ! saptamakaṃ daśamaṃ ca tathāntyam
yatra guru prakaṭasmarasāre ! tatkathitaṃ nanu dodhakavṛttam 20
indravajrāchandaḥ
yasyāṃ triṣaṭsaptamamakṣaraṃ syāddhrasvaṃ sujaṅge ! navamaṃ ca tadvat
gatyā vilajjīkṛtahaṃsakānte ! tāmindravajrāṃ bruvate kavīṃdrāḥ
upendravajrā
yadīndravajrācaraṇeṣu pūrve bhavanti varṇā laghavaḥ suvarṇe !
amandamādyanmadane ! tadānīmupendravajrā kathitā kavīndraiḥ
upajātiḥ
yatra dvayorapyanayostu pādā
bhavanti sīmantini ! candrakānte !
vidvadbhirādyaiḥ parikīrtitā sā
prayujyatāmityupajātireṣā

2.24

ākhyānakīchandaḥ
ākhyānakī syātprakaṭīkṛtārthe !
yadīndravajrācaraṇaḥ purastāt
upendravajrācaraṇāstrayo'nye
manīṣiṇoktā viparītapūrvā

2.24-2

tathāpi piṅgalādibhirācāryairhalāyudhādāvuktaiva

2.25

rathoddhatāchandaḥ
ādyamakṣaramatastṛtīyakaṃ
saptamaṃ ca navamaṃ tathāntimam
dīrghamindumukhi ! yatra jāyate
tāṃ vadanti kavayo rathoddhatām

2.27

svāgatāchandaḥ
akṣaraṃ ca navamaṃ daśamaṃ cedvyatyayādbhavati yatra vinīte !
proktameṇanayane! yadi saiva svāgateti kavibhiḥ kathitāsau
vaiśvadevīchandaḥ
hrasvo varṇaḥ syātsaptamo yatra bāle !
tadvadvimboṣṭhi ! nyasta ekādaśādyaḥ
bāṇairviśrāmastatra cedvā turaṅgairnāmnā nirdiṣṭā subhru ! sā vaiśvadevī

2.29

toṭakavṛttam
satṛtīyakaṣaṣṭhamanantarate ! navamaṃ viratiprabhavaṃ guru cet
ghanapīnapayodharabhāranate ! nanu toṭakavṛttamidaṃ kathitaṃ 28
bhujaṅgaprayātaṃ chandaḥ
yadādyaṃ caturthaṃ tathā saptamaṃ cettathaivākṣaraṃ hrasvamekādaśādyam
śaraccandravidveṣivaktrāravinde !
taduktaṃ kavīndrairbhujaṅgaprayātam

2.30

drutavilambitaṃ chandaḥ
ayi kṛśodari ! yatra caturthakaṃ
guru ca saptamakaṃ daśamaṃ tathā
viratigaṃ ca tathaiva vicakṣaṇairdrutavilambitamityupadiśyate

2.31

pramitākṣarāchandaḥ
yadi toṭakasya guru pañcamakaṃ
vihitaṃ vilāsini ! tadakṣarakam
rasasaṃkhyakaṃ guru na cedabale !
pramitākṣareti kavibhiḥ kathitā

2.32

prathamākṣaramādyatṛtīyayordrutavilambitakasya ca pādayoḥ
yadi cenna tadā kamalekṣaṇe !
bhavati sundari ! sā hariṇīplutā

2.33

vaṃśasthaṃ vṛttam
upendravajrācaraṇeṣu santi cedupāntyavarṇā laghavaḥ kṛtā yadā
madollasadbhrūtitakāmakārmuke !
vadanti vaṃśasthamidaṃ budhāstadā

2.34

indravaṃśāchandaḥ
yasyāmaśokāṅkurapāṇipallave !
vaṃśasthapādā gurupūrvavarṇakāḥ
tāruṇyahelāratiraṅgalālase !
tāmindravaṃśāṃ kavayaḥ pracakṣate

2.35

prabhāvatīchandaḥ
yasyāṃ priye ! prathamamakṣaradvayaṃ
turyaṃ tathā guru navamaṃ daśāntikam
sāntyaṃ bhavedyativiratiryugagrahaiḥ
sā lakṣitā hyamṛtalate ! prabhāvatī

2.36

praharṣiṇīchandaḥ
ādyaṃ cettritayamathāṣṭamaṃ navāntyaṃ
dve cāntye guruviratau subhāṣite ! syāt
viśrāmo bhavati maheśanetradigbhirvijñeyā nanu sudati ! praharṣiṇī sā

2.37

vasantatilakāchandaḥ
ādyaṃ dvitīyamapi cedguru taccaturthaṃ
yatrāṣṭamaṃ ca daśamāntyamupāntyamantyam
kāmāṅkuśāṅkuśitakāmitamattajendre !
kānte ! vasantatilakāṃ kila tāṃ vadanti

2.38

mālinīchandaḥ
prathamamaguruṣaṭkaṃ vidyate yatra kānte !
tadanu ca daśamaṃ cedakṣaraṃ dvādaśāntyam
karibhiratha turaṅgairyatra kānte ! virāmaḥ
sukavijanamanojñā mālinī sā prasiddhā

2.39

hariṇīchandaḥ
sumukhi ! laghavaḥ pañca prācyāstato daśamāntikaṃ
tadanu lalitālāpe varṇau! yadi tricaturdaśau
prabhavati punaryatropāntyaḥ sphuratkarakaṅkaṇe !
yatirapi rasairvedairaśvaiḥ smṛtā hariṇīti sā

2.40

śikhariṇīchandaḥ
yam̐dā pūrvo hrasvaḥ kamalanayane ṣaiṣṭhakaparāstato varṇāḥ pañca prakṛtisukumārāṅgi ! laghavaḥ
trayo'nye copāntyāḥ sutanu jaghanābhogasubhage !
rasai rudrairyasyāṃ bhavati viratiḥ sā śikhariṇī

2.42

pṛthvīchandaḥ
dvitīyamalikuntale ! yadi ṣaḍaṣṭamaṃ dvādaśaṃ
caturdaśamatha priye ! guru gabhīranābhihrade !
sapañcadaśamantikaṃ tadanu yatra kānte ! yatirgirīndraphaṇibhṛtkulairbhavati subhru ! pṛthvī hi sā 41
mandākrāntāvṛttam
catvāraḥ prāk sutanu guravo dvādaśaikādaśau cenmugdhe ! varṇau tadanu kumudāmodini ! dvādaśāntyau
tadvaccāntyau yugarasahayairyatra kānte ! virāmo
mandākrāntāṃ pravarakavayastanvi ! tāṃ saṃgirante

2.43

śārdūlavikrīḍitaṃ chandaḥ
ādyāścedguravastrayaḥ priyatame ! ṣaṣṭhastathā cāṣṭamo
nanvekādaśatastrayastadanu cedaṣṭādaśādyau tataḥ
mārtaṇḍairmunibhiśca yatra viratiḥ pūrṇendubimbānane !
tadvṛttaṃ pravadanti kāvyarasikāḥ śārdūlavikrīḍitam
krīḍitam

2.44

śārdūlavikrīḍitam | ca0 a0
19, ga0 ma, sa, ja, sa, ta, ta; ga, yatiḥ 12, 7
sragdharā vṛttam
catvāro yatra varṇāḥ prathamamalaghavaḥ ṣaṣṭhataḥ saptamo'pi
dvau tadvatṣoḍaśādyau mṛgamadamudite ṣoḍaśāntyau
tathāntyau rambhāstambhorukānte munimunimunibhirdṛśyate
cedvirāmo bāle ! vandyaiḥ kavīndraiḥ sutanu ! nigaditā
sragdharā sā prasiddhā

Linked texts (2)